Zinema gidoietara bideratutako Jaurlaritzaren diru-laguntzetan, dokumental eta serieen gidoigintza kanpo utzi dute

  • Eusko Jaurlaritzaren kultur sorkuntza bultzatzeko 2021eko diru-laguntzek ez dute barne hartzen telesailetara eta dokumentaletara bideratutako gidoigintza. Desadostasuna agertu eta kanpo utzitako kategoria berriz diru-laguntzetan txertatzeko, sinadura bilketa abiarazi dute.


2021eko martxoaren 15an - 12:55
(Argazkia: Bokskapet)

Kultur-sorkuntzarako diru-laguntzen araudian jazotako aldaketen ondorioz, zinema gidoietara bideratutako 2021eko diru-laguntzek ez dute beren baitan jasotzen telesail eta dokumentalen gidoigintza. Aldaketarekin desados eta kezkaturik agertu dira hainbat herritar, eta Eusko Jaurlaritzari kategoria horiek berriz diru-laguntzen baitan sar ditzan eskatzeko asmoz, sinadura bilketa abiatu dute.

Sinatzaileek bat egiten dute Aitziber Atorrasagasti Calcedo Jaurlaritzako Kulturaren Sustapenerako zuzendariari luzatutako gutunarekin. Idatziaren bidez, Atorrasagastiri hiru eskakizun egiten zaizkio: batetik, dokumental eta serieen kategoriei eragin dien araudiko aldaketa baliogabetzea; bestetik, beharrezkoa izanez gero, balorazio batzordea handitzea; eta azkenik, EAEn kultura sorkuntzara bideratutako aurrekontuak zabaltzen jarraitzeko lan egitea.

Lehenengo eskakizunari dagokionez, gutunean adierazten da ezinbestekoa dela “bi generoak idazketa-fasetik babesten jarraitzea, txertatzen diren komunitatearen kultura eta ekonomia aberasten laguntzen baitute”. Bigarren eskakizunari lotuta, bestalde, argudiatzen da laguntzen eskabide kopuru altua ezin dela izan bi kategoria horiek kanpo uzteko arrazoia, eta eskabide kopuru handiari balorazio batzordean handitzearekin erantzun beharko litzaiokeela. Are, azpimarratu dute eskakizun kopuru altua ikus-entzunezko sektorean dagoen baliabide ekonomiko faltaren sintoma gisa uler daitekeela.

“Profesional horien gidoiek euskarazko eta gaztelaniazko kultura-ondarea handitzen laguntzen dute. Gainera, 2021ean, pandemiak jota, inoiz baino beharrezkoagoa da tradizioz zigortutako genero bat babestea eta sustatzea, dokumentalaren kasua den bezala”, azpimarratu dute telesail eta dokumentalen kategoriak diruz laguntzearen garrantziaz ohartarazteko. 


Kanal honetatik interesatuko zaizu: Zinema
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


2024-03-03 | Ula Iruretagoiena
Lurraldea eta arkitektura
Komunak

Otsaila da iaz ekoiztutako pelikula uzten sari banaketaren hilabetea. Zinemara joateko aitzakiarekin, arkitektura eta hiria oinarri dituen Wim Wenders-en Perfect Days ekarri nahi dut hizketaldira.

Pelikularen sinopsi zabalduan irakurri daiteke komun publikoetan garatzen dela... [+]


Hizkuntza gutxituen artean, euskara hirugarren erabiliena da Europako streaming plataformetan

Netflix, Amazon Prime eta Disney+en, Hizkuntza Gutxituen Europako Gutunak onartzen dituen bost hizkuntza baino ez dituzte erabiltzen. Bosten artean nagusi da, alde handiz, katalana. Ondoren datoz galiziera, euskara, luxenburgera eta Eskoziako gaelikoa. EHUko Nor Ikerketa Taldeak... [+]


2024-02-19 | Euskal Irratiak
Graxi Irigarai: «Merkatua oztopo bat da Euskal Zinema Iparraldean hedatzeko»

Hizkuntza gutxituak eta eta Frantziako zine-sistema hartu ditu ikergai Graxi Irigarai baigorriarrak bere tesian. Abenduan aurkeztu zuen bere ikerketa, eta ordutik hamaika mintzaldi eskaini ditu. Oro har, Euskal Zinemak Ipar Euskal Herrian dituen zailtasun eta oztopoak eman ditu... [+]


Eguneraketa berriak daude