AEBek Osasunaren Mundu Erakundea uzteko prozedura abiatu du Trumpek
Amerikako Estatu Batuak ez dira Osasunaren Mundu Erakundeko kide izango urtebete barru, astearte honetan erakundearekin “erabateko haustura” iragarri duen prozedura burutzen bada.
AEB Osasunaren Mundu Erakundetik (OME) kentzeko prozesua aktibatu du Etxe Zuriak astearte honetan, eta urtebete barru gauzatzea aurreikusten da. "AEBen erretiratze-abisua, 2021eko uztailaren 6an gauzatuko dena, NBEko idazkari nagusiari bidali zaio jada, OMEren gordailuzainari", esan dio Etxe Zuriko funtzionario batek EFE agentziari, anonimotasuna eskatuz.
Iturriak ez du erretiratzeko prozedurari buruzko xehetasun gehiago eman, baina Donald Trump presidenteak maiatzaren amaieran iragarri zuen nazioarteko erakunde horrekin "hausteko" erabakia hartu zuela, eta funtsak "osasun publikoko beste zenbait premiatara" bideratuko zituela.
Antonio Guterres NBEko idazkari nagusiaren bozeramaileak ohar batean baieztatu duenez, astelehenean jaso zuen jakinarazpena, eta orain "OMErekin erretiratzeko baldintza guztiak betetzen diren egiaztatzeko prozesuan" ari da.
1948an OMErekin bat egin zuenean, Ameriketako Estatu Batuek "zenbait baldintza" ezarri zituzten handik erretiratzeko, besteak beste, urtebeteko aurretiazko jakinarazpena eta "bere finantza-betebeharrak guztiz betetzea", azaldu du Stéphane Dujarric Guterresen bozeramaileak. Neurria urtebete barru indarrean jartzeak, gainera, AEBen erretiratzea bertan behera geldi daitekeela esan nahi du, baldin eta Trumpek azaroko hauteskundeak galduko balitu eta ondorengoak hala erabakitzen badu.
"Orain egiten dena bertan behera gera daiteke datorren urtean, ez baita behin betikoa izango", esan dio NBEko diplomaziako kide batek CNN telebista kateari.
“Txinaren alde”
Apirilean, Trumpek aldi baterako izoztu zituen AEBek OMErentzat bideratzen dituzten funtsak, erakunde horri Txinaren alde lerratuta" egotea eta COVID-19aren osasun larrialdia “gaizki kudeatu izana” leporatu baitzion. Ordura arte, AEBak ziren OMEren emailerik handienak, eta urtean 400 eta 500 milioi dolar artean bideratzen ziren bertara, erakundearen aurrekontu osoaren %15, gutxi gorabehera.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]