Emakumeak borrokan

UPN, PP eta C'S bat eginda, ERC eta EH Bildu ere bai, eta EAJ Puigdemontekin?

  • Mugimendu handiak daude datozen hauteskundeetako hautagaitzetan. Eskuinak batzera jo du Nafarroan eta ezkerreko mugimenduak ere izaten ari dira. Lehia oso gogorra izango den seinale.

ARGIA @argia
2019ko martxoaren 11
Jose Javier Esparza eta Pablo Casao akordioa sinatzen Iruñean.

UPNk otsailaren amaieran iragarri zuen Nafarroan PPrekin joango zela datozen apirilaren 28 Espainiako hauteskunde orokorretan eta maiatzaren 26ko udal eta foru hauteskundeetan. Orain UPNk proposatu dio Ciudadanosi elkarrekin joatea bi hauteskundeetan eta Ciudadanosek onartu egin du. Navarra Suma deituko da hiru alderdien koalizioa. Alderdi hau foruen aurkakoa da eta behin baino gehiagotan iragarri du boterera iritsiz gero hauek ezabatuko lituzkeela, baina UPNk dio, itunak independentistei egin nahi diela aurre eta Ciudadanosek bazterrean utziko lukeela foruak ezabatzearena. Edozein modutan, adibidez, Albert Riberak Valentzian asteburuan esan duenez, gobernura iristen bada eskoletako testu liburuak Madrilen egingo dira eta ez autonomietan.

Ezkerrean ere badira mugimenduak, lehenbiziz ERC eta EH Bildu elkarrekin aurkeztuko direlako Espainiako Legebiltzarrera. Ez dute argi oraindik zein formularekin, baina bai talde bateratua izango dutela Espainiako Kongresuan. Egia esan, oraindik aurreakordioa da, baina ez dirudi oinarriek ezetza emango diotenik erabakiari. BNG eta beste indar batzuk ere akordiora hurbildu nahi dituzte. Maiatzeko Europako hauteskundeetarako, esaterako, hiru indarrak elkarrekin doaz.

Legealdian zehar Nafarroako Gobernua sostengatu duten Geroa Bai, EH Bildu, Ahal Dugu eta Izquierda-Ezkerra, halaber, Senaturako elkarrekin aurkeztuko direla iragarri dute iragan asteburuan.

EAJk Europako hauteskundeetan zer egingo duen ere airean da. Ohikoan CiUrekin joan da, baina hau desagertu ondoren, PDeCATek erabaki du bere hautagaia Carles Puigdemont izango dela eta ez dago garbi honen aurrean jeltzaleek zer egingo duten. Astelehen arratsaldeko bileran jorratuko dute gaia.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Alderdi politikoak

Alderdi politikoak kanaletik interesatuko zaizu...
2019-05-24 | ARGIA
Juan Mari Aburto bere onetik atera du Deustuko Gazte Lokala ez ixteko gazte baten eskariak

Kalean topo egin eta Deustuko Gazte Lokala ez ixteko eskatu dio gazteak Bilboko alkateari. Eskaeraren aurrean haserretu egin da Aburto, eta honen bizkartzain batek identifikatu egin du gaztea.


2019-05-23 | ARGIA
Ugaon "desinfekzio antifaxista" egin dute, Riverari bizkarra eman ondoren

Ciudadanos alderdi espainiar eta eskuindarraren buruzagiak Ugaon izan dira ostegunean, hauteskunde kanpainako beste ekintza mediatiko batean. Altsasun eta Errenterian ez bezala, ez dute istilurik sortzea lortu, herritar ugarik bizkarra emanda eta isilik erantzun dute, eta ondoren "desinfekzio antifaxista" egin dute.


2019-05-23 | ARGIA
Anasagastik onartu du EiTBko tertulien ordaina jenerotan kobratzen saiatu izana hainbat aldiz

EAJko politikari ohiak aitortu du etxeko sukaldeko erreformaren gastuak edo jatetxeko otorduak kobratzen saiatu zela EiTBko tertulien ordainketa gisara, Hala Bedi Irratiaren arabera. Prime Time Media ekoiztetxeak ez omen zuen onartu.


2019-05-22 | ARGIA
Iñaki Anasagasti EiTBko tertuliak modu irregularrean kobratzen saiatu zen 2016an

Hala Bedik eman du albistea: EAJko politikari ohiak En Jake saioaren ekoiztetxeari idatzi zion, tertuliaren ordaina telebista-aparailu batekin egiteko eskatuz. Bost tertulietan parte hartzearen pareko prezioa zuen telebistak.


2019-05-22 | Estitxu Eizagirre
PSE-EEko zerrenda da Larraulen eta Berrobin aurkeztu den bakarra: orain zer?

PSE-EE alderdiak Larraulen aurkeztutako zerrenda horretan ez dago pertsona bakar bat ere herrian bizi denik. Beste hautagaitzarik aurkeztu ez denez, Udalean informazio eske galdera sartu du herritar batek.


2019-05-21 | ARGIA
Semper Donostiako alkategaiaren egoitzari PPko logoaren pintaketak egin dizkiote

Sare sozialetan zabaldu denez, Donostiako alkatetzarako kanpainan Borja Semperrek ireki duen egoitzan pintaketak agertu dira atearen albo banatan. PP alderdiaren logotipoa jarri diote.


2019-05-20 | Zero Zabor
Markel Olanok (EAJ) Eibarren esan du Oñati zikin dagoela: egia ala gezurra?

Eusko Alderdi Jeltzalearen hautagaiek larunbatean, maiatzak 18, Eibarren eskaini zuten mitinean Markel Olano diputatu nagusigaiak esan zuen: "Oñati zikina dago... bai zikina dagoela Oñati". Eta hainbat erreakzio piztu ditu sare sozialetan: benetan Oñati (EHBilduren udal gobernuarekin) zikin dago? Zikinago Eibar bera baino?


2019-05-20 | Patxi Azparren
Bada... Xabier Arzalluz ez nuen maite

Saretatik dabiltzan hamaika txiste horietako batean, bi agure hizketan ageri dira. Horrela dio batak besteari: "Hilda zinela uste nuen, zutaz gaur oso ondo mintzatu baitzaizkit". Txistean bezala, gure inguruan ohikoa da pertsona bat hildakoan laudorioak nagusitzea.


2019-05-10 | ARGIA
Alfredo Pérez Rubalcaba espainiar politikaria hil da

Iktus baten ondorioz hainbat egunez ospitalean egon ondoren, ostiral eguerdian hil da Perez Rubalcaba. PSOEko idazkari nagusi ohia eta besteak beste Espainiako Barne ministro izandakoa, haren eragina nabaria izan zen ETAren azken garaian Espainiako Estatuaren estrategia eramateko.


Azkenak
EGILEA
Eguneraketa berriak daude