Duela 91 urte Guardia Zibilak zazpi langile hil zituela oroitu dute Donostian

  • Gaurko egunez, 1931. urtean, Guardia Zibilak zazpi grebalari tiroz hil zituen Ategorrietan (Donostia), eta beste 33 zauritu zituen. Kontseilu Sozialista Donostiak ekitaldi politikoa egingo du, 19:00etan.

(Argazkia: Kontseilu Sozialista Donostia)

2022ko maiatzaren 27an - 09:49

Gaur, maiatzaren 27an, 91 urte bete dira Ategorrietako sarraskitik. 1931. urtean, Espainiako Bigarren Errepublika aldarrikatu eta gutxira, greban zeuden Pasaiako arrantzaleak, eta maiatzaren 27an, Trintxerpetik Donostiako Erdigunera martxa antolatu zuten. Mirakruz gainean, militarrek pasatzen utzi zieten langileei, baina Ategorrietan Guardia Zibilak zeudela ohartarazi zieten.

Ategorrietara iristean, Guardia Zibila tiroka hasi zen, eta zazpi grebalari hil eta beste 33 zauritu zituen. Greba egun horretan 3.000 pertsona baino gehiago batu ziren arrantzaleen mobilizazioetara. Kontseilu Sozialista Donostiak gertakarien inguruko liburuxka argitaratu du Gedar Langile Kazetan, esteka honetan irakurgarri.

Ekitaldi politikoa

Kontseilu Sozialista Donostiak ekitaldi politikoa egingo du maiatzaren 27an bertan, 19:00etan Ategorrietako erlojuan. Haien esanetan, gertakari hauen "erabilera folkloriko eta obrerista" salatu behar dela diote, eta halako prozesu historikoen irakurketa politikoa egitearen beharra nabarmendu dute.


Kanal honetatik interesatuko zaizu: Langile borroka
Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude