2022ko abenduaren 08a
Urteko aurreneko zortzi hilabeteetan, indarkeria matxistarekin lotutako 4.591 delituren berri izan da Araban, Bizkaian eta Gipuzkoan; %14,6 kasu gehiago, iazko datuekin alderatuta.
Gedar Langile Kazeta
@GedarLangileKZ
Eusko Jaurlaritzaren arabera, gora egin dute indarkeria matxistarekin lotuta Araban, Bizkaian eta Gipuzkoan izan diren delituek. 2022ko urtarriletik irailera bitartean, mota horretako 4.591 delituren berri izan dute ertzainek; hortaz, iazko denbora-tarte berdinean baino %14,6 kasu gehiago erregistratu dituzte. Aurten, irailera bitartean, 3.696 emakumek jasan dituzte indarkeria delitu horiek; iaz baino %13,2 gehiago dira biktimak.
Kasu gehienetan (3.227), bikotekideek edo bikotekide ohiek eraso diete emakume horiei. Tratu txar fisikoak, irainak, lesioak, mehatxuak eta jazarpena izan dira sarrien salatu diren delituak. Seinalatu dute, bestalde, asko igo direla "sexu-askatasunaren aurkako delituak" direlakoak. Irailera arte, 397 kasu izan dira aurten, iaz baino %27,2 gehiago; 312 kasuren berri izan zuten 2021eko denbora-tarte berdinean.
Gainera, aurten lau gizonezko saiatu dira beren bikotekideak edo bikotekide ohiak erailtzen, 2021ean bezainbeste. Joan den ekainean, bestalde, 90 urteko emakume bat hil zuen bere semeak.
Oraingoz Bizkaian erregistratu dira indarkeria matxistarekin lotutako delitu gehien, 2.375, eta %10eko igoera bat izan da iazko datuekin konparatuta. Gipuzkoan atzeman daiteke, dena den, hazkunderik handiena; aurten 1.518 kasu ezagutu dira oraingoz, iaz baino %20 gehiago. Araban, berriz, 698 delitu jaso dituzte, 2021eko denbora-tarte berdinean baino %16 gehiago.
Azaroaren 25ean justizia feminista eta autodefentsa feminista aldarrikatu zituzten Euskal Herriko hamaika herri eta hiritan, baina erasoek ez dute etenik izan asteburuan: 18, 34, 35 eta 36 urteko lau gizon atxilotu dituzte, indarkeria matxistari lotuta, Tuteran, Tafallan,... [+]
Azaroaren 25a dugu, indarkeria matxistaren aurka karrikara ateratzeko eguna. Hitzorduak jarri ditu Euskal Herriko mugimendu feministak, Beldurra eta kontrolaren aurrean, justizia feminista! lelo pean –19:00etan Bilbon, Donostian eta Gasteizen, 20:00etan Iruñean eta... [+]
Disney Plus plataforma asteazkenean zen estreinatzekoa Kote Cabezudoren auziari buruzko En el nombre de ellas dokumental saioa, baina ez du hala egin azkenean. Eduardo Mendoza kazetariak zuzendu du dokumentala, eta Berria egunkariak argitaratutako informazioaren arabera,... [+]
Urtero bezala, mugimendu feministak mobilizazioak iragarri ditu Emakumeen Kontrako Indarkeriaren Aurkako Nazioarteko Egunerako. Autodefentsaren aldarrian eta gizonen interpelazioan jarri dute fokua aurten. Itaia emakumeen antolakunde sozialistak bere deialdi propioak egin ditu.
Akusazioa eta defentsaren arteko akordioaren ondoren, asteazkenean, Bartzelonako militar ohi bati bi urteko kartzela-zigorra ezarri diote, eta 20.000 euroko kalte-ordaina eman beharko dio 2016ko Iruñeko Sanferminetan bost gizonek bortxatu zuten gazteari. Epaiaren arabera,... [+]
