La Naval

Zergatik 129 milioi euroko ondare biziari ateak itxi?

  • LAB sindikatuak eskuratu ahal izan du La Navalen hartzekodun konkurtsoko administradorearen behin betiko txostena. Agerian uzten du Sestaoko ontziolak superabit handia duela: 129 milioi euro.

Urko Apaolaza Avila @urkoapaolaza
2018ko urriaren 09a
La Navaleko langileen bilkura Bilbon, ontziolaren itxieraren kontra (arg: CCOO Euskadi)

Zehazki, milioi erdiko zorraren aurrean, 129.722.475 euro dauzka ondasun eta eskubideetan La Navalek, sindikatu abertzaleak dioenez. Datuok agerian utzi dute ontziolaren balantzea “egokia” dela eta nahiko baliabide duela bere zorrei aurre egiteko.

Construcciones Navales del Norte enpresaren (La Naval) administrazio kontseiluak duela bi aste eskatu zuen likidazio fasean sartzea, inbertitzaile bat aurkitu ezean Vaan Oord armadore holandarrak Sestaoko instalazioetan draga-ontzia eraikitzen segitzeari uko egingo diola adierazi ondoren.

Likidazio faseak azkartu egin du La Navalek inbertitzaile bat aurkitu edo bere egoerari beste irtenbide bat emateko beharra. Eusko Jaurlaritzari eta Espainiako Gobernuari eskatu diote ontziola erreskatatzeko eskaintza egin dezala, baina Iñigo Urkulluk joan den astean Eusko Legebiltzarreko osoko plenoan ezezko borobila eman zuen: “Europar araudiak dio ezin dugula halako finantza laguntzarik eman”.

LABek baina lehendakariari gogorarazi dio Emmanuel Macronen gobernuak gauza bera egin duela Frantzian.

Bizkaiko ehun industriala kinkan

Administratzaile konkurtsalaren txostenak, LABen ustez, erakusten du zer dagoen jokoan: 404 enpresa osagarri dira ontziolaren hartzekodunak, azpikontrata, hornitzaile eta zerbitzu-enpresak kontuan edukita.

Zeharkako enpleguaz gain, beste industria batzuekin dituen “sinergiak” nabarmendu ditu sindikatuak: “Ezkerraldea eskualde osoarentzat eta Bizkaiko industria egiturarentzat kritikoa da La Navalen gertatuko dena”.

Sestaoko Udalak ere ontziolak eskualde osoko industriarentzat duen garrantzia azpimarratu du, eta esan du 3.000 lanpostu daudela jokoan, udal talde politiko guztiek (EAJ, PSE, Sestao Bai Ahal Da, EH Bildu, PP) astelehenean sinaturiko adierazpenean. Urriaren 10ean, astezkenarekin, La Navaleko enpresa batzordeak deitu duen manifestazioarekin bat egin du Udalak.

Beste gozoki bat espekulatzaileentzat Nerbioi itsasadarrean

Kontuak garbi dituen enpresa estrategikoa zergatik hondoratzen utzi? Hori da ezkerraldeko herritar askok ulertzen ez duen galdera. Proiektu urbanistiko erraldoien mamua ikusten dute zenbaitek atzean.

Sestaoko Udalak publikoki eman behar izan du aditzera La Naval dagoen lurrak birkalifikatzeari ateak itxiko dizkiola “higiezinen operazio espekulatiboa helburu baldin badauka”.

Ontziola Nerbioi itsasadarrari irabazitako erriberako eremu lau zabalean kokatzen da eta bere garaian 300.000 metro koadro izatera iritsi zen, Bilboko Zorrotzaurreko penintsularen erdia gutxi gorabehera. 5.600 etxebizitza eta 1.420 milioi euroko hirigintza plana daukate aurreikusita atzoz geroztik irla bilakatu den auzo industrial zaharrean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Ontzigintza kanaletik interesatuko zaizu...
2018-10-11 | ARGIA
Naval erreskatatzeko deia, langileen kontratuak eten eta ateak behin betiko ixtear dela

3.000 lagun inguru bildu ditu asteazken arratsaldean Naval ez itxi lelopean Sestaon egindako manifestazioak. Zuzendaritzak jakinarazi du hilabetea amaitu baino lehen etengo dituela 177 langileen kontratuak.


La Naval konkurtsoan, 'Living Stone' ontziolatik kanpo, eta langileen etorkizuna kolokan

Langileek hiru hilabeteko erregulazio espedientea onartu dute, kable-ontzia amaitzeko “bermeak” edukitzearen ordainetan. Gaur aurkeztuko du konkurtsoa ontziolaren zuzendaritzak.


La Naval konkurtsoan, 'Living Stone' ontziolatik kanpo, eta langileen etorkizuna kolokan

Langileek hiru hilabeteko erregulazio espedientea onartu dute, kable-ontzia amaitzeko “bermeak” edukitzearen ordainetan. Gaur aurkeztuko du konkurtsoa ontziolaren zuzendaritzak.


La Naval
Pribatizazioak ontziola eskoratu du azkenean

Sestaoko La Navalek abuztuaren 30ean hartzekodunen konkurtsoa aurkeztu zuen, bere 220 lanpostuak oso kolokan jarriaz. Langileak ez daude geldi eta irailaren 21ean manifestazioa egingo dute Ezkerraldean. Izebergaren punta baino ez da, ontziolarentzat lan egiten duten azpikontratetako eta enpresa hornitzaile txikietako ehunka lagun askoz okerrago baitaude. Hondamendia 2006an hasi zela dio zenbaitek, Espainiako Gobernuak La Naval esku pribatuetan utzi zuenean.


2017-09-21 | ARGIA
La Navalen eraikitzen ari diren itsasontzia eramaten saiatu da bere armadorea

Armadorearen hainbat marinel gauez azaldu dira Sestaoko ontziolara eta amarrak askatzen saiatu dira azalpenik eman gabe. Langileek Ertzaintzari abisua jo ostean alde egin dute.


2017-08-31 | Juan Mari Arregi
La Navaletik harago

La Navalen finantziazioak huts egin du bankuek egin dutelako huts. Euskal industria indartzea eta lanpostuei eustea helburu duen banku publikoa behar dugu, eta hor egon beharko luke Kutxabankek.


La Navalek konkurtsoa aurkeztuko du

Ontziola historikoa ez dela “bideragarria” argudiatuta, balizko hartzekodunen esku utziko dute konpainiaren etorkizuna.


2017-02-02 | Jon Goikolea
Flotazio-marra

Zirrara sortzen du karro azpian jarri eta begirada jasotzeak. Zirrara sortzen du tamainak, izeberg bat moduan, itsasotik ateratako baporea gauza handia baita. Zirrara sortzen du arrantzak herri bat nola moldatu dezakeen pentsatzeak.


Burgostik Pasaiara itzainen atzetik

Burgos, Errioxa, Araba, Nafarroa eta Gipuzkoan barrena heldu dira Pasai San Pedrora bike eta alkitran upelez betetako hiru gurdiak. Desagertzeko zorian dauden idi eta mendi-behiek (200 ale baino ez dira geratzen) tiratuta osatu dute ibilbidea, duela zenbait mende egiten zen bezala. Aurretik itzainak eta atzean hamaika lagun zutela sartu ziren hilaren 19an Albaolaren eraikinera. Han eraikitzen ari diren XVI. mendeko San Juan baleontziaren erreplika zuten zain.


2016-07-10 | Aitor Kaltzakorta
Ontzigintza Hondarribian
Itsasoa eskutik eskura

Itsasoa gobernatzea ezinezkoa izaki, itsasoan norbera nola gobernatu asmatzean jarri dute adimena ozeanoari begira sortu, hazi eta bizi diren herriek. Berdin egin dute Hondarribiak eta euskal itsas ondoko beste herriek. Ongi joan zaie gainera, eta mende luzez ontzigintzan trebatu ziren puntako ekoizle bihurtzeraino. Etorkizuna, baina, itsasoa bezala, laino dago.


Eguneraketa berriak daude