ARGIA.eus

2020ko apirilaren 09a

Txileko eztanda soziala laburbiltzen duen dokumentala egin dute hiru euskal ikaslek: "Sobrevivir"

  • Txilen gertaturiko eztanda sozialak harrapatu zituen Erasmus bekarekin 6 hilabeteko egonaldia burutzen ari ziren Maddi Egizabal Rikondo, Karla Goikoetxea Valderrama eta Ane Irurtia de Celis, Mondragon Unibertsitateko HUHEZI fakultateko ikasleak. Hirukoteak tentsioz beteriko egun haien kronika biltzen duen dokumentala ekoitzi du.

Xuban Zubiria @xubanzubiria
2020ko martxoaren 25a
Hiru egileak, Txileko protesten erdian.

Lehen egunetako protesta eta istilu gogorren erdian etxean egotea tokatu bazitzaien ere, bertako naiz nazioarteko komunikabideak gatazkaren aurrean ematen ari ziren informazioa eta eurek ikusten zutena ez zirela berdinak ikusi ostean erabaki zuten kalera atera eta dokumentala egitea. “Egoera gogor hartan, Txileko herriarengandik lehen minututik jasotako eskuzabaltasunaren trukean zerbait egin behar genuela sentitzen genuen”, azaldu zuen Maddi Egizabalek Usurbilgo Sutegi aretoan buruturiko dokumentalaren aurkezpenean.

Pasa den urriaren 18an Santiagoko metroan ikasleek garraio kostuengatik hasitako protesta, denbora gutxiren buruan bi hilabete iraungo zuen oldarraldi sozial batean bilakatu zen. Maddi, Karla eta Ane Txileko gizartearen haserrealdi orokortua islatzen saiatu dira “Sobrevivir” dokumentalean.

Txileko gizarteak pairatzen duen itolarri ekonomiko zein sozialaren irudi argia da dokumentala. Ordu eta erdi irauten duen dokumentalean norbanako zein eragile desberdinetan dihardutenen testigantzak jaso dituzte. Protestetan aldarri izandako zenbait gai jorratzen dira bertan (osasun eta hezkuntza sistema publiko baten aldeko borroka, emakumeen aurkako biolentzia matxistaren aurkako mobilizazioak, estatuko indarren errepresioa eta torturaren praktika...).

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Txile

Txile kanaletik interesatuko zaizu...
Azkenak
EGILEA
Argia buletina
Egunaren laburpena
zure e-postan
Eguneraketa berriak daude