Udalbiltza eta Ernai martxan, jazarpen aroa atzean utzi nahi du ezker abertzaleak
Legez kanporatzea eta jazarpena hainbat urtez jasan ostean, ezker abertzalea berregituratzen ari da apurka-apurka. Pasa den asteburua horren erakusgarri: Udalbiltza eraberritua eta Ernai gazte erakundea aurkeztu dituzte jendaurrean.
Udalbiltza berria 403 udaletako 1.257 hautetsiren babesarekin jarri da abian. 154 alkate daude tartean. Hemeretzi lagunek osatzen dute zuzendaritza, eta Mertxe Aizpurua Usurbilgo alkatea da presidentea. Hautetsi ia guztiak ezker abertzalekoak edota independenteak diren arren, badira EAJko batzuk ere, Igor Eguren Ordiziako alkate eta Udalbiltzako talde eragileko kideak azaldu duenez. “Irekita ditugu ateak”, gaineratu du.
Hiru dira erakundearen lehentasunak: kohesio funtsa sortzea, euskal nortasun agiria sustatzea eta nazioarteko biltzarra deitzea. Oinarrien artean “Euskal Herriaren eraikuntza nazionala” eta udalen arteko “lankidetza sustatzea” daude, besteak beste.
Udalbide eta Eudel
Udalbiltza 1999ko otsailean sortu eta azaroan bitan zatitu zen. EAJ eta EAko hautetsiek Udalbide sortu zuten orduan. Hamalau urte beranduago, Egurenek dio badagoela borondatea Udalbiderekin lankidetzan aritzeko, gehitu duen arren, erakunde hori “itzali” egin dela azken urteetan. “Udalbiderekin batera aritzea gustatuko litzaiguke”, adierazi du Ordiziako alkateak.
Bestalde, Eudel Euskadiko Udalen Elkartearen eta Udalbiltzaren egitekoez galdetuta, erakunde “desberdinak” eta “elkarren osagarriak” direla diote Udalbiltzako kideek: “Eudelek babes tekniko eta logistikoa eskaintzen die udalei, eta Udalbiltzak Euskal Herriaren artikulazio nazionala lortu nahi du”. Egurenen hitzetan “harreman zuzena” izango dute: “Ez dugu Eudelen lekua hartu nahi”.
Udalbiltza berregituratu den honetan, Eusko Legebiltzarra ez da oraindik gai izan Udalen legea onartzeko. Hain justu, EAE da udalen eskumen eta baliabideak zehazten dituen araudirik ez duen Espainiako Estatuko erkidego bakarra, Mikel Ormazabal kazetariak El País-en nabarmendu duen moduan. Udalbiltzako ordezkariek azaldu dute auzi horri buruzko eztabaida politikoan parte hartuko dutela. Beldur dira, bestalde, Espainiako Gobernuak proposatutako neurriekin udalen “boterea” ez ote den “txikituko”. Toki Araubidearen Oinarriak arautzen dituen Legea aldatzeko proiektuak, udalerri txikien fusioa aurreikusten du, besteren artean.
Ernai, gazteak sozialismoaren eta feminismoaren alde
Zazpi hilabete iraun duen Zukgua eztabaida prozesuaren emaitza da Ernai gazte erakundea. Lizarrako Remontival pilotalekuan aurkeztu zuten pasa den larunbatean.
Independentzia, sozialismoa eta feminismoa ditu ardatzetako batzuk. “Ernai Euskal Estatu Sozialista eta Feminista borrokatzeko tresna gisa kokatzen dugu”, diote gazteek. “Bide honetan gure jarduna gazte problematikaren lanketan, alternatiben eraikuntzan eta nazioaren eraikuntzan oinarrituko da”.
Erakundearen oinarria herrietan ezarri dutela azaldu dute: “Hau hala izanik, antolakuntza ereduan garrantzi berezia dute eskualdeek, herrien arteko harremana sustatu eta borroka komunak koordinatuz”.
Ernairen baitan Nafarroa, Araba, Bizkaia eta Gipuzkoako gazteak biltzen dira, “prespektiba eta estrategia nazioanala izan arren”. Diotenez, Zuberoa, Nafarroa Beherea eta Lapurdiko gazteekin “harreman iraunkor eta zuzena” dute.
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
1978ko sanferminetan gertatutako Poliziaren kargak argitzea, horiei buruzko dokumentuak desklasifikatzea eta gertakarietan hildako German Rodriguez biktima gisa aitortzea eskatzen diote Espainiako Gobernuari Kongresuak onarturiko dokumentuaren bidez.
Euskal Herriaren nazio izaera eta burujabetza aldarrikatzeaz gain, "erresistentzia eta borroka antifaxistari gorazarre egitea eta berrespen antifaxista egitea" jarri dute helburuen artean.
Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicenteri 120 ongi etorri baino gehiago antolatzea eta terrorismoa goratzea leporatzen zien Espainiako Auzitegi Nazionalak. Auzipetuek, akusazio partikularrak eta... [+]
Algortako Larrañazubi inguruan dago kanpalekua, eta Getxoko Udaltzainek hori husteari ekin diote ostegun goizean. Alkateak adierazi du han bizi ziren pertsonen "segurtasuna" bermatzeko eta "ingurune natural hori zaintzeko" desegin dutela. Getxoko EH Bilduren... [+]
Aste Santuan Berriozarren egindako topaketetatik egun gutxira bildu gara Gasteizko Sorturen bulegoan. Hango kontuez jardun dugu apur bat, baina batez ere gaur egun euskal gizartean dantzan diren gaiez aritu gara, Ernaik horien gainean duen iritzian sakontzeko asmotan. Amaiur... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Azken asteotan, energia berriztagarriei buruzko eztabaida komunikabideetan zabaldu da. Euskal Herrian, lehenik eta behin, Aritz Otxandianok jasandako erasoaren kasu mediatikoa izan genuen, berak energia berriztagarrien aldeko jarrerari egotzi ziona; handik egun gutxira,... [+]
Sare sozialetan argitaratutako argazkiaren bidez ezagutarazi du erasoa Ordiziko alkate Adur Ezenarrok. Bere sexu izaerarekiko "harrotasuna eta ohorea" berretsi du, eta azken aldiko "oldarraldia" salatu du.
Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]
Eragile nahiz alderdi politiko ugarik plazaratu dituzte euren aldarriak aurtengo Aberri Egunean. Azken urteetan egin bezala, Bilboko eta Iruñeko kaleak hartu dituzte EAJk eta EH Bilduk, hurrenez hurren. Bagira-k, Ipar Euskal Herriko Mugimendu Abertzaleak, abertzaleen... [+]
EH Bilduk aurkeztutako mozioa onartu dute osoko bilkuran. Udalak egitasmoa sustatzen duen enpresari, Cañaveras Solarri eskatu dio proiektuak ez ditzala hartu balio estrategiko handiko gisa kalifikatutako nekazaritza lurrak, eta gune populatuetatik gutxienez 500 metroko... [+]
1999an sortu zuten Udalbiltzaren sortzaileetako bat izan zen, eta erakundeko lehen presidente izendatu zuten urte berean. Ondarroako alkate izan zen hiru agintalditan, eta hango udalak eman du albistearen berri.