Tentsio uneak egon dira Frantziako Justizia ministroaren bisitaren kari Baionan
Baionako auzitegian egon da ostiral goizean Eric Dupont-Moretti Frantziako Justizia ministroa. Apirila bukaeraz geroztik gobernuko kargudunen parean elkartzen dira herritarrak, lapikoak eskuetan. Berrogeita hamar bat lagun elkartu dira Baionan, baina ez dute lortu ministroarengana hurbiltzea, Poliziak bidea mozturik.
Baionako auzitegian egon da Frantziako Justizia ministro Eric Dupont-Moretti ostiral goizean, bertan abiatuko dituzten obren lehen harria pausatzeko. Eraikina handitu eta bertan batuko dituzte Auzitegi Judiziala, Lan Auzitegia eta Merkataritza Auzitegia.
Bisitaren berri ukan bezain laster zabaldu zen lapikoak eskuan bertaratzeko deia. Hain zuzen, apirila bukaeraz geroztik, lapikoekin harrabotsa egin eta kexua adieraztea da herritarren mobilizazio arrakastatsuena. Gobernuaren ordezkarien bisita oro elkartzen da jendea, edozein dela karguduna eta edozein dela bere bisita lekua. Baionan ere berdina egin dute maiatzaren 12 honetan. Herritarren desadostasuna eta haserrea parean dituela, "giroa lasaitzeko eta ekintzak bideratzeko ehun egun" abiatu zituen apirila hondarrean Emmanuel Macronek. Orduz geroztik, giroa ez doa baretuz eta lapiko kontzertuak errepikatuz doaz.
Poliziaren hesia kausitu dute goizean goiz bertaraturikoek, eta ezin izan dute ministroarengana hurbildu. LABeko militanteek hesia zeharkatu ahal izan dute, baina laster harrapatu ditu Poliziak. Sindikatu "borrokalaria" izanik, poliziaren "jazarpenari" aurre egin beharra deitoratu du sindikatuak sare sozialen bidez.
Gatazka politikoan duen "ardura"
Euskal Herriak bizi duen gatazka politikoaren konponbidean duen "ardura" oroitarazi dio EH Bai ezkerreko koalizio abertzaleak. Ondokoa diote zabalduriko agirian: "Frantziako Estatua presondegi politika krudelean tematu izanak eta elkarrizketa deiei uko egin izanak eraman zituen Ipar Euskal Herriko eragile politiko eta sozialak, ezinbestean, desobedientziaren hautua egitera. Hautetsien eta herritarren mobilizazio indartsuari esker erdietsi zen Ion Parot eta Jakes Esnalen askatasuna. Borroka armatuaren bukaeratik hamarkada batera eta ETA erakundearen armagabetze eta desagerpenetik bost urte baino gehiagora, badira salbuespen neurriak pairatzen segitzen duten militante politikoak: besteak bete, DPS estatutuaren irizpideen araberako zigorren aplikazioak eta FIJAIT fitxategi antiterroristaren sartuak izateagatik preso ohiei ezarritako neurriak. Behar den aldi guziz errepikatuko dugu, bake justu eta iraunkorraren eraikuntzak Frantziako Estatuaren jarrera aldaketa bat eskatzen duela".
Hemen EH Baiko koordinatzaile Nikolas Blainen adierazpenak, goizeko elkarretaratzetik:
Gaur egingo diote autopsia gorpuari. Atxilotutako 37 urteko gizona espetxean mantenduko dute epaiketara arte. Prestatutako hilketa matxista izan dela frogatzen bada, biziarteko kartzela zigorra kontenplatzen du Frantziako legediak. Mobilizazioak egingo dituzte egunotan Euskal... [+]
Lehentze franko ditu Pagolako maskaradak: lehentze da Pagola herriak maskaradak ematen dituela; lehentze ere da Kabana pertsonaia neska batek jokatzen duela; lehentze ere da maskaradako txirulariak oro neskak izan direla, Urdiñarbeko barrikaden denboran; lehentze da... [+]
Cimade elkarteak emandako datuen arabera, %55a aske geratu bazen ere, 2023an 351 pertsona atxilotu zituzten paperik gabekoak atxikitzeko zentroan. Gehienak Aljeria, Maroko eta Tunisiako jatorria zuten.
Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]
Ostegun arratsalde honetan Mirande, film bat egiteko zirriborroa dokumentala ikusgai izango dute Ziburun, Baltsan elkartean 18:30etan. Josu Martinez zuzendaria ere bertan izango da solaserako. Ziburuko Azokaldiaren egitarauaren barnean, aurten lehenbiziz kultur ekitaldiak egingo... [+]