Umetoki lepoko minbizia garaiz hautemateko auto-harraldia sustatzen ari da Osasunbidea
Urtarriletik hona ia 13.500 pertsonek egin dute proba Nafarroan, eta proba egin dutenen %95ak etxean egin du.
Umetoki lepoko minbizia garaiz hautemateko sentsibilizazio programa bat abian jarri zuen Osasunbideak urtarrilean. Ordutik, 20.745 lagunek proba egiteko gonbidapena jaso dute, pertsona horien %65ak proba egin du. Xede taldea dira umetokia duten 35 eta 65 urte arteko pertsonak, eta helburua da datozen bost urteetan 160.000 pertsona artatzera iristea. Bost urtean behin egiten dira probak, eta proba egin behar duten pertsonek gutun bat jasotzen dute. Hala ere, soilik jasoko dute gutuna 35, 40, 50, 55, 60 eta 65 urte dituztenek.
Bi modu daude proba egiteko; osasun arloko profesional batek egitea edo auto-harraldia egitea. Aurten proba egin dutenen %95ak auto-harraldia egitea erabaki du eta gainerakoek eskatu dute laginaren harraldia osasun arloko profesional batek egitea.
Harraldia osasun arloko profesional batek egiteko eta NOPLOI-era deitu behar da; 848 423 498 telefono zenbakira edo erreferentziazko SUOAZ zentrora.
Auto-harraldia egiteko
Proba egin behar da hilekorik ez dagoen egunetan, proba egin aurreko hogeita lau orduetan ezin da penetrazio bidezko sexu harremanik mantendu eta ordu tarte horretan ezin dira baginatik sartzen diren medikamentuak erabili.
Proba etxean egin nahi dutenek eskuila bat daraman hodi bat jasoko dute. Proba egin aurretik, ura eta xaboiarekin ongi garbitu behar dira eskuak, eta ostean, lehortu. Hodi bat izanen dute, eta barruan dagoen eskuila atera beharko dute barrukoa ukitu gabe. Eskuilaren erdialdean marra gorri bat dago. Marra gorritik heldu, eta poliki-poliki eskuila baginatik sartu behar da. Baginaren barnean dagoenean biratu egin behar da hogei segunduz. Azkenik, baginatik atera eta hodian sartu behar da.
Proba egin ostean, Sexu eta Ugalketa Osasunaren Arretarako zentroen sarean, Nafarroako Osasun Publikoaren eta Lan Osasunaren Institutuan edo osasun etxean utzi behar dute lagina. Osasun arloko profesionalek lagina aztertu eta emaitza pazienteari jakinarazten diote, eta emaitza positiboa izatekotan, zitologia bat egiten diote.
25 eta 34 urte bitartekoak
25-34 urte bitarteko gazteei aldiz, zitologia egiten diete zuzenean. Horretarako lehenago ginekologora joan badira gutun bat edo dei bat jasotzen dute. Inoiz ginekologora joan ez direnek telefono bidez eskatu behar dute ordua erreferentziazko SUOAZ gunera deituz.
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]
GIBarekiko esposizio aurreko profilaxia da Prep botika. Alfonso Setiey Anitzak elkarteko lehendakariaren arabera, farmazietan eskuratzeak itxaron-zerrendak gutxitu ditzake. Alabaina, arriskuez ere ohartarazi du.
Bihotzak eztanda egin arte biziko da Aloña Erauskin (Berrobi, 1999), beste guztiok bezala. Besteon aldean, ordea, presente dauka aukera hori.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Demagun zure laneko giroa kaxkarra dela. Lan gehiegi dago, baina ez da kontratazio berririk egiten edo, egiten bada, eskasa. Lankideen arteko harremanak ez dira batere osasuntsuak, eta mobbing horizontala eta bertikala edozein momentuan hedatu daiteke. Oso estres maila handia... [+]
Osakidetza lanean ari da Asisa aseguru-etxe pribatuaren filial baten Quantus Skin sistema osasun-zentroetan ezartzeko, 1,6 milioi euroko inbertsioa eginda. Adituek kritikatu egin dute adimen artifizialeko sistema hori, emaitza "eskasak" eta "arriskutsuak"... [+]
Euskal dantzak, pilates, bilobekin egon, gurutzegramak egin eta beste zaletasun asko ditu Grego Idiakez Kortak (Ezkio-Itsaso, Gipuzkoa, 1950). 62 urterekin iktus bat izan zuen, eta ordutik, ezin ditu nahi beste gauza egin. Iktusaren ondorioz, begi baten ikusmena galdu du, eta... [+]
Langileak amiantoak eragiten duen minbizi mota bat dauka eta 376.305 euroko kalte ordaina eman beharko diote, EAEko Auzitegi Gorenak zigorra berretsi baitu.
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Nafarroako Gobernuak espetxeetako osasun zerbitzuaren eskumena eskuratu zuenetik, baliabideak “indartu” dituzten arren, presoek nabarmendu dute ez diela sobera eragin egunerokoan.
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]