ARGIA.eus

2020ko ekainaren 01a

Sokatirako euskal selekzioak urrezko domina lortu du Munduko Txapelketan

  • Suedian jokatutako txapelketan lortu dute domina, lur gaineko 580 kilogramoko proban lehiatuta. Sokatirako taldeak 2014an lortu zuen ofizialtasuna.

Jon Ander De la Hoz Arregi @delarregi
2016ko irailaren 12a
Sokatirako euskal selekzioa, Suedian urrezko domina irabazi berritan. [Argazkia: @erenho9]

Ofizialtasuna lortu eta bi urtera iritsi da Euskal Herriko sokatira selekzioak Munduko Txapelketa batean lortutako lehen urrezko domina. Suediako Malmö hirian jokatutako lur gaineko txapelketan irabazi dute, 580 kilogramoko kategorian. Bigarren geratu da 500 kiloko pisuan lehiatu den emakumezkoen taldea.

Eusko Jaurlaritzak “poza eta harrotasuna” adierazi ditu agiri baten bidez, eta oroitarazi du “ikurriña eta euskal ereserkia lehen aldiz izan direla protagonista Munduko Txapelketa batean”. Horrez gain, garaipenak “kirol guztietan ofizialtasunaren alde lan egiteko” balio dezakeela uste du.

Euskal Selekzioak 2014ko udan lortu zuen ofizialtasuna, Sokatirako Federazio Internazionalak Herri Kirolen Euskal Federazioa onartu eta gero. Urte berean egin zuen debuta, Wisconsingo (AEB) Munduko Txapelketan. Brontzezko bi medaila lortu zituen bertan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskal selekzioak  |  Suedia  |  Euskal selekzioak  |  Sokatira

Euskal selekzioak kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude