Utopia letra eta kafe artean elikatzeko liburu-denda
Abenduaren 1ean inauguratuko dute Gasteizko Alde Zaharrean Eva Forest Liburutopia kafe-liburudenda. Proiektua “pentsamenduaren eta kulturaren hedapen eta gozamenerako topalekua” izatea nahi dute bere bultzatzaileek. Hilabeteko programazioa aurkeztu dute jada. Abenduaren 2an, larunbata, ARGIAren Txori urdinak liburuaren gaztelerazko itzulpena aurkeztuko da, besteak beste.
Adin eta gustu guztientzako eskaintza izango duen liburu denda izango bada ere, “pentsamenduan, kulturan eta nazioarteko borroketan” espezializatuko da. Helburua: “Erremintez jabetu eta arrazoiaren ezkortasunari aurre egitea, alternatiba borondatearen baikortasunetik eraikiz”. Euskaraz “gozatu, pentsatu eta antolatzeko” asmoa dela-eta, euskarazko lanek “toki zentrala” izango dute, eta 3.500 liburuko funtsarekin irekiko dute, osatuz joango direna. Kafetegian kafeak, infusioak, tostadak, irabiatuak eta bestelako produktuak eskainiko dituzte ahoaren gozagarri, eta ekoizle txiki eta hurbilekoei lehentasuna emango diete.
Bestelako ekimenak ere garatuko ditu Eva Forest Liburutopiak, umeen txokoa, Kuttunak irakurleen txokoa edo liburu aurkezpenak, kasu. Zazpi lagunek osatutako talde bat da Eva Forest Liburutopiaren sustatzailea, “proiektuaren aurretik Gasteizko bestelako egitasmo eta mugimenduetan bat egin izan dugunok”. Esan gabe doa, proiektuari izena Eva Forest militante, idazle eta editorearen omenez eman diote.
Abenduko programazioa
Arduradunek sare sozialetan iragarri dute jada abendurako prestatu duten egitaraua. Abenduaren 1ean izango da ate irekiera, brindis batekin. Abenduaren 2an, Pájaros azules liburuaren aurkezpen musikatua egingo dute. Hilaren 5ean, Lazunak azkazaletan poesia liburua aurkeztuko du Oihana Arana idazleak, eta ondoren Lenoir eta MICEk beren musika eskainiko dute. 6an, umeentzako txokoa aurkeztuko du Ane Gebara ipuin kontalariak. 8an, Shout! Beltzen askapenerako mugimendua eta musika hitzaldi musikatua eskainiko du Igarki de Roblesek. 14an bigarren txoko bat aurkeztuko du Eva Forest Liburutopiak, kasu honetan Kuttuna irakurleen txokoa, hainbat lagunen parte hartzearekin: Leo Bueriberi, Marina Suarez, Mikel Aierbe eta Cira Crespo ARGIAren kolaboratzailea. Azkenik, abenduaren 15ean Katixa Agirre idazleak Berriz zentauro nobelaren aurkezpena eta irakurraldia egingo du.
Pajaros azules liburuaren aurkezpena
Datorren larunbatean, abenduak 2, Pajaros azules liburua aurkeztuko dute Eva Forest Liburutopian. Pájaros azules liburua Txori urdinak liburuaren gaztelerazko itzulpena da, Santi Cobos FIES preso ohiaren espetxeko bizipenak eta hausnarketak jasotzen dituena bere ahotik. Aurkezpen musikatua izango da, eta bertan izango dira Cobos bera, bere lagun eta FIES preso ohi Victor Peco, Ziklone musika taldea –euskarazko liburuaren hainbat pasarte musikatu ditu– eta Zigor Olabarria, liburuaren idazlea. 11:00etan hasiko da aurkezpena, eta amaitzean hamaiketakoaz gozatuko dute bertaratzen direnek, besteak beste, “pintxo talegeroekin” sabela berdintzeko.
.jpg)
Ituren (Nafarroa), 1777. Erramun Joakin Sunbil (1755-1821) arotza Donamariako Joana Mari Ezpondarekin ezkondu zen. Ia 40 urte eman zituzten ezkonduta, Joana Mari 1806an hil zen arte. Eta tarte luze horretan, noizbait, Iturengo arotzak santu baten kobrezko estatua urtu omen zuen... [+]
Hasieratik argi utzi nahiko nuke ez naizela inolaz ere feminismoan, sexu- eta genero-teorietan ezta LGTBIQ+ komunitatearekin lotutako gaietan aditua. Gizon txuri heterosexual bat naiz, ezkertiarra esan dezagun, bere burua feministatzat hartzen duena (edo feministen aliatua,... [+]
Musika-eszena antikomertzialean alea jartzeko asmoz sortu dute Aurka kolektiboa. Martin eta Katalin kideekin hitz egin dugu arlo horretako kolektiboen loraldiaz, musika politizatuaz eta musikaren potentzialitateez, industria musikalaz, makrojaialdiez eta beste.
Eusko Jaurlaritzak eta Bizkaiko Foru Aldundiak bultzatuta eta Agirre Lehendakaria Center erakundearen eta New Yorkeko Columbiako Unibertsitatearen gidaritzapean egindako entzuketa prozesuaren emaitzak aurkeztu dituzte uztailaren 23 honetan. Museoa eraikitzearekin sustatuko... [+]
Aurrean duzunak min ematen badizu, ez begiratu aurrera. Muturren aurrean duguna saihesteko logikoa dirudi, ezta? Zer ikusiko ote du gutako bakoitzak albo aldera so egiten duenean? Beharbada, miope batek betaurreko bila ikusten duen antzeko zerbait.
Miope bezain itsu,... [+]
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Antza denez, dualista naiz, izan nahi ez dudan arren. Esaldia bukle bat da: izan nahi ez dudan zerbait naiz, orduan: nor da esaldian ezkutuan dagoen nia, dualista izan nahi ez duena? Edo, alderantziz, dualista dena da, hain zuzen, ni hori (izan nahi ez badu ere)? Nahaspila... [+]
Azken urteotan egin dudan bezala, Musika Hamabostaldiak 86. ediziorako prestatu duen egitarau ederra ikusita, nire iradokizun eta gomendio bereziak egiten dizkizuet.
Egia esan, eta ia beti gertatzen den bezala, oso zaila da kontzertu batzuk nabarmentzea, horiek guztiak... [+]
Carmilla
J. T. Sheridan Le Fanu
Itzulpena: maialen berasategi
Erein, 2025
------------------------------------------------------------------------
Literatura unibertsala bilduman argitaratu berri dute J. T. Sheridan Le Fanu irlandarraren 1872ko Carmilla. Maialen... [+]
2024an sortu zuten Kontalaritza Eskolari buruz hitz egiteko elkartu gara Ane Gebara, Ane Arrugaeta eta Itziar Rekalde ipuin kontalariekin. Kontalaritzaren izaera artistikoaz, bat-batekotasunaz, formakuntzaz, emanaldiez eta abarrez mintzatu dira. Besteak beste, eskolak eman dien... [+]
Bizi-biziak dira oraindik musikan dabiltzan emakume eta genero disidenteen azalean bizi izandako indarkeriaren orbainak. Ugaritu dira, halaber, orbain horiei buruzko ahotsak komunikabideetan, ikerketetan zein hainbat ekimenetan. “Asko dago egiteko oraindik”, diote... [+]
Xenpelar Dokumentazio Zentroak dokumentazio bilketan sakontzeko aurrerapausoak eman ditu: Bertsozale Elkarteko egitasmoen bilketa prozesuak berrikusi dira eta tokian tokiko eragileekin harremanetan jarrita, eremu horretako jarduna aztertu eta hobekuntzak bideratu... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Berritu ala hil. Hori esaten diogu geure buruari. Ariketetatik ariketa gabeko alera, narraziotik gertuago, metaforarik gabe, zuzenago. Orain? Orain gehiago behar dugu. Narrazioago, ezmetaforatuago, ariketagabeago.
Pertsonaia bat sortuko dugu. Pertsona bat. Istorio batean... [+]