Zeraingo gaztagile batzuk atxilotu dituzte langileen esplotazioa egotzita
Zeraingo Aranburu baserriko jabeak atxilotu dituzte langile eskubideen aurkako delituengatik. Idiazabal gazta egiteko hainbat langile kontraturik gabe zeuzkaten eta zazpi eguneko lan jardunaldiak egin behar izaten zituzten. Hori guztia 300 edo 400 euroren truke.
Senar-emazte zeraindar batzuk atxilotu ditu Espainiako Poliziak langile eskubideen aurkako delituak egotzita. Ikerketa maiatzaren 29an hasi zuten, Gipuzkoako Gizarte Segurantzak eta Laneko Ikuskaritza Probintzialak eskatu eta gero.
Langileak artalde baten zaintzaz arduratzen ziren eta ikuskaritza egin zuten momentuan, lau langile zituzten kontraturik gabe eta Gizarte Segurantzan afiliatu gabe. Langileek Poliziari adierazi zioten beraien lan jardunaldia zazpi egunekoa zela eta gaixorik zeudenean ere ezin zutela atseden egunik hartu. Horretaz gain, nagusien nahiaren arabera ordaintzen zietela adierazi zuten, 300 eta 400 euro artean.
Langileek azaldu zutenez, ez zuten animaliak zaintzearen inguruko formakuntzarik jaso. Animaliekin lan egiteko babes neurririk gabe lan egiten zutenez, gaixotasunak kutsatzeko arriskua zeukaten. Aditzera eman dutenez, jabeek bazekiten langileek familiak zituztela jatorrizko herrialdeetan eta dirua bidali behar zietela. Egoera horretan langileei ez zitzaiela baldintza prekario horiek onartzea besterik gelditzen, azpimarratu dute.
Jatorrizko izendapen Idiazabal gaztaren presidente Felix Ajuriak eta Lurralde Oreka Berdeko diputatu Xabier Arrutik idatzia zabaldu eta aditzera eman dute horrelako egoerak “justifikaezinak” direla, eta ez dutela “lehen sektorearen errealitatea ordezkatzen”. Xabier Arrutik adierazi duenez, “denbora askoan gatoz lanean, sektore honetan lan baldintza duinak izan daitezen, eta ez dugu onartuko Gipuzkoako gaztagile, abeltzain eta nekazarien irudia zikintzea”. Ajuriak azpimarratu du “argi eta garbi” babesten dutela sektorearen jasangarritasuna eta horregatik, alde sozialari ere garrantzia ematen diotela, “baserrietako jabeen eta haien langileen lan baldintza duinak errespetatzea barne”.
Udan zehar, mobilizazio sozial handia izan da eta herritarren plataformak sortu dira Lizarraldean biometanizazio-plantak direla eta: Viana, Lodosa, Los Arcos, Mendabia... Horietan guztietan erraz identifika daitezke gako berberak: 1/ Nafarroako Aldizkari Ofizialean proiektuak... [+]
Altri multinazionalak Europako zelulosa lantegi handienetakoa eraiki nahi du Galizian, Palas del Rei herrian, lyocell deituriko zuntz "jasangarria" ekoizteko. Eukaliptoak, ura, moda-industria indartsua eta oligarkia politiko diruzalea. Dena du alde horretarako. Dena?... [+]
Zazpi lagun auzipetu dituzte Hazparneko Puyo agentziaren okupazioagatik. Aiherrako Etxexuriaren salmenta salatzeko ekintzaren harira epaituko dituzte irailaren 30ean. Elkartasunez, mobilizazio eguna muntatu da irailaren 27an.
Amezketako Loidi baserrian sortutako proiektua da Aralareko, Uxue Artola Ansak eta Iosu Goñi Muruak bultzatua. “Familiako proiektua da gurea, moxal haragia lehenagotik ere ekoizten genuen, baina kanpora saltzen genuen, eta gauzak beste modu batean egiteko gogoz, bide... [+]
Uztailaren erdialdean aurkeztu zuten 2027tik aurrera Europako Nekazaritza Politika Bateratua (NPB) izango dena, eta proposamena izugarria da: NPBaren egitura desegitea eta azken urteotan lortutako aurrerapen urriak suntsitzea.
Euskal Sagardoa Jatorri Deiturako 250 sagastietan hasiak dira jada sagar biltzen. Araba, Bizkaia eta Gipuzkoari dagozkien iazko datuekin alderatuta, uzta handiagoa izango da aurten. Orotara sei-zazpi milioi kilo biltzea aurreikusten dute, datu zehatza urte bukaerarako izango... [+]
Udazkeneko zenbakia aste honetan jasoko dute ARGIAko kideek, edo berariaz Bizi Baratzeako kide egin direnek.
Irulegiko arnoaren sindikatuak antolaturik, Irulegiko arnoaren sormakaren besta ospatuko da buruilaren 14an, igandearekin, Irulegin. Mahastia, arnoa eta tokiko kultura uztartuz, egun osoan animazioak.
Artzain gisa hirugarren kanpaina du aurtengoa Koldo Vicente Eseberrik. Familia Otsagabikoa izan arren, Iruñean bizi izan zen txikitatik, baina abeltzaintzaren munduarekin harreman estua izan du beti. “Osaba artzaina zen, haragitarako ardiak zituen hemen, eta txikitan... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori,... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Orriuldu gabe daude oraindik zuhaitzak eta arbolak. Hostoak ihartu gabe daude, bai. Eta hostoa jasotzeko sasoi aproposa da. Hostoa, batez ere geroago jasotzen da; zuhaitzaren adaburua janzten duen orritza edo hostotza erortzen denean edo orriultzen denean, lurraren instantziako... [+]
Irulegi eta Anhauze artean ditu mahastiak Joanes Haritschelharrek, Amama proiektuaren bultzatzaileak. “Mahastiak ene amarenak ziren, eta bera jubilatu zenean hartu nuen nik etxaldea, 2022an”, azaldu du. Ama mahastizaina eta aita ardi gasnagilea ditu, eta beraz, beti... [+]
Elkarretaratzea eta asanblada antolatu dituzte azken berriak zeintzuk diren jakinarazteko. Horrez gain, irailaren 9an Baionako auzitegi aitzinean mobilizatuko dira, Marieneko lurraren defentsan aritutako hiru ekintzaile auzipetuko dituztelako.