Woody Allen Donostian egiten ari den filmaketaren aurka protesta deitu dute

  • Uztailaren 22an, astelehena, Kontxako erlojuetan elkartzeko deia egin dute Donostiako hainbat kolektibok, Woody Allen zine zuzendari estatubatuarra hirian egiten ari den filmaketaren aurka protesta egiteko.


2019ko uztailaren 19an - 11:28
Hainbat kolektibok deituta egingo da protesta Donostian. Goiko irudia erabili dute kontzentrazioa deitzeko.

BizilagunEkin plataforma, Ernai, Hotel + Ez mugimendua, Groseko Asanblada Feminista, Medeak, Donostiako Bilgune Feminista eta Garaipen dira mobilizaziora deitu duten kolektiboak. Haien ustez, arrazoi ugari dago Allen Donostian egiten ari den errodajearen aurka agertzeko.

"Hiriaren nazioarteko promoziora zuzendutako ekimen honek epe labur eta ertainera bertako bizilagunen bizi-baldintzetan kalteak sortzeko moduko turismoaren hazkundea eragin dezakeela ikusten dugu", adierazi dute sare sozialen bidez zabaldu duten ohar batean.

Gainera, New Yorkeko zuzendaria eraso matxistak egin izanagatik salatu dutela ere nabarmendu dute, gogora ekarriz nazioartean hainbat talde eta mugimendu feministak Allenen aurka agertu direla. "Harreman ofizial oro eten beharko litzatekeela iruditzen zaigu", diote oharrean.

"Kontzentrazio zaratatsua" izango da Donostian deitu duten protesta eta arratsaldeko 18:00etan egingo dute.


Kanal honetatik interesatuko zaizu: Donostia
2024-03-24 | Reyes Ilintxeta
Kristina Berasain. Sahararekin kateatuta
"Palestinakoa ikusita, zer egingo du orain Marokok Sahararekin?"

Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]


25 lagunetara murriztuko dute turista taldeetako gehieneko pertsona kopurua Donostian

Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.


Hezkuntza sistema sozialista aldarrikatu dute ikasleek, martxoaren 20ko ikasle greban

Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]


Osakidetzaren pribatizazioaren aurkako manifestazio jendetsuak Bilbon, Gasteizen eta Donostian

Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.


Polizia operazio "arrazista" Donostian: 29 lagun eraman ditu Poliziak identifikatzeko

Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]


Eguneraketa berriak daude