“Prestige”-ren hondamendiak 1.500 milioiko kalte ordainak izango ditu
Inoizko hondamendi ekologiko handiena eragin zuen gertakariaren auzia erabat amaitu dela adierazi du Gorenak. Espero baino hiru aldiz gehiago da kalte ordainen zenbatekoa.
“Amaitu da Prestige ontziaren hondoratzeari buruzko auzibide zibila”, esan du Espainiako Auzitegi Gorenak. Zehaztu da kalte ordainen zenbatekoa. Espero zena baino hiru aldiz gehiago: 1.500 milioi euro. Espainiako Gobernuaren, Galiziakoaren eta kaltetuen artean banatuko dira.
2002ko azaroaren 19an Galiziako uretan hondoratu zen Prestige petroliontzia, eta Galiziako eta Bizkaiko golkoan inoiz izandako hondamendi ekologikorik handiena eragin zuen. Denborale bortitz batek harrapatu eta ontziaren egoera arrisku larrian jarri zuen, eta noraezean ibili zen azkenetan zela. Bi zatitan puskatu zen, 63.000 tona fuel itsasora isuriz. Txapapoteak estali zuen euskal kostaldea.
Kalte ordainak Espainiako Gobernuaren, Galiziakoaren eta 269 kaltetuen artean banatuko dituzte. Diru gehiena jarriko duena, aldiz, Prestige ontziaren aseguru etxea izango da: 900 milioi euro inguru. Dena den, Vozpopuli-k jaso duenez, aseguru etxeak uko egingo dio ordaintzeari. Aurrez esan bezala 1.500 milioi eurokoa izango da banatuko den zenbatekoa, fiskaltzak 4.500 milioi euro inguru eskatzen zituen arren.
Luze joan den hondamendia
Kalte ekologiko handiez gain, kalte ekonomikoak ere larriak izan ziren. Hamarkada bat iraun zuten instrukzioek, eta urtebete epaiketak. 2016ko urtarrilean eman zuen sententzia Coruñako Auzitegiak, baina kalte ordainak zehazteke zituela adierazi zuen –500 milioi aurreikusten ziren–. Berriki jakin da zenbatekoa.
Dena den, The London P&I Club aseguru etxea ez dator bat epaiarekin. Kalte ordainen kasua Londreseko epaitegietara eramateko eskatu dute, modu “arbitrario” batean epaitua izateko.
URA agentziak obrak “berehala” geldiarazi ditu, eta txostena ireki dio Red Electricari. Ez da lehen aldia bentonita isuriak atzematen dituztena. Obrek Gatika eta Europa konektatzea dute helburu.
Public Eye eta Unearthed Gobernuz Kanpoko Erakundeek eman dute gehiegikeria horren berri irailaren 23an plazaraturiko txostenean. Inportatzaileen zerrendan 93 herrialde ageri dira, eta horietatik hiru laurdenak diru sarrera txikiak edo ertainak dituzten herrialdeak dira.
Valle de Odietako epaiketa epaiaren zain geratu da ostiral honetan Iruñeko Justizia Jauregian akusatuek deklaratu eta akusazioek eta defentsak haien ondorioak azaldu eta gero. Ez da aldaketarik egon alde bakoitzak egindako eskaeretan.
Astearte honetan egin da Valle de Odietako makroetxaldearen aurkako epaiketa Iruñeko Justizia Jauregian. Epaileak ebatzi behar du ea 2021ean haien lur sailetan egindako isuri baten ondorioz, lur eremu horiek larri kutsatu zituzten ala ez, eta nork eragin zuen. Aditu... [+]
Plastikoaren kutsadura saihesteko azken gailurra porrot izugarriarekin amaitu da Suitzako Geneva hirian, abuztuan. Hori zuten bilatzen petrolio-herrialdeek, plastikoa milioika tonatan sortzen jarraitzeko. Birziklapena da beraien tekno-soluzioa, baina gero eta garbiago dago... [+]
Irailaren 2an hasi da epaiketa Iruñeko Zigor Arloko 2. epaitegian, ustez 2021ean makroetxaldeak haren inguruko lurrak minden hondakinekin kutsatzeagatik. Sasoi hartan Valle de Odieta makroetxaldeko administrazio kontseiluan ari ziren bost pertsona epaituko dituzte. ARGIA... [+]
Ikerketa batek ondorioztatu du adituek uste baino AMOC korrontearen kolapsoa egoteko aukera handiagoak daudela. Korrontean aldaketa handiek eta azkenengo kolapso batek euri tropikaletan eraldaketa handiak eragingo lituzke, Europan negu oso hotzak eta uda lehorrak izango... [+]
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
220 milioi tona plastiko sortzen ditugu munduan eta %10a soilik birziklatu. Zifra hori, gainera, hamar urtez jarraian ez da aldatu. Iaz zabor plastiko horren herenak gaizki kudeatzeagatik gure inguruko bazter, erreka, itsaso eta atmosferan bukatu zuen. Greenpeacek salatu... [+]
220 milioi tona plastiko sortzen dira munduan eta %10a soilik birziklatzen da, zifra hori hamar urtez mantendu da bere horretan. Hainbat talde ekologistek salatu dute egoera uztailaren 3an, plastikozko poltsarik gabeko nazioarteko egunean.
EHUko ikerketa-talde batek dio Europako emisio-inpaktuaren %60 datorrela sektore energetikotik.