Zergatik bota dituzte Txinako Alderdi Komunistatik bi Defentsa ministro ohi?
Bi prentsa-ohar, antz-antzekoak baina zein bere ñabardurekin, plazaratu zituen joan zen ostegunean, ekainak 27, Txinako Alderdi Komunistaren Politburoak, hilean behin egin ohi duen osoko bilkuraren karira. Haien edukia, haatik, ez zen batere ohikoa: bi Defentsa ministro ohi, Wei Fenghe (2018-2023) eta Li Shangfu (2023), egotzi egiten zituzten Alderditik eta Armadatik, gaizkintza larriak leporatuta.
Hain da ezohikoa gertakaria, ezen antzeko ezer aurkitzeko 1971ra joan beharko genukeela, Lin Biaok kargu beretik estatu-kolpea eman nahi eta huts egin zuenekora. Edo 1959ra, Peng Dehuai, Maorekiko desadostasunagatik, kargu beretik eraitsi zuteneko hartara. Aspaldi samarreko aurrekarietara, beraz.
Prentsa-oharrek kargugabetuei egozten zizkienak, ordea, iraganeko haiekin parekotasunik gabeko zioak iradokitzen zituzten. Onar liteke “ustelkeria” kontzeptuaren baitakoak liratekeela zergati horiek (eta Mendebaldean albistea aintzat hartu duten hedabide bakanek hari heldu diote). Baina esango nuke akusazioen muina ez duela hitz horrek islatzen.
Izan ere, akusazioak liokeenez, diru-kontuak baleudeke tartean, baina ez lirateke funtsezkoenak izango. Behintzat, kargugabetuei gutxiago leporatzen zaie pertsonalki aberastu izana bestelako hoben batzuen aldean: “Partiduarekiko fedea eta leialtasuna galdu” izana; “jatorrizko misioari traizio egin eta Partiduaren espiritu eta printzipioei uko egin” izana; “Partiduaren eta Batzorde Militar Nagusiaren konfiantzari iruzur egin” izana.
Nola? Zertan? Oharrek, jakina, ez dute hori argitzen. Baina hutsegitearen tasuna “larria baino larriagoa, haren eragina ezin okerragoa, eta kaltea bereziki handia” dela diote; eta “Partiduaren kausa, nazio-defentsa eta eraikuntza militarra, baita lider gorenen irudia ere” biziro kaltetu dituztela biek ala biek.
Aurreko astean, Xi Jinpingek eta Batzorde Militar Nagusiak Yan’an-go “santutegi” iraultzaile historikoan antolatutako “gogo-jardun militarretan” egon ziren ehunka (bostehun bat, gutxienez) jeneralek argibide gehiagorik jasoko zuten, ziurki, zuzenean edo zeharka, ezagunak ez ezik, batzuentzat lagunak ere izango ziren biez (eta haien egoera bertsuan aurkitu daitezkeen maila apalagoko hainbat kidez).
Pasa den irailean Li Shangfu jarduera publikotik desagertu zenean hipotesi pintoresko samarrak ereiten saiatu zirenek ere orain argi-izpirik ez digutela aurreratu ahal ikusita, orduan jada generabilen burutapenari eutsi beharko diogu besteok: Defentsa ministro izan aurretik ere, misil-armadaren hornidura eta kudeaketan bete-betean arituak diren Weik eta Lik, agian, iruzur egin ziotela aginte gorenari haietako garrantzitsu baten benetako tasunen inguruan... Aginte gorena jabetu den arte.
Hala bada, inoiz argi eta garbi esango ez zaigun zerbait da.
153 orrialdeko txosten bat kaleratu du parlamentuak. AEBak ez ditu apenas zuzenean aipatu, baina horretarako "ikuspegi atlantista" terminoa erabili du: "Europak darabilen ikuspegi horrek gerra-komertziala ekarri du Europaren eta Txinaren artean, ageriko kalte eta... [+]
Guangzhou (Txina) 1925eko ekainaren 23a. 100.000 herritar inguru bildu ziren atzerriko potentzia inperialisten aurkako martxan. Maiatzaren 30ean britainiarrek hainbat manifestari hil zituzten Shangaiko protestaldi batean. Hildakoekiko elkartasunez Guangzhouko langileek greba... [+]
Ekainaren 13an, ezohiko ekitaldi baten lekuko izan zen Pekineko Herriaren Areto Handia: Txinako Alderdi Komunistaren aginte goren osoak (baimenduta leudekeen absentziak salbu; nola jakin horietakoa ote zen He Weidong jeneralarena? Izan ere, ez zen ageri mahai nagusian,... [+]
Ezer geratu bada argi pasa den astean Londresen Txinako eta AEBetako merkataritza-arduradunen artean adostu zuten “esparru-akordioan” (batek daki zer esan nahi duen zehazki esamoldeak; “Genevako akordioari buruzko akordioa” dela diote batzuek), hauxe izan... [+]
Akordioa asteazkenean sartuko da indarrean. Haren ondorioz, AEBek %30eraino jaitsiko die ordaindu beharreko muga zerga produktu txinatarrei, eta Txinak %10eraino estatubatuarrei.
Txinako Shanxi probintzian, Tang dinastiako hilobi batean, hildakoen eguneroko bizitzako eszenak irudikatzen dituzten pinturak topatu dituzte. Eszena horietako batean gizonezko ilehori bat agertzen da. Ilearen koloreari eta aurpegierari erreparatuta, hilobia aztertu duten... [+]
Yanis Varoufakis-ek DiEM25 mugimenduaren Youtubeko kanalean elkarrizketatu du Columbiako Unibertsitateko Jeffrey Sachs irakaslea. Horrek azaldu du nazioarteko politikan Amerikako Estatu Batuek pokerrean jokatzen dutela, Errusiak xakean eta txinatarrek Go jokoan. Azken hori... [+]
Iradokitzailea delakoan edo, muga-zergen gatazkaren harira norbaitek berriro zirkulazioan jarri duen Maoren 1953ko bideoaren garai hartakoa da milioi bat igerilariren txantxa. Alegia, orain harekin bat egiten omen duen Xi Jinping jaio zen urtekoa.
2021etik 2025era isuriak %15ean murriztu behar zituen industriak. Ursula Von Der Leyenek automobilgintzaren sektorearen eskutik ekintza plan bat aurkeztuko du martxoaren 5ean. Oraindik erabakia hartua ez badago ere, Europar Batasunak sektorearen eskaerak onartuko dituela diote... [+]
Silicon Valley-ko oligarkia AEBetako gobernura iritsi berritan lehertu da adimen artifizialaren (AA) burbuila. Txip aurreratuen erraldoia den Nvidia-k urtarrilaren amaieran izandako %16,8ko balio galera, egun bakar batean inoiz izan den burtsa balio galerarik handiena da... [+]
Otsailaren 17an Txinako Alderdi Komunistaren arduradun gorenak bildu ziren bertako enpresa pribatu handienen zuzendari nagusiekin. Ez da ohikoa aldi eta areto berberean Huawei, BYD, New Hope, Tencent, SWSC, Yushu, Xiaomi edo DeepSeek bezalako konpainien nagusi gorenak bilduta... [+]
Bi herrialdeekin arma nuklearrei buruz hitz egin nahi du AEBko lehendakari Donald Trumpek, ostegun honetan bere bulegoan kazetariei jakinarazi dienez.
Iazko azken hatsean Txinako gobernuak Yarlung Zangbo ibaiaren behe-arroan proiektu hidroelektriko handia abian jarriko duela iragarri izanak, urak harrotu ez, sutan jarri dituela dirudi gure artean. Esan dezakegu alarmaren eskala osoa kurritu dutela iruzkinek: munduko handiena... [+]
Donald Trumpek agindutako muga-zergak indarrean sartu dira: Kanadak eta Mexikok %25ekoak izango dituzte eta Txinak %10ekoa. Kanadak zifra bereko arantzelekin erantzungo du. Mexikok arbuiatu du AEBko Gobernuak esan izana organizazio kriminalekin loturak dituela herrialde horrek... [+]