ARGIA.eus

2022ko irailaren 25a

Udaltzainek B2 euskara eskakizunik ez dutela behar dio Gasteizko epaitegi batek

  • Udaltzain izateko lan poltsan, euskarazko B2 profila eskatzen du EAEko Polizia Akademiak eta auzitara eraman du gaia UGT sindikatuak. Gasteizko epaitegiak arrazoia eman dio sindikatuari, polizia izan nahi eta euskaraz ez dakitenenganako diskriminazioa argudio.

2022ko irailaren 20a

2021ean du jatorria aferak. Orduko hartan, Irungo udaltzain izateko oposizioetan eskatzen zen euskara jakitea, baina euskara ez dakitenenganako diskriminatzailea dela iritzita, deialdia baliogabetu zuen EAEko Auzitegi Nagusiak. Euskalgintzaren eta eragile ugariren kritikak jaso zituen ebazpenak, erabaki horrekin diskriminatzen zirenak Irungo herritar euskaldunak zirela ulertuta. Horren ostean, Polizia Akademiak B2 profilaren eskakizuna gehitu zuen EAEn udaltzain izateko lan poltsan, eta orain Gasteizko epaitegi batek dio polizia izateko ez dela halakorik behar.

“Euskaraz lan egiteko eta herritarrak euskaraz artatuak izateko eskubidea” urratzen du ebazpenak, ELA sindikatuak salatu duenez. Halako ebazpenei aurre egiteko, oposizioak eta instituzioz instituzioko lan poltsak proposatu ditu ELAk.

Euskal Herrian zerbitzu publikoa eta kalitatezkoa bermatzeko, langile publikoek euskaraz jakitea funtsezkoa dela nabarmendu izan du euskalgintzak, behin baino gehiagotan.

Kanal hauetan artxibatua: Euskara lan munduan  |  UGT  |  Polizia  |  Zerbitzu publikoak  |  EAE

Euskara lan munduan kanaletik interesatuko zaizu...
2022-09-06 | ARGIA
Nafarroako lanpostu publikoetan euskarak baino balio handiagoa du alemanak

Nafarroako administrazio publikoan langile kopuru handi bat egonkortzeko asmoa dagoela eta horretarako deialdietan eremu ez-euskaldun deiturikoetan oraindik ere euskara jakiteari ez zaiola baliorik ematen salatu du Administrazioan Euskaraz Taldeak.


2022-07-19 | ARGIA
Zizur Nagusiko Udalak lanpostu publikoetan euskara puntuatu behar duela ebatzi du auzitegiak

Zizur Nagusiko Udalak euskara aintzat hartzen ez zuen lan deialdia atera zuen; herritar batek kexua jarri eta aurretik izandako hainbat ebazpenen kontrara, oraingoan bai, Nafarroako Administrazio Auzitegiak ebatzi du udalak ordenantza bete behar duela eta beraz euskara puntuatu... [+]


Langile publikoen oposizioetan euskara eskakizuna kentzea ez du onartu epaileak

EAEn langile publiko izateko euskara profila eskatzea diskriminatzailea dela argudiatuz, berriro ere auzitara iritsi da oposizioetara aurkeztu den herritar baten salaketa. Oraingoan, baina, garbi utzi du Donostiako epaitegiak: langile publikoek euskara jakin behar dute,... [+]


2022-06-07 | ARGIA
Langile publikoen oposizioetan euskara eskakizuna malgutzea nahi dute Elkarrekin-Podemosek eta PPk

EAEko langile publikoak egonkortzeko oposizio prozesuak “jende asko kanpoan utziko” duela eta euskara eskakizunean malgu jokatzeko eskatu dio Elkarrekin-Podemosek Eusko Jaurlaritzari. Euskara mailen eskakizun handia kritikatu du PPk.


2022-02-03 | ARGIA
Elkarretaratzea eginen dute Laudion, hizkuntza eskakizunei buruzko epaia salatzeko

Euskalgintzaren Kontseiluak eta Aiaraldeko Euskalgintzaren Kontseiluak deitu dute elkarretaratzera, administrazioko hizkuntza eskakizunen afera batean Laudioko Udalak jasotako kontrako epaia salatzeko. Oroit gara bitarteko funtzionario batek udaleko lanpostua galdu zuela 2020an,... [+]



Irakurrienak
Argia buletina
Egunaren laburpena
zure e-postan
Eguneraketa berriak daude