2014an datozen hauteskundeez baina bereziki Seaskaz mintzatu zen larunbatean, Le Journal du Pays Basque egunkarian. Frantziako Estatuan elebitasunak eta murgiltze ereduak, bakoitzak bere tokia beharko luketela uste du Ipar Euskal Herriko diputatu sozialistak, eta atzean utzi beharko liratekeela egungo egoera, murgiltze ereduan oinarritzen diren eskolak bizi daitezen. Alauxek dioenez, ikastolak garatzeko, ezinbestekoa da sortzea, berritzea eta asmatzea, Falloux legean estuki loturik jarraitu gabe. “Falloux legeak ez du mende eta erdiz gailentzen jarraituko. Gure eskakizuna ez da eskola konfesionaletatik sortu, eskola erabat laikoetatik baizik, eta beste zerbait asmatu beharko da”.
Zer analisi egiten duzu ikastolarekiko iritzi aldaketaz? Angelun ez da halako arazorik izan.
Arradikalizazioa aipatuko nuke nik. Urteetan egiten utzi da. Hainbat urtez Estatuak ezikusiarena egin du, eta ospatu egin dugu. Gaur egun itxikieria dagoela iruditzen zait, beharbada irakaskuntzaren erreformaren ondorioz, hizkuntza erregionalen aldeko engaiamendua kontuan hartu zelako. Egia da, elebitasunaz mintzo garelarik, zoriontzekoa dugula lorpena. Baina ez dezagun ahantz murgiltze ereduan 10.000 haur ditugula Frantzian. Eta gauzak horrela, ezin dugu ezikusiarena egin, existituko ez balira bezala jokatu. Ez dakit zeintzuk izango diren etorkizunean errealitate hori kontuan hartuko duten erabakiak. Horregatik diot: “berrikuntza, sorkuntza, asmamena behar dugu!”.
Zerbitzu publikoan integratuz, adibidez?
Integratzea edo indargabetze arauak asmatzea izan liteke irtenbidea. Poztuko nintzateke biharko egunean gurasoek hizkuntza erregionala bai elebitasunean bai murgiltze ereduan hautatzeko aukera izango balute. Eta ez dut uste horrek zerbitzu publikoa suntsituko lukeenik. Lehen ikusi nahi ez genuen errealitate bat dugu gaur.
(...)
Niri dagokidan ardura betetzen ari naiz, eta zera diot: “Nahi ala ez, errealitate hori existitzen da, hor da eta ezikusiarena egitea suizidioa da. Murgiltze eredua ikasketa modu bat da eta ez da sekula existituko eskola publikoetan, Frantziako eskola publikoetan frantsesa egiten delako. Berrikuntza behar da, beraz.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.