Urquijok helegiteak jarri dizkie UEMAko hainbat udalerriri, aktak euskaraz bidaltzeagatik

  • Udalerri euskaldunen mankomunitateak (UEMA) salatu duenez, Carlos Urquijo EAEko Espainiako Gobernuaren ordezkariak helegiteak jarri dizkie hainbat udalerriri aktak euskaraz bidaltzeagatik. Oraingoan sei udal bidali nahi ditu auzitara: Aduna, Arama, Altzaga, Antzuola, Bergara eta Itsasondo.


2014ko abenduaren 16an - 09:09
Azken eguneraketa: 2015-02-26 13:37:33
Helegiteak “bata bestearen gainean pilatzen” ari direla esan du UEMAk. (Arg: A. Ruiz de Hierro)

UEMAk Eusko Jaurlaritzari helegiteen berri eman dio, eta bere webgunean adierazi duenez, egoera horren aurrean hartu beharreko jarrera zehazteko bilduko da asteartean Herri Aginteen arteko Koordinaziorako Batzordea (HAKOBA).

Helegiteak “bata bestearen gainean pilatzen” ari direla esan du UEMAk, eta horrek kezka areagotzen duela, bai mankomunitatean, baita udaletako ordezkarien artean ere.

Maren Belastegi UEMAko lehendakariaren hitzetan, “kontutan hartu behar da udal horietako asko oso txikiak direla eta ez dutela epaitegietako gastuei aurre egiteko baliabiderik”.

Euskara sustatzeko urratsak ematen ari diren udalak “babesik gabe” daudela salatu du Belastegik.


Kanal honetatik interesatuko zaizu: Hizkuntza politika
EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Hamabi hizkuntzatan banatuko du UEMAK Korrikari buruzko informazioa

23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.


2024-03-04 | ARGIA
Udalekuak egingo ditu UEMAk euskaraz bizi diren gazteentzako

Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]


Euskara Ipar Euskal Herrian
Azken sokatirak, hizkuntza politika eraginkor baten alde

2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]


Azkoitiko Udala UEMAko kide izango da

EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.


Eguneraketa berriak daude