Txiletik kanporatu duten Iban Gartziaren bizipenak bideo batean

Sara Arruabarrena Azkarate @s8ara
2016ko abuztuaren 03a

Maputxe herria edo bere hizkuntzan Wallmapu eremuko proiektu batean parte hartzera joan zen Iban Gartzia Txilera, “herri maputxearekin harremanetan jarri eta esperientziak elkarbanatzera”. Antxeta irratiaren bidez Radio comunitaria Kimche Mapu-n ibili da boluntario gisa lanean, esaterako.

“Herri maputxearen errealitatea nire begiekin ezagutzea”, “gaur egun bizi duten egoera ondo ikustea” eta “Estatuarengandik jasaten duten errepresioa zein den” ezagutzea ziren Gartzia Txilera eraman zuten helburuak, irundarrak berak bideoan azaldu duenez.

Valdiviara eta Temucora bidaiatu zuen eta azken hiri honetan egin zuen topo FEMAE-rekin (Federación Mapuche de estudiantes). Erakunde horrek antolatzen dituen maputxera ikastaro batean atxilotu zuten. Hasieratik identifikatu ez ziren hiru poliziak azaldu zioten kanporatze agindua zegoela bere aurka eta Santiagora eraman behar zutela. Salatu du polizia batek azaldutako hainbat aurrekari penal preskribaturik zegoela eta informazioa ez zela zuzena.

Tentsio uneak gora-behera Txileko hiriburuan egon zen atxiloturik Gartzia egun batez. Azaldu du ez zela inkomunikaturik egon eta gertukoenei egoeraren berri emateko aukera izan zuela. Kideek itzulera oztopatzeko jarritako helegiteak helegite, Txileko Estatuko bi poliziarekin itzuli zen Gartzia Espainiako Estatura hurrengo egunean. “Anaia maputxe batek oparitutako trariloncoa” eraman zuen Gartziak bidaia guztian zehar, jendeak bere atxiloketaren arrazoien berri izan zezan.

Beste bideo batean maputxeen borrokari buruz aritu da Gartzia:

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Internazionalismoa kanaletik interesatuko zaizu...
2019-01-16 | ARGIA
Kuban egingo den "Paradigma askatzaileak" jardunaldietan Euskal Herriko delegazioa izango da

“Paradigma askatzaileak” nazioarteko jardunaldien XIII. edizioa urtarrilaren 22tik 25era izango da La Habanan. Bertara joango dira Euskal Herritik hainbat eragile: Joxemi Zumalabe Fundazioa, Bizilur Elkartea, IPES, Ipar Hegoa Fundazioa eta Emagin. Beraiek azaldu dutenez, "hausnarketarako, sakontzeko eta artikulaziorako gunea da, konpromiso sozial eta politikoa duten guztiona". Udazkenean Topaketa Internazionalistak antolatuko dituztela jakinarazi dute.


2019-01-13 | Axier Lopez
Artea Herriko Benta
Mugalarien Artea

Erroldak dio 750 lagun bizi direla Bizkaiko Artean, Arratiako paisaia berdez eta erro zaharreko baserri eta dorretxez inguratua. Plaza txikia bezain bizia du. Txoko batean, Mauriziaren irudiaren aurrean, kontu kontari ari dira herriko zaharrenak. Alboko dendan, Xsaqarik diotso arropa konpontzen diharduen emakumeak nebari. Aurrean dute haur aljeriarra, lagun georgiarra txirristatik noiz jaitsiko. Eta tabernan, kide amazigak egindako ogia pasa dio zerbitzari perutarrak sukaldari mexikarrari,... [+]


Saharatik kanporatutako bi kideei harrera beroa egin diete Bilboko autobus geltokian

Saharar komunitateak harrera beroa egin die Irati Tobar eta Patricia Ibañez ekintzaileei Bilboko autobus geltokian. Joan den urtarrilaren 1ean, Aaiun hirian zirela, Marokoko poliziak kanporatu egin zituen.


2018-12-27 | ARGIA
Pelix Sarasola sukaldari hil berriari azken agur hunkigarria egin diote Habanan

Abenduaren 16an 72 urterekin hil zen Usurbilen (Gipuzkoa) Pelix Sarasola sukaldari eta euskal kulturzale ezaguna. Sorterrian egin zaizkion azken agurrez gain, oroimenezko ekitaldi hunkigarria eskaini diote Habanan bai bertan diren euskaldunek eta bai Pelixen bitartekaritzarekin Euskal Herriarekin harremana estutu duten kubatarrek.


2018-12-26 | Erran .eus
Etxez etxeko zaintzaileen lana balioetsi dute Goizuetan, Nazioarteko Egunean

Larunbatean, abenduaren 22an, ospatu zuten Nazioarteko Eguna Goizuetan. Ekitaldi berezia bezain gogoangarria izan zen eta jende asko hurbildu zen Nikaragua, Honduras eta Brasil herrialdeetara gerturatzeko antolatutako ospakizunera.


"Kapitalaren zerbitzura ikusi nahi gaituzte, baina burujabeak gara ez dugulako Estatuarekiko dependentziarik"
MULTIMEDIA - elkarrizketa

Guatemalako Maya- Kaqchikel komunitateko Aura Cumes Gizarte Antropologian doktorea, genero eta Feminismo ikasketetan diplomatua eta Gizarte Zientzietan irakaslea da. Arrazakeriaren eta sexismoaren aurkako borrokan aritu da gehien bat.


2018-12-07 | Garabide
arNASA txiKITXUAK: Andeetako bi hizkuntzari eutsi guran
MULTIMEDIA - dokumentala

Garabidek laguntzen dituen bi hizkuntza biziberritze proiektu dokumentatu ditu ikus-entzunezko honek, Kolonbiako Nasa herriarena eta Ekuadorreko Kitxuarena. Mondragon Unibertsitateko HUHEZI fakultateko 2015-2016 ikasturteko hiru ikasleren gradu bukaerako lanaren emaitza da. Egileak: Sara Mijangos, Nagore Olmos eta Igone Cerio.


2018-11-16 | Hala Bedi
Euskaraldiaren testuingurua baliatuko dute Gasteizko hainbat eragilek euskal hiztunen zapalkuntza, desioak eta aldarriak aztertzeko

Zizta Euskara Taldeak, Askapenak, Gasteizko Ernaik, Olarizuko Gazte Asanbladak, Judimendiko Gazte Asanbladak eta Trikuharri Gazte Asanbladak dozena bat hitzaldi, eztabaida, mahainguru eta kontzertu antolatu dituzte azaroaren 21etik abenduaren 1era Gasteizko hainbat gunetan.


Urriak 12: atzo, gaur eta beti espainiar inperialismoaren aurrean, herriok erresistentzia!

Venezuelako Bolibartar Errepublikako gizonezkoen futbol selekzioa dugu gaur Euskal Herrian. Hispanitatearen eguna da batzuentzat, arrazakeria, inperialismoa eta genoziodioa goratzeko eguna; euskaldunontzat, berriz, jai egun arrotza izan da beti: herri eskolak antolatu izan ditugu, indar polizial okupatzaileen kanporatzea eskatu... eta aldi berean, internazionalista gisa, Abya Yalaz gogoratzeko eguna ere izan da.


Eguneraketa berriak daude