Taldekideak irain homofoboa jaso ostean, joko-zelaia utzi du San Diego futbol talde osoak

  • Partidua irabazten ari zen San Diego Loyal futbol talde estatubatuarra, baina homosexuala dela publikoki esana duen jokalarietako batek aurkariarengandik irain homofoboa jaso eta azkar hartu zuen erabakia San Diegoko entrenatzaileak: zelaia berehala uzteko agindu zien bere jokalariei. “Hau futbola baino handiagoa da”, adierazi du klubak.


2020ko urriaren 02an - 14:00

3-1 irabazten ari zitzaion San Diego taldea Phoenix Rising klubari, Collin Martin jokalariak irain homofoboa jaso zuenean. Zelaira atera zen bere entrenatzailea, eta arbitroak txartel gorria atera zion horregatik, baina ez zuen atzera egin: jokalariak aldageletara bidali zituen, eta taldekidearekiko elkartasunez, hala egin zuten San Diegoko futbolariek.

“Tira, futbolaren gauzak”

Arbitroarekin eta aurkarien entrenatzailearekin hitz egin zuen entrenatzaileak, erabakiaren zergatia azaltzeko. “Tira, futbolaren gauzak”, erantzun zion aurkarien entrenatzaileak, gertatutakoari garrantzia kenduz (bideo honetan entzun daiteke elkarrizketa). Baina garbi du klubak: “Hau futbola baino handiagoa da. Gure komunitatearekiko leialak gara, jokalariekiko leialak, zuzena denarekiko leialak”.

Jarrera onartezinen aurrean, planto

Jende askok txalotu du enpatia ariketa sare sozialetan. Azken finean, futbolean matxismo, arrazakeria, eta homofobia adibideak ugariak dira, eta halako jarrerak mozteko beharra aldarrikatzen dute gero eta ahots gehiagok. Jarrera horiek toleratzen dituzten klubei isun gogorrak ezartzea defendatzen du hainbatek, baina jarrera horiekiko mespretxuz planto egitea eta halakorik ez dutela onartuko garbi adieraztea ere eskatzen zaie jokalari eta klubei, eta hori da San Diegok egin duena.

 


Kanal honetatik interesatuko zaizu: Homofobia
Bi eraso homofobo salatu dituzte Gipuzkoan

Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.


Bi homofobok sudurra apurtu diote Asierri Bilbon: "Kikilduta nahi gaituzte, erantzun egin behar zaie"

Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]


2023-07-26 | Ilargi Manzanares
Elantxoben eta Bilbon eraso LGTBfoboak salatu dituzte

Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.


Urruntze agindua ezarri diote Villabonako eraso homofoboaren harira epaitutako bati

Asteartean deklaratu dute joan den asteko eraso homofoboarekin lotutako ustezko erasotzaileek eta biktimek. Ekainaren 21ean izango da hurrengo saioa.


Bikote homosexual batek eraso homofobo eta arrazista jasan duela salatu du Villabonan

Gazte talde batek jipoitu eta irain homofobo zein arrazistak egin zizkietela salatu dute biktimek, larunbat gauean taberna batetik ateratzean Villabonan (Gipuzkoa). Lakuako Segurtasun Saila gertatutakoa ikertzen ari da.


Eguneraketa berriak daude