Urre meatzari ilegalak kanporatzen ari da Brasil, Amazoniako Yanomamien lurraldetik

  • Brasilen, legez kanpoko ia meatzaritza operazio guztiak gerarazi ditu Lula da Silvaren gobernuak, Amazonian bizi den jatorrizko Yanomami herriaren lurretatik, eta egunotan enpresa gehiago kanporatzea espero da, Democracy Now gunean jaso dutenez.

Yanomamien egoera oso kritikoa zen, Lula da Silva boterera iritsi zenean.

2023ko martxoaren 24an - 07:07

Azken urteetan legez kanpoko urre meatzaritza Yanomami komunitateetan eragiten ari zen krisi humanitarioa gerarazteko, Luiz Inácio Lula da Silvak operazioa jarri zuen abian Presidentetzara heldu zenean.

Lula da Silva komunitate hauek in situ ikustera joan zen urte hasieran eta konpainia hauek botako zituela hitz eman zuen.

Jatorrizko herri honetako kide asko beren etxeetatik bota, lurrak eta elikadura iturriak hondatu eta ibaiak merkurioz kutsatu dituzte Bolsonaroren babesa zuten konpainia hauek.

Konpainia hauek inguruak suntsitu eta ibaiak kutsatu dituzte merkurioarekin.

ARGIAn, artikulu honetan jaso genuen urtarrilean, zein larria zen herri honen egoera.

 


Kanal honetatik interesatuko zaizu: Brasil
Sei herrialde gehiago Brasil, Errusia, India, Txina eta Hegoafrikak osatutako aliantzan

Brasil, Errusia, India, Txina eta Hegoafrikak osatutako aliantzak Johannesburgon egin duten azken goi-bilerako eztabaidagai nagusia izan da partaide gehiago onartzea. Saudi Arabia, Arabiar Emirerri Batuak, Iran, Egipto, Argentina eta Etiopia gonbidatu dituzte.


Amazoniako indigenen lurrak deforestatzaileen esku utzi ditzakeen legea onartu du Brasilgo Kongresuak

Amazoniako lurrak demarkatu eta indigenenak direla aitortzeko muga gehiago jarriko dituen legea onartu du Brasilgo Kongresuak. Luiz Inácio Lula da Silvaren gobernuak legea kritikatu du eta "araututako genozidio" bat dela esan du. Indigenek hainbat egun daramate... [+]


Henry Forden utopia, besteen distopia

Amazonia, 1928. Ford automobil konpainiak Fordlandia izeneko herria eraiki zuen oihanean, Amazonasen ibaiadar Tapajosen ertzean.


Eguneraketa berriak daude