Udako oporretan ikastetxeek ateak ireki ditzatela eskatu diote hezkuntzako adituek Espainiako Gobernuari

  • Egoera berriak ikasleen arteko arrakala areagotu duen honetan, atzean geratzeko arriskua duten ikasleei laguntzeko udan ikastetxeak irekitzea eskatu du hezkuntza munduko hainbat adituk, beti ere osasunaren ikuspegitik baldintzek ahalbidetzen badute. “Hezkuntza sistematik erortzen uzten baditugu eta gaiari lehenbailehen heltzen ez badiogu, gero askoz zailagoa izango da ikasle horiek berreskuratzea”.


2020ko apirilaren 14an - 14:47

Proposamenean esaten da une horretan lanean ez dauden irakasle ordezkoek edo langabezian direnek ematea klaseak.

Edukietan eta ikasgaietan sakontzea behar duten gazteei eguneratzeko aukera ematea da asmoa, “baina ez da bakarrik curriculumarekin laguntzea, psikologikoki eta kontziliazioari begira ere, egoera oso gogorra bizitzen ari da hainbat jende, eta lagundu behar zaie”, ohartarazi dute, Isabel Celaá Espainiako Hezkuntza ministroari eta erkidegoetako ordezkariei bidali dieten gutunean. Save The Childrenen ekimena da gutuna, eta hezkuntza munduko berrogeitik gora elkarte eta adituk egin dute bat eskaerarekin, tartean familia elkarteak, unibertsitateko irakasleak eta Hezkuntza saila eraman izan duten politikariak.

Britainia Handian ere, udako oporretan ikastetxeak uneren batean ireki ahal izatea eskatu du hango Adin Txikikoen Defendatzaileak, batik bat egoera zaurgarrienean dauden ikasleak gogoan. Azken finean, baliabide teknologikoak eta etxeko helduen laguntza –falta– tarteko, ikasleen arteko arrakala areagotzen ari dela nabari du hezkuntza komunitateak.

Nola ebaluatu eta hurrengo ikasturtea nola prestatu

Arrakalari aurre egiteko beste lau eskaera ere bildu dituzte gutunean: ebaluazioa moldatzea, ikasturtea errepikatu behar duten ikasleen kopurua murrizteko (“salbuespena behar luke ikasle batek errepikatzea”); hurrengo ikasturteko curriculuma “urgenteki” egokitzea, edukiak arindu eta ikasle bakoitzaren beharrei arreta gehiago eskaintzeko; hurrengo ikasturtean, eskola-orduetako eta eskolaz kanpoko laguntza indartzea; eta teknologia baliabideak bermatzea ikastetxe eta ikasleei.

Asteazkenean honetan dute bilera Isabel Celaák eta erkidegoetako ordezkariek, ikasturte hau nola itxi erabakitzeko. Ikastetxeetara –noiz– bueltatuko diren, ebaluaziorik egingo al den edota ikasle guztiek ikasturtea automatikoki gaindituko al duten dira mahai gainean izango dituzten gaietako batzuk.


Kanal honetatik interesatuko zaizu: Covid-19 eta erantzun soziala
2022-02-15 | Estitxu Eizagirre
Pediatrek ikastetxe barruetan maskarak kentzea eskatu dute, modu progresiboan

Katalunian Societat Catalana de Pediatria elkarteak pandemia kontrolatzeko ikastetxeetan aplikatzen diren neurriak bertan behera uzteko eskatu du, neurri horiek haurrengan dituzten ondorio kaltegarriak argudiatuz. Tartean dago gela barruetan maskararen erabilera kentzea, modu... [+]


Bizitza

Beste hainbat bezala COVID pasearen aurka Bilbon deituta zegoen manifestaziora joan ginen aurrekoan. Bertan adin, kolore, janzkera eta hizkera askotariko zenbat jende zegoen ikusteak asko poztu ninduen, eta tartean topatu nituen unibertsitate garaiko batailetako lagunak edo... [+]


2022-02-01 | Estitxu Eizagirre
Covid pasaportearen auzia Zarauzko Udaleko osoko bilkurara eraman dute hainbat herritarrek

Zarauzko Udaleko urtarrileko osoko bilkuran, galdera erantzunen txandan sei herritarrek hartu zuten hitza, eta Covid pasaporteak eragindako diskriminazioa eta beren bizipenak azaldu zituzten; tartean, pasaporterik gabe kiroldegira sartzeagatik atxilotuta bukatu zuen... [+]


2022-01-24 | Garazi Zabaleta
Lurre Hurre
Migratzaileak nekazaritzan trebatzeko proiektua Bermeon

Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]


2022-01-11 | Joseph Andras
Pase poliziakoa: ezkerraren amore emate bat

Joseph Andras (Le Havre, Frantzia, 1984) idazlea da. 2016an lehen eleberriagatik "Goncourt" sari famatua eman zioten, baina berak uko egin zion epaimahaiari esanda “lehia, konkurrentzia eta norgehiagoka arrotzak zaizkiela idazketari eta sorkuntzari”... [+]


Eguneraketa berriak daude