ARGIA.eus

2020ko uztailaren 09a

Zortzi herritan elkarretaratzeak egin dituzte Angeluko "feminizidioa" salatzeko

  • Talde feministek deituta elkarretaratzeak egin dituzte maiatzaren 11n, honako herriko etxeetan: Baiona, Angelu, Hendaia, Kanbo, Hazparne, Garazi, Larzabale, eta Baigorri.

ARGIA @argia
2020ko maiatzaren 12a
Larzabalgo elkarretaratzea.

"Bortizkeria denen erantzukizuna dela" nabarmendu dute: "hezitzaileena, ezkonkideena, lagunena, lankideena, auzoena, ikusliarrena...".

Konfimanenduak egoera larriagotu egin duela adierazi dute: "Emazte anitz beren bikote bortitzarekin hetsirik egon dira, bortizkeri pzikologikoak, laidoak eta golpeak jasan dituzte. Iparraldean seinalamenduak %60 emendatu dira. Eta zenbaki honek ez du kontutan hartzen denbora guzian, zainduak, kontrolatuak direlako, laguntza eskatzeko telefono dei bat pasatzen ahal ez duten emazteak".

"Ez gara isilduko!" egin dute dei, izan ere, "badakigu isiltasuna dela erasotzaileen laguntzaile hoberena". Guztion ardura agertu dute jarraian: "Denak gara ezkonkide, lagun, lankide, auzo, ikusliar... denak izan gaitezke lekuko, eta ez dugu konplize izan nahi".

 

 

 

Angeluko elkarretaratzea.

 

 

 

2005etik eraildako emakumeak

Iparraldean bortizki hil dituzten emakumeen zerrenda hau osatu dute bertako talde feministek. "Hiltzaileek ukatu zituzten, hil zituzten emazteen biziaren jabe zirelakoan. Jendartearen oroitzapenera, gure oroitzapenera ekarri nahi ditugu. Ez dugu erasotzaileen heriotza nahi, haien biktimen bizia baizik" adierazi dute.

- Sophie, lepoa tinkaturik hila (2005)

- Audrey, tirokaturik hila (2005)

- Begoña, hil arte joa (2006)

- Liliane, aizto ukaldiz hila (2007)

- Carlota, jo eta lepoa tinkaturik hila (2008)

- Marie Laurence, nahitara piztu sutean errea  (2009)

- Mari Jeanne eta Mari Jeanne, tirokatua (2009)

- Annie, tirokatua (2010)

- Kristine, lepoa tinkaturik hila (2010)

- Sophie, aizto ukaldiz hila (2011)

- Binta, tiroz hila (2012)

- Céline eta Manuel, aizto ukaldiz hilak (2014)

- Melissa eta Annie (2015)

- Axelle, bere bikotekideak auto-istripua eraginik  (2015)

- Nathalie kolpez erahila (2016)

- Christelle, tiroz erahila (2016)

- Roxane, bere bikote kideak lehertua (2018)

- Rejane, tirotaturik hila, (2018)

- Mayie, tirotaturik hila 2019

- Chantal, tirotaturik hila 2019

- Nathalie, kolpez erahila ( 2019)

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Covid-19 eta erantzun soziala kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude