Zinemaldi Alternatiboaren 16. edizioa aurkeztu dute, Palestinari keinu eta arrazakeriari aurre egiteko
Donostiako herri mugimenduak artikulatuta hainbat auzotan antolatzen den Zinemaldi Alternatiboaren 16. edizioa aurkeztu dute (11 + 5, beraiek dioten bezala, eraitsitako Kortxoenea gaztetxeko bost urteei erreferentzia eginez). Aurten sei proiekzio egingo dituzte ondorengo auzoetan: Txomin Enean, Intxaurrondon, Grosen, EHUko arkitektura eskolan, Egian eta Antiguan. Karteletik bertatik, Palestinari eman diote garrantzia.
Hauxe da Zinemaldi Alternatiboko kideek aurkeztu duten egitaraua, Donostiako Zinemaldiarekin batera, kalean eta hiriko gune autogestionatuetan egingo dituzten proiekzioen harira.
2024ko edizio honetan, bi gai edo errealitate nabarmendu nahi izan dituzte, adierazi dutenez. Lehenik eta behin, Palestinako herriari elkartasuna adierazi eta Israelgo Estatua egiten ari den genozidioa salatu nahi du jaialdiak. Horren froga da edizio honetarako prestatu duten kartela. Cate Blanchett aktoreak Cannesko alfonbra gorrian Palestinari egin zion keinua baliatu eta txalotu nahi izan dute kartelean. Horrez gain, irailak 24, asteartean, Groseko Marruma elkartean Farha filma proiektatuko dute, Netflix, Filmin eta hainbat plataformatan zentsuratuta dagoena.
Bestalde, Zinemaldi Alternatiboak bat egin du Donostian “gora doazen” arrazakeria eta faxismoa amaitzeko abuztuaren 7an ehunka herritarrek egindako deiarekin. "Segurtasuna aitzakiatzat hartuta, ugaritzen ari dira pertsona migratu eta arrazializatuen kontrako diskurtso eta jarrera xenofoboak, arazoaren benetako erroa ukatzen den bitartean. Testuinguru horretan, beraz, Zinemaldi Alternatiboari ere badagokio antolakuntza eta kultura antierrepresibo, antirrazista eta antifaxista indartzea”, diotenez. Helburu hori du irailak 26, ostegunean, Egiako Teila Fabrikan antolatu duten saioak.
Ondorengoa da egitaraua.
Irailak 20 ostirala, 20:00etan Txomin Eneako Arteleku plazan eguraldi ona eginez gero, txarra eginez gero Lanberriren egoitzan: Bizkarsoro.
Irailak 21 larunbata, 20:00etan Intxaurrondoko Letaman gaztetxean El Síndrome de Venecia. Gero Bizilagunekin plataformako kideekin solasaldia egongo da.
Irailak 24 asteartea, 19:00etan Groseko Marruma elkartean: Farha. Presio sionistak direla eta, Netflixen, Filminen eta beste hainbat
plataformatan zentsuratuta dago filma. Ondoren, Donostiako BDZko kideekin solasaldia.
Irailak 25 asteazkena, 17:30ean EHUko Arkitektura Eskolan: City for sale.
Irailak 26 osteguna, 18:30ean Egiako Teila Fabrikan. Infernuan + Sueños de Viernes.
Irailak 27 ostirala, 20:00etan, Antiguoko Txantxarreka gaztetxean: Kuxkuxtu: Parean, ondoan, elkarrekin.
Bilbok berriro ere zinema konprometituaren epizentro bihurtuko da urriaren 16tik 23ra, Film Sozialak Zinema Ikusezina Nazioarteko Jaialdiaren 17. edizioarekin.
Elkarrekin esnatzeko ordua (Susa, 2016) Kirmen Uriberen nobelan oinarrituta, Karmele pelikula zine aretoetan estreinatzear da Asier Altuna (Bergara, 1969). Lehen lurreratzea Donostiako Zinemaldian izan du, eta bertako ateak ireki orduko eman dio elkarrizketa ARGIAri, goizean... [+]
Elkarteak salatu dutenez, Aditu adimen artifizialeko erreminta tresna bikoizketak ere egiteko gai da, eta bikoiztaileen ogibidea zein bikoizketaren kalitatea arriskuan ikusten ditu.
Emakume zinemagileentzako egoitza artistikoa da Etxe Betea eta Bilboko erdigunean sortu zen 2022an, Gariza Films ekoiztetxe feministaren eskutik. Ordutik, lau egoitzaren bidez –Gela bat norberarena, Elkarrekin Sortzen, A Shelter of One’s Own eta Two Weeks... [+]
Zinemaldi Alternatiboaren amaierarekin batera antolatzaileek haien esker onak eta balorazioa plazaratu dituzte. 17. edizioa izan den honetan, azpimarratu dute zinema tresna gisa hartuta komunitatea ehuntzen aritu direla.
Azken urteetako euskal thrillerren maisutzat dute askok Koldo Almandoz (Donostia, 1973). 2020an kaleratu zuen Nerea Garcia (Nagore Aranburu) inspektorearen lehen telesaila, Hondar Ahoak, eta Ondarroan pasatakoek publikoa poltsikoratu zuten bizkor. Lehen zatitik bost urtera,... [+]
Die my love
Zuzendaria: Lynne Ramsay
Herrialdea: Kanada
Iraupena: 118 minutu
Estreinaldia: Azaroaren 21ean, zinemetan
Erditze osteko doluan dago Grace (Jennifer Lawrence), baina ez zaigu amaierara arte hitzez adieraziko. Kontakizun ero eta kaotikoa da, bere begiradatik... [+]
Iragan berria den Donostiako Zinemaldian euskarazko hiru lan eskaini dira prestigiozko Sail Ofizialean: Maspalomas, Karmele eta Zeru ahoak.
Festibala gutxi gorabehera erdira heldu zenean ohartu nintzen laugarren bat ere bazegoela euskal zinea labelarekin: Los domingos. Bilbon... [+]
Alauda Ruiz de Azua zuzendari barakaldarren lanak jaso du sari preziatua, baita Euskal Zinemaren Irizar saria ere. Bestalde, hunkituta jaso du garaikurra Jose Ramon Soroizek, mende erdiko ibilbide oparoaren ostean.
Zinemaldi eder honi amaiera emateko, Jay Kelly ikusi dut, Noam Baumbachek zuzendu eta George Clooneyk protagonizatu duen pelikula. Bertan Jay Kelly izeneko aktore asmatu baten bizitza kontatu da, Hollywoodek sorturiko famatu generikoaren erretratu. Film honetan, Jay ikusi dugu... [+]
Aurreko urteko Zinemaldian, Paolo Sorrentinok Parthenope luzemetraia aurkeztu zuen, eta gogo handiz joan nintzen ikustera, baita gustura atera ere. Aurten film berria aterako zuela jakitean, ez nuen duda izpirik izan, eta, finean, azken egunerako utzi nuen gozokia. La Grazia,... [+]
Molt lluny klasiko bat da, barrura begirako klasiko bat. Gerard Oms zuzendariaren lehen obrak beste pelikula askotan ikusi den barne bilaketa proposatzen du: gizon heterosexual oso normatibo batek antsietate dezentekoa du, ez daki zer gertatzen zaion, baina ez dago gustura... [+]
Testuinguru historiko, politiko eta sozialik gabea, kasik azalpenik ez... Eskasa iruditu zait oso Donostiako Zinemaldiaren itxiera galako pelikula, The Winter of the Crow.
Poloniako Varsovian kokatzen da, 1981eko abenduan. Psikiatra irakasle britainiar bat da... [+]