Armadorearen hainbat marinel gauez azaldu dira Sestaoko ontziolara eta amarrak askatzen saiatu dira azalpenik eman gabe. Langileek Ertzaintzari abisua jo ostean alde egin dute.
Egoera larrian dagoen La Naval ontziolan egiten ari diren itsasontziaren jabeak baimenik gabe eraman nahi izan du Sestaoko instalazioetatik bere enkargua. Livig Stone kable-ontzia oraindik amaitu gabe dago eta Belgikako banderadun bi arraste-ontzi inguratu dira Zierbenako portura operazioan parte-hartzeko.
Tideway armadore holandarraren enplegatuak gau erdian sartu dira ontziolan hainbat marinelekin eta ontziaren amarrak askatzen hasi dira, harik eta hainbat langile jabetu diren arte zertan ari ziren eta ertzainak etorri diren arte. Une horretan alde egin dute.
La Naval enpresako arduradunek jakinarazi dutenez armadorearen kontrako salaketa jarriko dute.
ELAk salatu du La Navalek jasan duen desegite eta likidazioa, eta berentzat, amaiera ez da ezustekoa. "Gasteizko Gobernuaren industria-politika ez da existitzen, eta Ezkerraldea desindustrializatzen ari da", adierazi dute.
Abenduaren 1ean, duela 35 urte, Euskaldunako langileen emazteek 24 orduko itxialdia egin zuten. Itzaleko borroka horren lekuko da Nosotras las mujeres de Euskalduna dokumentala. Euskaldunako beharginek egunak zeramatzaten poliziari ahal zuten guztiarekin aurre egiten... [+]
Sestaoko (Bizkaia) ontziolako enpresa zuzendaritzak jakinarazi duenez epaitegiak igorri du ebazpena, zeinaren arabera langileak La Navaleko behargin izateari utzi dioten otsailaren 28az geroztik.
Espainiako Estatuko lau lantegitan eragingo du; tartean, Etxebarrin eta Lesakan. Datorren urtarrilean, otsailean eta martxoan izango da.
Inoizko hondamendi ekologiko handiena eragin zuen gertakariaren auzia erabat amaitu dela adierazi du Gorenak. Espero baino hiru aldiz gehiago da kalte ordainen zenbatekoa.