Euskara eskakizunak defendatuz Pasaiako Udalak aurkeztutako helegitea atzera bota du epaitegiak
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei "tinko eta duintasunez" erantzungo dietela adierazi dute EH Bilduk eta EAJk.
Pasaiako Udalak kale garbitzaileen lanpostuak egonkortzeko prozesua hasi zuen 2023an. Prozesu horretan parte hartzeko, oinarrizko hizkuntza mailaren baliokidea den B1 hizkuntza eskaera beharrezkoa zen, euskarazko arreta bermatzeko. 2024ko apirilean, Donostiako Administrazioarekiko Auzien 2. eta 3. zenbakiko epaitegiek bi epai ezarri zituzten hizkuntza eskakizunen kontra, horiek diskriminatzailetzat jota. Horren aurrean, helegitea jarri zuen udalak 1982ko Euskararen Legeari jarraiki. Legeak herritarren hizkuntza eskubideak bermatzeko betebehar batzuk ezartzen dizkie erakundeei. Donostiako Auzitegiko 3. zenbakiko beste epaile batek helegitea atzera bota du.
EH Bildu eta EAJren ohar bateratua
EH Bilduk eta EAJk ohar bateratua argitaratu dute. Azaldu dute auzibidearekin jarraitzeko asmoa dutela, eta kasaziozko bi helegite aurkeztu dituztela jada, Berriak jaso duenez. Alderdiek uste dute justizia auzitegiek ez dutela kontuan hartzen 40 urtetan Euskal Autonomia Erkidegoan herritarren hizkuntza eskubideak bermatzeko garatutako lege eta araudi markoa, ezta udal langileek hizkuntza eskakizunak betetzeko jaso dituzten baliabideak eta egindako ahaleginak ere.
Bide beretik, "legea aldatu beharra" dagoela aldarrikatu dute, "agerikoa" delako gaur egungo araudiarekin ezin dela hizkuntza politika "berdinzale" bat burutu. Ondorioz, eskaera luzatu diete Eusko Jaurlaritzari eta Gasteizko Legebiltzarari, "udalok euskaraz jarduteko eskubidea bermatzeko beharrezkoak diren lege egokitzapenak ahalbidetu ditzaten". Gogoratu dute epaiak "herritar guztien hizkuntza eskubideen aurkakoak" direla eta ez "soilik" udal baten aurkakoak.
Aholku Batzordea berretsi da
Bokale Euskararen Pasaiako Aholku Batzordeak adierazi du lehen ebazpen judiziala kaleratu zenean emandako erantzuna gogora ekartzen dutela oraingoak. Emandako erantzunean aldarrikatutakoa berretsi dute eta zera esan dute: "Udalari helegitea jartzeko eskatzen diogu udalarekin euskaraz komunikatu nahi duten pasaitarren eskubideak urratu ez daitezen". Pasaian "euskararen normalizazioaren prozesuan atzera ez egiteko" ere eskatu diete alderdiei. Euskal jendarteari eskatu diote euskaraz bizi eta "harrotasunez" erabiltzeko.
UEMAren zuzendaritza batzordeko kideek hedabideen aurrean agerraldia egin dute ostegun eguerdian Zarautzen, Espainiako Auzitegi Gorenaren azken epai euskarafoboa salatzeko. Epaia "larria" dela adierazi dute, eta batez ere udalerri euskaldunei eta euskaraz aritzen... [+]
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
"Poloniar bat etortzen bada eta bost urte pasako baditu proiektu batean, joder agian ez zaio egoki irudituko seme-alabek euskaraz ikastea, ezta?", bankuko lehendakari Anton Arriolak adierazi duenez. Euskalgintzako eragileek gogor kritikatu dute eta esandakoa... [+]