“Gazako iparraldean bizitza bermatuko duen ezer ez dago”
Gazako iparraldeko Beit Lahiya hiria setioan dago eta Israelen etengabeko erasoaldiek gutxienez 120 palestinar hil dituzte azken aldi honetan. Astebete baino gutxiagoan, urriaren 24tik 29ra bitartean, NBEk “biktima masiboak” izan dituzten zazpi eraso erregistratu ditu. Zonaldean laguntza humanitarioa sartzea ekiditen ari da Israelgo armada.
Israelek asteak daramatza Gazako Iparraldea etengabe bonbardatzen zonaldea setiaturik duen bitartean, Al-Jazeerak jaso duenez. Asteazken goizean Beit Lahiyak – Gazako iparraldeko udalerri batek– hiria “zonalde katastrofiko” izendatu du. “Beit Lahiya hondamendi eremu gisa deklaratzen dugu, Israelgo sarraski gerraren eta setioaren ondorioz. Ez du elikagairik, urik, ospitalerik, medikurik, zerbitzurik ezta komunikaziorik ere”, adierazi du.
Etxebizitza blokeen aurkako lau eraso egin ditu Israelek
Aurreko ostiralean Israelek Beit Lahiyako iparraldean etxe bi bonbardatu eta 25 pertsona hil ditu. Hurrengo egunean, larunbatean, etxebizitza bloke bat suntsitu eta 30 zibil hil eta hamarnaka desagerrarazi zituen. Asteartean aireko erasoaldia egin du Israelek, beste behin, etxebizitza-bloke baten aurka. Bertan lekualdatutako familiak bizi ziren eta 93 hildako, horien artean 25 haur, eragin ditu. Tor Wennesland, Ekialde Ertainean Nazio Batuen Erakundeko mandataria, "atsekabetuta" agertu da astearteko erasoagatik. “Gazako zibilen sarraskia, eraso orokortuak, eta Gazako herritarren joan-etorri amaigabea gaitzesten ditut zalantzarik gabe”, erran du. Egun bereko ilunabarrean gutxienez beste 19 palestinar hil dituzte Israelgo indarrek, berriro ere etxebizitza-bloke batzuen aurka eginez. Hamarnaka pertsona daude hondakinen azpian harrapatuta, erreskate taldeak bizirik atera diren pertsonak bilatzen ari diren bitartean. Orotara, Israelgo indarrek 120 palestinar hil dituzte gutxienez Beit Lahiyan. AEBek ere “izugarritzat” jo dute azken asteetako erasoaldia.
Israelek ez ditu osasun-zerbitzuak sartzen uzten
Raed al Nemsek, Palestinako Ilargi Gorriko bozemaileak, Gaza iparraldeko egoera “katastrofikoa” dela berretsi du, anbulantziek ezin baitute zaurituengana heldu. Israelgo armada 25 egunez jarraian laguntza iristea eragozten ari da, eta militarrak nahita ari dira su ematen errefuxiatuen aterpeei. “Lehentasuna Gaza iparraldean erasoa gelditzea eta anbulantziak sartzen uztea da”, azaldu du Nemsek, eta zaurituak sorosteko zailtasuna dela eta hildako kopuruak gora egiten duela gehitu du.
Sam Rosek, Ekialde Hurbileko Palestinar Iheslarientzako Nazio Batuen Herri Lan eta Sorospen Erakundeko zuzendariordeak, adierazi du Israelek ukatu egin duela Gazako iparraldera hornigaiak eramateko baimena, setio militarra jasan duten iparraldeko ospitale bi izan ezik. Normalean arrazoiak eman ohi dituztela azaldu du, eta oraingoan auzi operatiboak direla eta ezinezkoa dela esan diete. Laguntza misio gehienak soilik Gazako hirian sartu dira, baina ez operazio militar gogorra izaten ari den setio-zonaldean. Rosek berretsi duenez, Gazako palestinarrek hilabeteak daramatzate “gosetearen eta elikadura ziurgabetasun katastrofikoaren ertzean”. Egoera horretan gertatzen ari dena ziurtasunez jakitea “oso zaila dela” jakinarazi du, erasoaldien intentsitateak eta sartzeko aukera faltak eragozten dutelako
Gosea arma gisa
Oxfam konfederazioak ere salatu du ezin direla Gazako iparraldera heldu bonbardaketa kanpainagatik, eta Israelgo armadari egotzi dio gosea “palestinarren aurkako ofentsiban arma bezala erabiltzea”. Hani Mahmoudek, Al-Jazeerako erreportari batek, salatu du “oinarrizko hornigaien faltak eta etengabeko erasoek Gazako iparraldeko palestinarren existentzia sustengatzen duten baliabide guztiak suntsitzen ari dela Israel”. “Hormigoizko eskeletoak bihurtu dira hiriak, hilerri desolatuak dira, Gazako iparraldean bizitza bermatuko duen ezer ez dago”, gehitu du.
Jabaliaren, Beit Hanoonen eta Beit Lahiyanen aurkako erasoek 800 lagun hil dituzte setioa hasi zenetik, Gazako Osasun Ministerioaren arabera.
Urriaren 15ean Palestinaren aldeko eguna da Hego Euskal Herrian, eta hainbat sindikatuk eta mugimendu herritarrek mobilizazioak, lanuzteak eta grebak deitu dituzte. ARGIAk bat egin du Palestinaren aldeko greba eta lanuzteekin. Hemen aurkituko dituzue egunaren jarraipena eta... [+]
.jpg)
Milaka eta milaka pertsonak parte hartu dute Palestinaren aldeko Gasteizko manifestazio nagusian. Sindikatu deitzaileak oso pozik agertu dira manifestazioak, lanuzteek eta grebak Araban izan duten jarraipenarekin. Nazioarteko zein Euskal Herriko patronalari eta instituzioei... [+]
Torturak eta gehiegikeriak 2023ko urriaren 7tik ugaldu egin direla frogatu dute askatu berri dituzten ehunka palestinarren testigantzek. Nahita eduki dituzte goseak jota, mota askotako torturak pairatu dituzte, eta osasun arta hutsaren hurrengoa izan dela salatu dute. Aske... [+]
Donald Trumpek Gazarako bere su-etena ospatzen jarraitzen duen bitartean, galdera ugari dago etorkizunaren gainean. Democracy Now! hedabideak Khaled Elgindy elkarrizketatu du asteartean [urriak 14], arabiar gaietan aditua eta irakasle bisitaria Georgetown Unibertsitatean, AEBek... [+]
Hezkuntzak egun osoko greba bizi du Hego Euskal Herrian eta jarraipen zabala izaten ari dela adierazi diote ARGIAri langileen eta ikasleen ordezkariek. Jarraipenaren datuak, elkarretaratzeak, zabaldu dituzten mezuak eta deialdi berezituaren arrazoiak jaso ditugu. “Beste... [+]
Igandean indarrean sartu zen su-etenaz geroztik, armada sionistak hiltzen jarraitu du. Gutxienez bederatzi palestinar hil eta beste hiru adin txikiko zauritu dituzte. Droneekin tirokatuta hil dituzte lehenak, eta besteak Al-Shifa ospitaletik gertu zeuden lehertu gabeko... [+]
Gazako zerrenda Egiptorekin lotzen duen Rafah pasabidea zabaltzea eta egunean laguntza humanitarioko 600 kamioiri Gazan sartzen uztea hitzemana zuen Israelek, baina asteartean mehatxu egin zuen 300 kamioi soilik utziko zuela sartzen eta Rafah pasabidea ez zuela zabalduko... [+]
Palestinaren aldeko lanuzteek enpresetan jarraipen zabala izatea aurreikusten zuten sindikatuek, eta hala izaten ari da. Gainera, mobilizazioak lantokietan bertan hasi dira, hiriburuetan egingo diren manifestazio handien atariko.
Urriaren 15ean palestinar herriaren aurkako genozidioa salatzeko geldialdia egingo dugu, indartsu. Itxiko ditugu enpresak, elkarteak, egoitza publiko zein pribatuak, industrialdeak. Zaharren egoitzak edo ospitaleak ez, zerbitzu minimoak %100ean jarri dituztelako, zerbitzu... [+]
Urriaren 15eko asteazkena Palestinaren aldeko eguna da Hego Euskal Herrian, eta hainbat sindikatuk eta mugimendu herritarrek mobilizazioak, lanuzteak eta grebak deitu dituzte. Albiste honetan jaso ditugu deialdiak. ARGIAk bat egiten du Palestinaren aldeko greba eta... [+]
Aurten bigarrenez, Iparraldea Palestinarekin sareak "palestinarrak haien erresistentzian sustengatzeko eta Israel zein bere konplizeen kontra borrokatzera deitzeko eguna" antolatu du azaroaren 15ean Makean (Lapurdi). Halaber, dei egin dute azaroaren 8an Israelekin... [+]
Ohar bateratua argitaratu dute Hamasek, Jihad Islamikoak eta Palestinaren Askapenerako Herri Fronteak. Ñabardurak egin dizkiote itxurazko bake-planari: ez daude ados "nazioarteko tutoretza" edo Gazarako aipatzen den "aldi baterako kanpo-administrazioa"... [+]
Hasi da bahituen trukea Palestinan eta Israelen. AEBetako presidentea heroi baten moduan hartuko dute astelehen eguerdian Tel Aviven, eta Egipton goi-bilera egingo da gero, "Gazaren etorkizunaz gogoetatzeko". Bien bitartean, laguntza humanitarioa indartu bada ere,... [+]
Israel eta Hamas negoziaketa betean dira, Trumpek proposatutako su-etenerako planaren harira. Ekialde Hurbileko zenbait hedabidek informatu dutenez, bahitu israeldarren trukean askatu behar dituen preso palestinarren izenen zerrendan jarri zuten Marwan Barghouti, baina... [+]