Irati Elorrieta, Asisko Urmeneta eta Patxi Zubizarretaren lanek lortu dituzte Euskadi Sariak
Euskarazko literatura, haur literatura eta literatur lanen ilustrazioa kategorietako sariak jakinarazi dituzte. Azaroaren 18an izango da sari banaketa, Donostiako Tabakaleran.
Irati Elorrietaren Neguko Argiak lanak (Pamiela) lortu du Euskadi Literatur saria. Liburuaren harira elkarrizketa egin zion ARGIAn Gorka Erostarbek: "Ikusgarritik ihes egiten duen zerbaiti forma emateko tema bezala ulertzen dut literatura". Hamar urteren ostean kaleratu zuen bere bigarren nobela hau Elorrietak, 2018 bukaeran.
Asisko Urmenetaren Aztihitza: Xahoren biografia komikiari emango diote ilustrazio onenaren saria. Joanes Etxebarriak Ipar Euskal Herriko Hitzarako elkarrizketatu zuen Urmeneta, liburuaz. Asisko Urmeneta urte luzez izan da kolaboratzaile ARGIAn, eta ilustrazio ugari egin ditu urte horietan guztietan.
Patxi Zubizarretak eskuratu du haur literaturari dagokion saria, Korri, Kuru, Korri! lanagatik (Ibaizabal). Xabier Etxaniz Erlek liburuaren kritika egin zuen ARGIAn: "Jirafa bat korrika".
18.000 euroko saria jasoko du bakoitzak. Gainerako sarituak (gaztelaniazko literatura, saiakera euskaraz eta gaztelaniaz, eta euskarazko literatura itzulpena) bi aste barru iragarriko dituzte.
Ondorengoek irabazi dute euskarazko kategorian: Arantxa Urretabizkaia, Patxi Zubizarreta, Miren Billelabeitia, Maialen Berasategi, Joxe Mari Berasategi eta Joseba Larratxek.
Aita-alabek Abdulrazak Gurnah-en Paradisua liburua itzuli dute euskarara. Tanzaniarrak Literaturako Nobel saria irabazi zuen 2021ean. Miren Billelabeitiak Saiakerako Euskadi saria jaso du Norberak maite duena. Hitza gogoan, irakurketa biziz lanagatik.
Azken Etxea, Zerria eta Ni ez naiz Mikel Laboa lanak saritu ditu epaimahaiak Euskarazko Literatura, Haur eta Gazte Literatura eta Ilustrazioa kategorietan hurrenez hurren. Oraindik beste lau irabazle daude jakinarazteke.
Euskarazko Literatura saria jaso du Apaolazaren 'Bihurguneko nasa' ipuin bildumak, Euskarazko Haur eta Gazte Literatura saria Bilbaoren 'Barruko hotsak' albumak, eta Literatur Lanaren ilustrazioaren saria Mutuberriaren 'Irrimola' lanak.
Urriaren 14an jakianrazi zituzten sarietuetako zenbaiten izenak, eta asteazkenean eman dituzte ezagutzera gainontzekoak. Pello Lizarralde, Anjel Lertxundi, Joxan Elosegi, Alex Gurrutxaga, Mikel Reparaz, Txani Rodriguez eta Javier de Isusi dira 2021eko edizioko sarituak.