OMEko osasun larrialdietako buru Mike Ryanen hitzetan, baliteke koronabirusa “inoiz ez joatea” eta endemiko bihurtzea. Birusaren amaieraren datak aurreikustea zaila dela adierazi du, eta txertoa aurkituz gero ere gaixotasunak biziraun egin dezakeela.
Ziurgabetasuna helarazi dute Ryanen hitzek, izan ere birusaren eboluzioa aurreikustea ezinezkoa dela adierazi du. Duela bost hilabete agertu ziren lehen gaixoak Txinan, eta munduko zenbait gobernuk ikerketak jarri dituzte martxan pandemia noiz bukatuko den jakiteko.
Baina hori jakitea ezinezkoa dela esan du, izan ere, ikerketa horietan ikusi daitekeen bezala, kutsatu tasa “baxu samarra” da. Gainera, ehuneko horren barruan daude birusa oharkabean pasatu dutenak ere bai; asintomatikoki edo sintoma oso arinekin pasatu arren antigorputzen sorrerak birusa izan dutela adierazten dutenak.
Gehitu du ehun txerto posibletik gora landu dituztela mundu osoko laborategietan, baina horrek ez duela zertan birusaren amaiera adierazi nahi. Txertoa duten gaixotasun asko oraindik bizirik daudela adierazi du, elgorria kasu.
Mugak gurutzatzeaz
Europa erdialdeko zenbait herrialdek aurki irekiko dituzte beren mugak, gizartearen berrogeialdia gainditzerakoan. Ryanen ustetan, mugak zabaltzeak ez du aldaketa handirik ekarriko, bi herrialdeak pandemiaren etapa berdinean badaude. “Lurreko muga gurutzatzeak ez dakar arrisku handiegia. Arriskuak eta neurriak antzerakoak badira, bidaiari eta turisten joan etorriak ez du asko aldatuko egoera”.
Aireko garraioari dagokionez ardura azaldu du, eta horiek kudeatzeko esfortzu handiagoak beharko dituzte estatuek. Izan ere, erabaki beharko dute zein herrialdetara bidaiatu ahalko duten, eta ze prozedura jarri beharko duten martxan helmugara iritsi aurretik eta gero.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.