Tximino-baztanga zabaltzen ari dela-eta osasun larrialdia ezarri du OMEk

  • Covid-19arekin jazotakoa errepikatzea saihestu nahi duela argudiatuta ezarri da larrialdi egoera. Estigma eta diskriminazioa edozein birus bezain arriskutsua izan daitezkeela gaineratu du Osasunaren Mundu Erakundeko zuzendariak.

Infektatutako zelula baten barruan (marroia) dauden tximinoaren baztanga-partikulen (urdinxka) koloreztatutako argazkia. Argazkia: NIAID, Flickr.

2022ko uztailaren 26an - 10:08

Tximino-baztanga birusaren egoera “nazioarteko garrantzia duen osasun publikoko larrialdia” dela adierazi du erakundeak. Uztailaren 23an eman du prentsaurrekoa OMEko zuzendari Tedros Adhanom Ghebreyesus-ek egoeraren inguruan informatzeko. Gaixotasuna munduan zehar azkar zabaltzen ari dela nabarmendu du.

OMEk ezarritako larrialdi-egoera bi urtetan eman duten bigarrena da eta adierazi du birusak mundu mailan duen arriskua erdi-mailakoa dela, Europan izan ezik: bertan arriskua altutzat jo dute. OMEren arabera, “larrialdia ezarri ezean eta gaixotasunari aurre azkar egiten ez badiogu, berriro ere Covid-19aren aurka egindako guduan egindako akats berberak egiteko arriskua dago”.

Kutsatuak

Ghebreyesus-ek prentsaurrekoan adierazi duenez, kutsatutako pertsonen gehiengoa gizonezkoekin sexu harremanak dituzten gizonezkoak dira. Horregatik, azpimarratu du, beharrezko ikusten du pertsona talde horri herrialdeek informazio eta zerbitzu eraginkorrak ematea eta hauen osasuna, duintasuna eta giza eskubideak babesteko neurriak hartzea. “Estigma eta diskriminazioa edozein birus bezain arriskutsuak izan daitezke” dio OMEko zuzendariak eta erakundeei deia egin die, HIESa duten pertsonekin esperientzia dutenak barne, haiekin elkarlanean aritzeko estigma eta diskriminazio horri aurre egiteko.


Kanal honetatik interesatuko zaizu: Osasunaren Munduko Erakundea
2023-07-17 | Ilargi Manzanares
Aspartamo edulkoratzailea “balizko kantzerigeno” gisa izendatu du OMEk

Aspartamo edulkoratzaile artifiziala minbizia eragin ditzakeen substantzien artean jarri du Osasunaren Munduko Erakundeak, nahiz eta aldi berean “kontsumoa, neurrian, segurua” dela esan.


2023-03-27 | ARGIA
Superbakterioei aurre egin ahal izateko, kutsadura murriztu beharra dago

Nazio Batuen Ingurumen Programak (UNEP, ingelesezko sigletan) berrikitan plazaratutako txosten batek dioenez, superbakterioen agertze, kutsatze eta hedatzeari hesia jarri ahal izateko derrigorrezkoa da murriztea farma-industriak, laborantza industrialak eta osasungintzak sortzen... [+]


2022-01-21 | Leire Artola Arin
Suizidioa bigarren heriotza kausa da 10 eta 24 urteko adin-tartean

Munduan 40 segunduero pertsona batek bere buruaz beste egiten du, eta suizidio bakoitzeko beste 20 saiakera daude, OMEren arabera. Arrisku faktoretzat dute umetan indarkeria edota sexu erasoak jasan izana, besteak beste. Prebentzio-planak egitea da gakoa, osasun publikoko arazoa... [+]


Malariaren aurkako txertoa: nola eragingo du urtero 240.000 haur hiltzen dituen gaixotasunaren kontrako borrokan?

Osasunaren Munduko Erakundeak malariaren kontrako lehen txertoari baimena eman dio asteazken honetan.  Haurren osasunerako pauso oso garrantzitsutzat jo dute munduko aditu eta erakunde askotako ordezkariek.


Kolonbian atzeman den koronabirusaren 'Mu' aldaera ikertzen ari da OME

B.1.621 izenekoa txertoekiko erresistentea den aldaera izan daiteke. Baina ikerketa gehiago egin behar dira hori baieztatzeko. Guztira, 1.500 aldaera ezberdin aztertzen ari da Osasunaren Munduko Erakundea (OME).


Eguneraketa berriak daude