Zigor arina ezarri diote G7aren aurkako ekintzaile bat aurpegian zauritu zuen poliziari
90 egunez 15 euroko isuna ordaindu beharko du 2018ko abenduan Miarritzen Lola Villabriga gaztea aurpegian LBD jaurtigailu batekin zauritzeagatik.
Ostiral honetan hainbat lagun elkarretaratu da Baionako auzitegiaren atarian, han ebatzi dute 2018ko abenduan Miarritzen Lola Villabriga ikaslea aurpegian zauritu zuen poliziaren aurkako auzia. Epaiaren arabera, 90 egunetan 15 euroko isuna ordaindu beharko du agenteak, Berria egunkariak argitaratu duenez. Irailaren 17an kalte-ordainak zehaztuko dituen bigarren epaiketa izango da.
Defentsak “istripua” izan zela argudiatu du, eta Poliziak jasaten omen duen “bortizkeria” izan du hizpide. Horrez gain, gizartearen “segurtasuna bermatzeko” Poliziaren “beharra” azpimarratu du.
Polizia gehiegikerien aurkako Desarmons Les taldea lekuko izan da, agenteek erabiltzen dituzten armak debeka ditzaten aldarrikatzeko. “LBD jaurtigailuak gerra garaian erabiltzen dira”, salatu du erakundeak. Poliziek erabiltzen dituzten armak “askatasunaren aurkakoak” direla dio Villabrigaren abokatu Sophie Bussierek, eta manifestatzeko askatasuna, berriz, “egoera zaurgarrian” uzten duela.
Villabrigak jaso zuen zauria G7aren testuinguruan kokatu du Bussierek, eta Villabriga “manifestariak beldurtzeko” zauritu zutela salatu du. Ondorioz, LBD40 jaurtigailuak debekatu ditzaten eskatu du.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Udaleko Segurtasun Sailak adierazi duenez, Arrontegiko zubiaren azpian izan da tiroketa, udaltzainak zulo bat estaltzera joan direnean.