Australiako lehen ministroak Julian Assange askatzeko eskatu du

  • “Nahikoa da”, esan du Anthony Albanese Australiako lehen ministroak Democracy Now!-ko albistegian, eta eskatu du Julian Assangeren kasua bertan behera uztea. Wikileaks-en fundatzaileak lau urte daramatza Londreseko Belmarsh kartzelan, estradizioaren zain AEBetan epaitua izateko, azken horiek Iraken eta Afganistanen egin zituzten gerra krimenen dokumentuak argitaratzeagatik.


2023ko ekainaren 08an - 12:51
Azken eguneraketa: 16:40

Australian geroz eta politikari gehiago daude Assangeren kasua bertan behera uztearen alde. Jen Robinson, bere aholkulari legala 2010etik, epaiketa horrekin jarraitzea “munduko adierazpen askatasuna mehatxatzen" duela dio, prentsa askatasunarekin batera. Australiako lehen ministroak asteartean egin ditu adierazpenak Assange askatu dezaten eskatuz, eta kasuari amaiera emateko bide diplomatikoak erabiltzeko prestutasuna agertu du. Australiako biztanlearen gehiengoak dago Assangen espetxealdiari irteera bat ematearen alde, eta eremu politikan lehen ministroak zein oposizioak adierazi dute desio bera.

Robinson abokatuak esan duenaren arabera, Estatu Batuetan Assangek irekita duen kausak ez du indarrik, FBIk informazio berririk ez duelako lortu, eta ikerketak ez duelako, hortaz, heldulekurik.

Estradizio eskaeraz eta epaiketaz aparte, Assangeren talde legala beste hainbat kasutan ari da lanean: Erresuma Batuko Gobernuaren aurka, Estatu Batuetako Gobernuari legez kanpoko informazioa emateagatik; CIAren aurka; eta Espainiako UC Global enpresaren buruaren aurka –Ekuadorreko enbaxadan segurtasunaz arduratzen zen enpresa, Robinsonen arabera CIAri informazioa eman ziona. Legez kanpoko espioitzan Espainiako Polizia ere inplikatuta dagoela dio abokatuak.

Biden presidentearen administrazioak karguak bertan behera utziko dituela espero du Robinsonek. Kasuak ezartzen duen aurrekaria arriskutsua dela dio aholkulariak, munduko osoko prentsa eta adierazpen askatasuna mehatxatzen baititu. Assange Australiara bueltatu dezatela eskatzen du bere defentsak.


Kanal honetatik interesatuko zaizu: Adierazpen askatasuna
2024-05-03 | Axier Lopez
Oiartzungo Yakovlev 42 musika taldea zigortu nahi du Guardia Zibilak bere abestiengatik

Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.


2024-04-29 | ARGIA
Pablo Gonzalez kazetaria aske uztea eskatu dute beste behin Nabarnizen

Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]


Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


2024-02-01 | Gedar
Black Marfil abeslariaren kontrako zigorra berretsi dute: bi urte eta hilabete bat

Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.


Eguneraketa berriak daude