Zaintza lanen sektorean greba orokorra deitu du ELAk azaroaren 17an
Zaintza lan profesionalak publikoak, duinak, unibertsalak eta doakoak izan daitezela aldarrikatzea izango du xede Hego Euskal Herrian egingo den grebak.
aurre egingo dieten hedabide independenteak
ELA sindikatuak greba orokorrera deitu du zaintza lanen sektorea. Azaroaren 17ko mobilizazioan parte hartzeko deia egin die zaurgarritasun egoeran dauden pertsonak zaintzeaz arduratzen diren Hego Euskal Herriko milaka langileei. Greba iragartzearekin batera, gogoan hartu nahi izan dituzte etxeko langileak ere: “Ez ditugu ahaztu nahi, halaber, etxeko milaka langile, grebarako eskubiderik eta oinarrizko lan-eskubiderik gabe, zainketa merkantilizatuen funtsezko zati bat baitira, kasu askotan esplotazio- eta abusu-baldintzetan”, azpimarratu dute.
Grebaren aldarrikapen nagusia izango da zaintza profesionalak publikoak, duinak, unibertsalak eta doakoak izan daitezela. Eskakizun horiek onartzeak eragingo luke egungo egoera iraultzea, gaur gaurkoz zaintza lanen gehiengoa pribatizatua eta merkantilizatua baitago, “onura ekonomikoak pertsonen zaintzen gainetik jartzen dituzten” enpresa pribatuen esku. “Hori guztia, gainera, diru publikoarekin. Nola ahalbidetzen du bizitzarekin negozioa egitea gizarte aurreratu batek?”, ñabartu du sindikatuak.
Zaintzak behar dituzten pertsonak behar bezala, duinki eta era integralean artatuak izan daitezen, zaintza sektoreko langileen baldintzak duinak bilakatzea “baldintza ezinbesteko” dela defendatu du ELAk. Eta zentzu horretan, ohartarazi du koronabirusak eragindako “une historiko larria” oharkabean igaro dadin ekidin beharra dagoela, ondoko arrazoiagatik: “Zaintza-sistemaren josturak lehertu egin dira, eta ondorioak emakumezko langileen gain geratu dira berriro. Emakumeak dira milaka pertsonaren bizitzari eusten diotenak, fisikoki, psikologikoki eta emozionalki esplotatuta daudelako. Egunez egun jokatzen ari dira bizitza, bitarteko gutxirekin, langile nahikorik gabe, lan-baldintza oso gogorretan. Ahotsa altxatu behar da horrelakorik berriro gerta ez dadin”.
Greba deialdia egiteaz gain, beste hainbat eragilek –egoiliarren senideek, pentsionistek, mugimendu feministak…– urriaren 31rako antolatutako mobilizazioak ere iragarri ditu sindikatuak. Mobilizazio horiek zaintza sektoreko langileak bakarrik ez daudenaren seinaletzat jo ditu sindikatuak.
Arabako artisten 35 lan paratu dituzte Emakumea. Familia eta lana erakusketan, Gasteizen. Aukeraketa egiteko, kanpoan utzi dituzte historian zehar emakumeak sarritan margotu izan diren beste egoera eta estereotipo batzuk, eta lanari lotutakoei eman diete garrantzia. Urriaren... [+]
Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Martxoak 8aren izaera iraultzailea berreskuratzeko deia egin du Itaia emakumeen antolakunde sozialistak. Irene Ruiz Itaiako kideak azaldu digunez, “oldarraldi erreakzionarioaren eta matxismoaren aurrean proposamen iraultzailea hauspotu eta kontzientzia sozialista... [+]
Garbiketa lanetan diharduten bi emakumeren egoera larria salatu du LAB sindikatuak. Gurpildun aulki eta taka-taka baten laguntzaz mugitzen diren arren, lanera bidali ditu Gizarte Segurantzak.
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
ELE, Etxeko Langileen Elkarteak emandako zifra da, Bizkaian egindako galdeketen emaitzak jasota. Urtero bezala, etxeko langile egoiliarren eta kanpo-langileen lan baldintzei buruzko txostena egin du. Egoera erregularrean zegoen %35,38k ez zuen jaso lanbide arteko gutxieneko... [+]
Berdintasuna, haurdunaldia bezalaxe, badago edo ez dago. Berdintasunik ez dagoenean, ezberdintasuna dago, hori da neurtu eta baloratu daitekeena. Akaso berdintasunaren ondorioak izan daitezke gehiegizkoak batzuentzat, baina horrek eztabaida ondorioetan kokatuko luke, sekulan ez... [+]
Errenteria (Gipuzkoa), 1892. Aizpitarte kobazuloetan Gipuzkoako lehen indusketa arkeologikoak egin ziren, Lersundi kondea buru zuen taldearen eskutik. Handik hamaika urtera, 1903an Alfontso XIII.a Espainiako erregeak bisita egin zuen aztarnategira, eta aitzakia horrekin argazkia... [+]
