Astelehen goizaldean emakume bat hil zuten Soraluzen, eta honen semea atxilotu dute gertakariarekin loturan. Hilketa gaitzesteko kazeroladak deitu ditu Euskal Herriko Emakumeen Mundu Martxak.
Astelehenean jakinarazi zen Ertzaintzak 74 urteko emakume bat aurkitu zuela hilik, Soraluzeko etxebizitza batean. Hilketarekin zerikusia duelakoan, haren 33 urteko semea atxilotu zuten ertzainek. Efe agentziak publiko egindako informazioaren arabera, atxilotua udaltzaina da Elorrion.
Euskal Herrian aurten indarkeria matxistak hildako hirugarren kasutzat jo du Soraluzekoa Euskal Herriko Emakumeen Mundu Martxak. Hori horrela, deialdiak egin ditu hilketa gaitzesteko. Astelehenean Soraluzeko balkoi eta leihoetan kazerolada egin zuten protesta gisa:
💪Gaur Soraluzen ozen erantzun dute erailketa matxistaren aurrean.
🔊Bihar guk kalean zarataz beteko ditugu!
💥Erasorik ez erantzunin gabe! pic.twitter.com/3YygpYNDgN
— EH Emakumeen Martxa (@emakumemartxa) March 16, 2020
Asteartean Euskal Herri mailan deitu dira balkoi eta leihoetako kazeroladak.
Koronabirusak larriagotutako zaintza krisiaren aurrean mahai teknikoa eratzeko asmoaren berri emanez mugimendu feministak astelehenean egindako agerraldian, ohartarazi zuten berrogeialdian indarkeria matxista kasuak larriagotu egin daitezkeela. Izan ere, indarkeria pairatzen duten emakume askok beren erasotzaileekin egin beharko duelako itxialdia. Horixe bera azpimarratu du Oneka euskal emakume pentsiodunen plataformak, eta ondokoa gehitu: emakumea eta adinekoa izatea indarkeria matxista pairatzeko “goi mailako faktorea” dela.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]