Su-etena Gazako zerrendan, bonbardaketaz beteriko hiru egunen ondoren
Azken eraso hau hasiz geroztik 44 palestindar hil dira gutxienez, haietako erdia zibilak eta 15 adin txikikoak. Gutxienez 360 zauritu kontatu ditu gazatar Osasun Ministerioak.
Palestinako Jihad Islamikoko kideek aditzera eman zuten su-etena 23:30tan (20:30 GMT) hasiko zela eta Israelgo lehen ministroak ere su-etena berretsi zuen. Egipto ibili da bitartekaritza lanetan Israel eta Palestinaren artean bake-akordio bat lortzeko.
Gainera, Israel eta Gazaren arteko mugak berriro ere irekiko dituztela iragarri dute, bai pertsonentzako, baita ondasunentzako ere.
Ostiralean hasi zuen Jihad Islamikoaren aurkako Egunsentia operazioa Israelek. Su-etena hasi baino gutxi lehenago bonbardeatu zituen berriro Gazako zerrendako hainbat leku.
Urgente: Violento bombardeo israelí en varias zonas de la Franja de Gaza ahora.
— Palestina Hoy ?? (@HoyPalestina) August 7, 2022
