Yael Braun-Pivet izango da berriz Frantziako Asanbleako lehendakaria
Frantziako Asanbleak Yael Brau-Pivet hautatu du legebiltzarreko presidente. Lehia aurreikusten zen FHB eta Macronisten artean, eta azkenean, gutxigatik bada ere, lehendakariaren alderdikoak gailendu dira.
Asanblea Nazionalak 577 diputatu ditu eta lehenbiziko bi bozketetan gehiengo osoa behar da asanbleako lehendakaritza lortzeko. Inork ez zuen lortu lehen bietan eta hirugarrenean gailendu zitzaion Yael Brau-Pivet (220 boto) FHBko hautagai Andre Chassaign buruzagi komunistari (207 boto).
Azken honek 22 urte daramatza asanblean diputatu lanean eta pentsatzen zen horren ondorioz akaso lor zitzakeela ezkerretik haragoko botoren batzuk. Brau-Pivetek postuan errepikatuko du, aurreko legealdian zeregin horretan jardun zuen eta, orain baino 22 boto gehiagorekin gainera; bera izan zen Frantziako Asanbleako lehen emakume lehendakaria. Errepublikako laugarren kargurik garrantzitsuena da. Bereak ez diren eskuineko diputatu askoren botoa ezinbestekoa izan da hautatua izan dadin.
Hautaketa hau ez dago erabat lotuta lehen ministro karguarekin, baina norabide bat adierazten du dagoeneko. FHBren garaipenaren aurrean Macron lehendakariak argi adierazi zuen herritarrei bidalitako gutun ospetsuan eginahalak egingo zituela ezkerreko lehen ministro bat ez izateko, eta bide horretan ari da. Azken finean, ezkerrak bigarren itzulian irabazi bai, baina Asanblea Nazionalean zentro-eskuina eta eskuin muturraren indar harremana oso desorekatua da eta, seguruenik, hori argi nabariko da legegintzaldian: 200 diputatu ezkerrak eta 350etik gora eskuinak.
Eskuineko Horizonsek eta Errepublikanoetako botoak bederen jaso ditu Braun-Pivetek orain eta oihartzunen arabera, Macronek bi indar horiekin gutxieneko gobernua osatzeko ahalegina egin dezake, gero bere politikak, komeni zaion arabera, ezker-eskuineko botoekin aurrera ateratzeko. Hirugarren bozketan, halaber, deigarria izan zen RNko Sebastian Chenu hautagaiak boto gutxiago lortu zituela aurreko bozketetan baino.
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Astelehenean jakinaraziko dituzte ordutegiak, eta hilaren 14an, igandean, jarriko dituzte salgai lehen egunetako sarrerak. 254 film egongo dira ikusgai, 56 herrialdetakoak.
Emmanuel Macron Frantziako lehendakariak adierazi du 26 herrialde prest direla gerra amaitu ondoren Ukrainan indar militarra zabaltzeko, “lurrez, airez edo itsasoz” parte hartuz. Vladimir Putin buruzagi errusiarrak erantzun die ez duela horrelakorik onartuko, ez... [+]
Caddo hizkuntza gorde eta biziberritzeko ahaleginean ari den ekintzailea da Alaina Tahlate. AEBetako jatorrizko caddo herriko hizkuntza hori jario oneko hiztun bakarrarekin gelditua zen: Edmond Johnson, 95 urteko hiztunarekin. Tahlate gazteak aitortu zion estutasunez bizi zuela... [+]
Izpegiko besten hirugarren edizioa ospatuko dute, Basaizea Baigorriko kultur elkarteak, Baztango Gazte Asanbladak eta Baigorriko zein Erratzuko gazteek elkarlanean prestaturik. Hitzaldiak, bazkaria, ibilaldia, kontzertuak... izanen dute zeregina.
Osasuna futbol taldeak bat egin du Nafarroako Abiadura Handiaren aldeko plataformarekin, azken honek ostegun honetan jakinarazi duenez. UGT sindikatuak eta Eraikuntzaren Industrializatzearen Aldeko Nafarroako Klusterrak ere bai.
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Ikasleek pantailekin duten harremana aztertu eta "Heziketa digitala LH eta DBH" izeneko txostenean jaso dituzte ondorioak Macsonrisas-eko kideek.
Asteleheneko bileran helarazi zioten asmo hori enpresa batzordeari, eta irailaren 9rako deitu dute hurrengo bilera. Fabrikak 151 behargin ditu gaur egun, baina ez dute zehaztu zenbat kaleratuko lituzketen.
Emakumeak dantzara atera eta gizonezko dantzariek oztopatu egin dituzte, bultza egin diete eta haien dantza eragozten saiatu dira. Beste batzuetan musikariak geldiarazi dituzte eta ikusleetako batzuk bizkarra eman diete emakume dantzariei. Ez da Baztan, ez Hondarribia edo Irun;... [+]
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]