Sutea itzaltzen saiatu da Darpon: “Azterketaren bat errepikatu behar bada, errepikatuko da”
Jon Darpon Eusko Jaurlaritzko Osasun sailburua elkarrizketatu dute asteazken goizean Radio Euskadin. Osakidetzako oposizioetako filtrazioen kasua lehertu zenetik lehenbiziko aldiz, sailburuak onartu du “beharrezkoa baldin bada” azterketa batzuk errepikatu egingo direla.
Darponek gogora ekarri du oposizioaren tamaina, azterketak egiten ari diren pertsona-kopurua azpimarratuz. Lanpostu publikoa lortu nahi duen jende kopurua handia izan arren, oposizioa “berme guztiekin” antolatzen saiatu direla esan du, baina “problemak sor daitezkeela”.
Momentu honetan lau espezialitatetako tribunalak paralizatu dituela esplikatu du, ikerketa martxan dagoela irregulartasuna ikertzeko eta gainera, azterketa guztien emaitzak aztertuko dituela “profesional independente batek” –Oviedoko (Asturias) Unibertsitateko talde bat ari da lan horretaz arduratzen–.
Ireki diren espedienteetan irregulartasunik antzemango balitz edo ikerketa estatistikoak beste espediente batzuk zabaltzea eskatuko balu, egin egingo dutela ere baieztatu du Darponek. “Gure esku dauden neurri guztiak hartuko ditugu: azterketaren bat errepikatu behar bada, errepikatuko da; lan-araudiaren arabera norbaiten aurkako diziplina neurriak hartu behar badira, hartuko dira; eta delituren bat izan dela antzematen bada, fiskaltzaren esku jarriko da”.
Orain arte oposizioetako iruzurrari buruz egin dituen adierazpenekin alderatuta, mezua aldatu du Darponek. Sindikatuek filtrazioak salatu ostean, problema ukatzea izan zen sailburuaren lehenbiziko erreakzioa: “Norbaitek irregulartasunen frogaren bat baldin badu, jar dezala mahai gainean, izen eta abizenekin”, esan zuen ekainaren hasieran.
Bestelakoa izan da asteazken honetako jarrera: “Lau espediente zabalik egotea guretzat oso eragozpen inportantea da”, esan du, besteak beste.
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.
Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.
Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.
Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".
3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]
LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.
Osakidetzako 2018ko oposizioetan atzeman dituzten irregulartasunen sokari tiraka, azterketara aurkeztu ziren beste 30 mediku eta epaimahaikide jardun zuten bi bokal inputatzeko eskatu du ESK sindikatuak. Hainbat froga aurkeztu dituzte eta leporatu diete erantzunak aurrez eskatu... [+]
Anestesista espezialitaterako lan eskaintza publikoan azterketen filtrazioengatik “onurak” jaso zituztela, susmoa du sindikatuak. Datozen egunetan 24 lagunek epaitegietan beren lekukotza emango dute Osakidetzako 2016-2017ko lan eskaintza publikoan jazotako iruzur... [+]
Irailaren 1etik 7ra 16 lagun epaile aurretik igaroko dira lekuko gisa, 2018ko Osakidetzako oposizioetan izandako ustezko irregulartasunak ikertzeko abiaturiko auziaren barruan.
Epaileak ikerketapean zegoen Neurokirurgia arloko presidentea inputatu du, eta hogeita lau lekuko deklaratzera deitu.
Ituarte EAJ alderdiarekin Santurtziko alkate izatera iritsi zen. Ondoren, Osakidetzan aritu zen lanean, arduradun ekonomiko bezala. Bere anaiak 2018ko oposaketan, anestesia arloan, azterketa praktiko perfektua egin zuen 100 puntu lortuz. 2019ko urtarrilan, Osakidetzako bere... [+]
Aurtengo martxoan dimititu zuen Jon Darpon Eusko Jaurlaritzako Osasun sailburuak, Osakidetzako oposizioetan detektatutako irregulartasunak medio. Ondoren, enpresa pribatura pasa zen. Orain, Darpon "fitxatu" zuen enpresak eta haren ingurukoek jasotako diru publikoa... [+]
Gasteizko Santiago ospitalean, 2016tik “gastuen bikoizketa” egon dela jakinarazi du sindikatuak, ikerketa batean oinarrituta.
Marta Machok, Osakidetzako oposizioen iruzurra salatu zuenetariko batek, jakinarazi du formula berriak zaharrak baino kontrol gehiago eman diezaiekeela zerbitzu-buruei.