Suhiltzaileen lan eskaintzako "hanka sartzeak" onartzeko eta zuzentzeko exijitu dute Legebiltzarrean

  • Araba eta Gipuzkoako suhiltzaileen LEPean "irregulartasunak" salatu dituzte suhiltzaileek, eta langileekin "ezer hitz egin gabe" jokatzea. Orain lanean ari diren suhiltzaileen %75 kanpoan geldituko direla adierazi dute. Ostegunean Eusko Jaurlaritzaren aurrean protesta egin dute "hanka sartzeak" konpontzeko eta probak Arkautiko Polizia Akademiaren esku uztea galarazteko.

Ostegunean Gasteizen protesta egin dute suhiltzaileek LEPeko "irregulartasunak" salatzeko. / Argazkia: Opositoreak Sutan

2022ko abenduaren 23an - 09:15

Arabako eta Gipuzkoako suhiltzaileen azken LEP lan eskaintzak protestak eragin ditu Arkautiko Polizia Akademiak kudeatu dituelako eta azterketak “irregulartasunez betea” egon delako, suhiltzaileek azarotik hona salatu dutenez. Asteazkenean Legebiltzarrean izan dira profesionalak eta sindikatuetako ordezkariak, Erakunde, Gobernantza Publiko eta Segurtasun Batzordean, LEPean egindako “hanka sartzeak” onartzeko eta zuzentzeko eskatzeko.

Azterketa ez zela bidezkoa izan kritikatu dute suhiltzaileek, azaroaren 26an egin zenetik. Besteak beste, aurrez esandakoaren kontra egiten zuelako eta “nahierara” jokatu dutelako. Aurkeztutakoen %15ak soilik gainditu zuen hautaproba. Honako albistean daude suhiltzaileen protestarako argudioak xehetuta. 

EAJko hainbat ordezkarik, aldundietakoak barne, adierazi dute ulertzen dutela “gainditu ez dutenen tristura”, baina azterketak neurri guztiak bete dituela eta ziurtatu dute ez zuela  “neurriz kanpoko ezer” eskatzen.

Suhiltzaileek Arkautik aurkeztutako emaitzei helegitea jarri diete, baina salatu dute akademiak denak ezeztatu dituela “azalpenik eman gabe”.

Ostegunean Arabako suhiltzaileek protesta egin dute goizean Gasteizen, Eusko Jaurlaritzaren aurrean, irtenbideak eskatzeko “kalean geldituko diren %75 langileren arazoari”, eta Arkautirekin baterako lan eskaintzen frogak baztertzeko.

 


Kanal honetatik interesatuko zaizu: Langile borroka
Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude