15-49 urte bitarteko emakumeen %27ak bikotekidearen indarkeria jasan izan du
Munduko Osasun Erakundeak egindako ikerketa batek 161 estatu eta eskualdeetako datuak jaso ditu. 15-19 urte arteko nerabeen %24 bizitzan noizbait bikotekidearengandik indarkeria jasan duela jaso dute, eta %28 30-39 urte arteko emakumeek. Daturik okerrenak errenta maila baxuko edo ertain-baxuko guneetan jaso dira.
aurre egingo dieten hedabide independenteak
Munduko Osasun Erakundeak (WHO) Violence Against Women Prevalence Estimates txostena argitaratu du, 2000 eta 2018 urteen artean egindakoa munduko 161 estatu eta eskualdeetan. Inkesta eta azterketen “prebalentzia-datuen analisi batean” oinarritu dira, emakumeen aurkako bi indarkeria motari buruzko informazioa emateko: bikotekidearen –ezkontzaren, bizikidetzaren edo beste edozein batasun formal edo informalen testuingurua– partetik emakumeen aurkako indarkeria eta bikotekideak ez direnen partetik emakumeen aurkako indarkeria.
Bikotekidearen indarkeriari dagokionez 15-49 urte bitarteko pertsonetan, mundu mailan inkestatutakoen %27ak bere bizitzan noizbait jasan du indarkeria, eta azken hamabi hilabeteetan %13ak. 30-39 urte arteko emakumeen bizitzan noizbait bikotekidearengandik indarkeria jasan dutenak %28a da, WHOk jasotako grafikoaren arabera. Portzentai altuenak jaso dituzte Afrikan (%33), Asiako ekialdean (%33) eta Mediterraneoko ekialdean (%31). Bikotekidea ez den norbaitengandik jasotako indarkeriari dagokionez, inkestatutakoen %6ak jaso du bizitzan noizbait indarkeria. Portzentai handienak dituzte Amerikan (%11) eta errenta handiko herrialde eta eremuetan (%10).
Ozeaniak eta Saharaz hegoaldeko erdialdeko Afrikak, emakume nerabeen aurkako indarkeria daturik okerrenak
The Lancet Child & Adolescent Health aldizkariak egindako argitalpen batek emakume nerabeek jasotzen duten indarkeriari buruzko datuak bildu ditu. 15-19 urte arteko nerabeen %24ak bere bizitzan noizbait indarkeria jasan du bikotekidearengandik, eta %16ak azken hamabi hilabeteetan. Datuak estatu eta eskualdearen arabera ezberdinak direla aipatzen dute, eta jaso dute emakume nerabeen aurkako indarkeriaren portzentaia handiagoa izan zela errenta baxuko eta ertain-baxuko estatu eta eskualdeetan errenta altukoetan baino. Georgia eta Papua Ginea Berriaren adibideak eman dituzte. Georgian noizbait bikotekidearen indarkeria jaso dutenak %3a da, eta %49a Papua Ginea Berrian. Emakume nerabeentzat eremurik arriskutsuenak Ozeania (%47) eta Saharaz hegoaldeko erdialdeko Afrika ( %40) direla jaso du eldiario.es komunikabideak, eta seguruenak erdialdeko Europa (%10) eta erdialdeko Asia (%11). “Bigarren hezkuntzako emakumeen matrikulazio-tasa handienak dituzten herrialdeek eta genero-berdintasunik handiena duten oinordetza-legeak dituztenek, bikotekidearen partetik emakumeen aurka indarkeria txikiagoa dago”, jaso dute aldizkariaren webgunean.
Egoera hobetzeko proposamenak jaso ditu aldizkariak, eta azpimarratu dute sexuen arteko berdintasuna areagotu eta bermatuko duten “politikak eta programak sustatzeko eta bermatzeko beharra”. Hori dela eta, jasotzen du estatuek arlo zehatz batzuetan ahaleginak egin beharko lituzketela: emakume guztiei bigarren mailako hezkuntza ematea, emakumeentzako jabetza-eskubideen berdintasuna bermatzea, genero-arloko arau diskriminatzaileak ezabatzea, eta haur-ezkontza bezalako praktika kaltegarriak alde batera uztea.
Erran egin nion umetan sexu abusu bat jasanarazi zidanari: hala egin zidala. Bazekien, sinetsi zidan, eta errespetatu du harekiko behar dudan urruntzea. Zortea izan nuela uste dut; denok ez daukagula bera. Prozesu inperfektu haren kontakizun ez-fikziozko bat da hau.
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]