Volvok bertan behera utzi du Altsasuko Sunsundeguin egin behar zuen inbertsio erraldoia
2023ko maiatzean iragarri zuten Volvo multinazionalak inbertsio handia egingo zuela Nafarroako Sakanako autobus enpresan. Orain, ordea, akordioa bertan behera gelditu dela adierazi dute bi enpresek.
Iazko maiatzean iragarri eta urrian sinatu zuten Volvok eta Sunsundeguik aurreakordioa. Sinatutakoaren arabera, Sakanan urtean 420 autobus karrozeria muntatu behar zituzten Volvorentzat eta guztira 800 bat ekoitziko ziren lantegian. 2024ko apirilean hastekoa zen lehen txasisen ekoizpena.
Albistea ezustekoa izan da, besteak beste, iragan maiatzean Volvoko arduradunak Nafarroako Gobernuko lehendakari María Chivite eta Mikel Irujo kontseilariarekin bildu zirelako Nafarroako Jauregian, eta operazioaren egoera onaz mintzatu zirelako. Sindikatuen artean UGT da nagusi enpresan eta haren industria arloko arduradun Lorenzo Riosek ere horrela idazten zuen iritzi-artikulu batean iragan abenduan: "Legebiltzarraren sostenguak eta finantza sostenguak ageriak uzten dute proiektu honen sendotasuna, eta hori aukera bat da bai enpresarentzat, bai erkidego osoarentzat".
Finantza zailtasunak
Diario de Navarra-k jakinarazi duenez, Volvok baietsi egin dio operazioa bertan behera gelditzen dela eta arrazoien oinarrian proiektuak dirutan eta denboran eskatzen dituen inbertsio handiak jarri ditu. Horrek ez ei du elkarlan proiektua bideragarria egiten.
Mikel Irujo kontseilariak ere norabide bereko azalpenak eman ditu aste honetan Sunsundeguiko arduradunekin hitz egin ondoren. Volvoren finantza egoera zaila dela dio Irujok eta enpresaren inbertsio ahalmena ikusita, 9.700 eta 9.900 autobus karrozerien ekoizpena bertan behera utzi dutela.
Sunsundeguik eta Volvok iragarri dutenez, dena den, proiektu hau bertan behera geratuko bada ere, bien arteko elkarlanak aurrera jarraituko du. Altsasuko enpresak muntaia katean arazoak izan zituen 2023an eta 2024ko lehen hilabeteetan, baina dagoeneko konponduta zeuden Diario de Noticias-ek jakinarazi duenaren arabera, eta gaur egun sei autobus txasis ekoizten dituzte astero.
57 milioi euro mailegutan
Finantza zailtasunak, dena den, ez dira berriak Sunsundeguin. Azken urte luzeetan Sodena sozietate publikoak 49 milioi euroko maileguak eman dizkio, azken seiak iragan apirilean, Nafarroako Legebiltzarrak berariaz baimenduta, gainera. Espainiako Cofides sozietate publikoak, halaber, bederatzi milioi euro eman izan dizkio mailegutan.
Sunsundegi 1944an sortu zen Irunen eta 1956an lekualdatu zen Altsasura, gaur egun 450 bat langile ditu –beste 400 izatea aurreikusten zen porrot egin duen akordioarekin– eta mende honetako lehen hamarkadan estutasun handiak pasatu zituen. Ondorioz, Wikipedian azaltzen denez, 2009an Nafarroako Gobernuak lantegiaren kudeaketa bere gain hartu zuen, Sodenaren bitartez. 2012an enpresako zuzendaritzak hartu zuen kapitalaren erdia (%51) eta langileek beste erdia (%49).
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Palestinarekin Elkartasuna plataformak antolatu zuen protesta, CAFek "palestinar lurren okupazioan eta kolonizazioan duen erantzukizuna salatzeko". Berriz exijitu diote enpresako zuzendaritzari ez dezala parte hartu Jerusalemen tren arina eraikitzeko proiektuan.
Ordiziako Orkli kooperatibak 50.000 euroko funtsa jarriko du "komunitatetik sortutako ekimenak" laguntzeko. Orklidea izena jarri diote programari eta Euskal Herri osoko proiektuak aurkeztu daitezke.
Ekainaren 19an, 20an eta 21ean greba dago deituta El Diario Vasco-ko langileen artean, hitzarmen kolektiboa eguneratzeko aurrerapausorik ez delako eman. Gainera, maiatzaren 30az geroztik sinadura greba egiten ari dira kazetariak: “Hori ezkutatzeko enpresak lehentasuna... [+]
Asteartean deklaratu beharko dute Tuteran, ikertu gisa. Palestinan eraikitzen ari den tranbia-sarearen bidez, CAF "entitate sionistaren kolonizazioan parte hartzen" ari dela ohartarazi dute.
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.
Zertara dator gure herria zentral eolikoz eta eguzki-plakaz betetzeko urgentzia hau? Bistan da, arrazoi agerikoena klima aldaketari erantzuteko premia dela, erregai fosilak iturri berriztagarriekin ordezkatzekoa. Hain zuzen, hori omen da Europako funtsen zein estatu eta... [+]
Frantziako Estatua eta Alemania izan dira aurka kokatu diren estatu bakarrak. Direktibaren lanketa 2021eko abenduan abiatu zuen Europak, baina trabak eta presioak tarteko, hiru urte baino gehiago behar izan ditu onespenak. Europako Parlamentuak bozketa berrestea falta da.
% 10,7ko igoera izan du aurreko ekitaldiaren aldean; iaz, 4.339 milioiko errekorra lortu zuen. Hala ere, Ignacio Sanchez Galan presidenteak irabazi elektrikoen kargaren aurka egin du.
Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]
Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]