Udaletan euskara normalizatzeko dekretuaren zati handi bat baliogabe utzi du Espainiako Justiziak
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik. Hizkuntza koofizialak daudenean haietako bat ezin dela "lehenetsi" eta "desorekak" eragotzi behar direla dio ebazpenak. Euskagintzaren Kontseiluaren esanetan, "euskal gizartearen borondatearen eta euskal erakundeen kontrako epaia da". UEMAk elkarretaratzeak deitu ditu larunbaterako, mankomunitateko kide diren udalerrien udaletxeen aurrealdean.
Euskararen kontrako oldarraldi judizialaren pasarte ilun bat idatzi du Espainiako Auzitegi Gorenak asteazken honetan: Vox alderdi ultraeskuindarrak hizkuntza gutxituen aurka dituen irizpideetako asko bere egin eta Udalen Legean euskararen normalizazioa txertatzeko 179/2019 dekretuaren artikulu ugari bertan behera utzi ditu.
2023ko irailean EAEko Auzitegi Nagusiak baliogabetu egin zituen udaletan eta tokiko erakundeetan euskara normalizatu eta biziberritzea xede duten artikulu horiek, Voxek auzitara eraman eta gero. Ebazpen horri helegitea jarri zion Eusko Jaurlaritzak, eta orain Gorenak ere atzera bota ditu ia guztiak; auzitan jarritako artikulu bakarra jo du ontzat: tokiko jardueretan euskara zerbitzu eta lan hizkuntza bezala normaltasunez erabiltzeko antolatzea ahalbidetzen duena.
Gorenaren esanetan, hizkuntza koofizialak daudenean ezin da horietako bat "lehenetsi", eta hizkuntza koofizial horien arteko "desorekak" eragotzi egin behar dira.
Epaiak dioenez, euskarak ezin du lehentasuna izan udal hizkuntza irizpideetan, ez ekitaldi publikoetan, ez udal barneko lan-funtzionamenduan, ezta eskaintzen dituen zerbitzuetan ere
Epaiak dioenez, euskarak ezin du lehentasuna izan udal hizkuntza irizpideetan, ez ekitaldi publikoetan, ez udal barneko lan-funtzionamenduan, ezta eskaintzen dituen zerbitzuetan ere. Adibidez, bozgorailuetan edo telefono publikoetan informazioa lehenik euskaraz emateko bidea ixten du auzitegiak. Gainera, udalei irizpide horiek ezartzeko eskumena ematen zien artikulua ere bertan behera utzi du.
Epaia irmoa da eta, hortaz, Gorenak ez du helegite gehiago jartzeko aukerarik ematen.
Duela urte batzuetatik hona epaitegiak euskararen kontra hartzen ari diren norabidean urrats bat gehiago da honakoa. Aurretik dekretu horren beste hainbat artikulu baliogabe utzi ditu Espainiako Justiziak, baina Jaurlaritzak erabakigarritzat zeukan Gorenaren epai hau, eta iritsi da. Lerrook idazteko garaian oraindik ez du balorazio ofizialik egin.
Euskararen minorizazioa "betikotzea" helburu
Euskalgintzaren Kontseiluak oso gogor hartu du ebazpena. Gogorarazi du zein testuingurutan kaleratu den epaia, eta "euskararen minorizazioa betikotzea" helburu duen oldarraldi judizial eta politikoa dagoela martxan. Bere esanetan, gainera, oraingo epaia "euskal gizartearen borondatearen eta euskal erakundeen kontrakoa" da.
Sententziak "udal ordezkari bakar bat ere ez duen Vox alderdi politiko euskarafoboaren helegitea ia osotasunean" hartzen du haintzat
Izan ere, araudia Eusko Legebiltzarrean gehiengo oso zabalez onartu zen, eta aldiz, sententziak "udal ordezkari bakar bat ere ez duen Vox alderdi politiko euskarafoboaren helegitea ia osotasunean" hartzen du haintzat.
Euskal komunitatea "larrialdi linguistiko" betean dagoela nabarmendu du Kontseiluak eta euskararen normalizazioa "atzeraldian" sartzeko arrikuan dagoela. Hala, dei egin die "erakunde, agintari, eragile politiko, sozial eta herritarrei irmo adieraz dezatela oldarraldiaren agerpen bortitz honen aurka daudela".
Hain zuzen ere, UEMA udalerri euskaldunen mankomunitateak deituta, larunbata honetan elkarretaratzeak egingo dituzte kide diren udalerrietako udaletxeen aurrealdeetan eguerdiko 12:00etan, Euskararekin bat lelopean.
UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok... [+]
UEMAren zuzendaritza batzordeko kideek hedabideen aurrean agerraldia egin dute ostegun eguerdian Zarautzen, Espainiako Auzitegi Gorenaren azken epai euskarafoboa salatzeko. Epaia "larria" dela adierazi dute, eta batez ere udalerri euskaldunei eta euskaraz aritzen... [+]
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]