Sinwarren hilketaren ondoren, gerrak bere horretan jarraitzen du
Yahya Sinwar Hamaseko burua hil ondoren, Ekialde Erdiko gerrak nola jarraituko duen aurrera mintzagai da hilketaren biharamunean. AEBek, Joe Bidenen ahotik, berehala iragarri dute orain su-etenak bidea libre izan dezakeela. Bide beretik jo dute Mendebaldeko hainbat buruzagik. Benjamin Netanyahuk argi erantzun die: “Gerrak jarraituko du, guztiz irabazi arte”.
aurre egingo dieten hedabide independenteak
Ez dago argi, dena den, “guztiz irabaztea” zer den Israelentzat. 2023ko urriaren 7ko erasoen ondoren Israelek aipatu zuen Hamas guztiz garaitzea eta bahituak askatzea izango zela irabaztea. Urtebete beranduago, ez bata ez bestea ez dira bete, nahiz eta 42.000 palestinarretik gora hil dituen Gazan, eta beste dozenaka mila zauritu. Bestetik, 101 bahitu israeldar oraindik Hamasen esku daude eta Israelgo armadak dio haien erdia hilik egon daitekeela.
Horregatik, Sinwarrena moduko heriotzak oso ongi datozkio Israeli garaipen gisa aurkezteko, batez ere urriaren 7ko Hamasen erasoaren “antolatzaile” moduan aurkeztu izan dutenean. Ez dago zalantzarik erakundeko buruak hiltzea mingarria dela Hamasentzat, baina ez dago zalantzarik ere erakundeak lortzen duela berrantolatzea eta Israelen aurkako gerrarekin jarraitzea. Israelgo armadaren arabera, Hamaseko borrokalarien herena hil du. Hamasek egunero jarraitzen du borrokan eta Israelgo soldaduak hiltzen eta zauritzen. Gazako administrazio zibilak ere bere esku jarraitzen du.
Sinwar Gazako buruzagi militarra izan da azken urte luzeetan, eta uztailean Israelek Ismail Haniyeh Hamaseko buruzagia Teheranen hil ondoren, Hamaseko buruzagi gorena izendatu zuten. Dozenaka izan dira Israelek atentatuetan hil dituen buruzagi palestinarrak, bai Palestinaren Askapenaren Erakundekoak, bai Hamasekoak, baina horrek ez du bakerik ekarri Ekialde Erdira, eta bai ordea, gerra berriak.
Ez dago garbi, hala ere, nola hil duten Sinwar. Horrelako operazioak hilabeteetako jarraipenaren ondoren egiten ditu Israelgo armadak, baina oraingoan zabaldu dutenez, Israelek ez zekien ohiko borroka horietako batean hildakoetako bat Hamaseko buruzagia zenik. Azkenean, Israelgo armadak esandakoaren arabera, DNA frogak egin ondoren segurtatu dute bera zela.
“Gerrak aurrera jarraitzen du”
Iranek eta Hezbollah-ak Sinwarren heriotza deitoratu dute eta “erresistentziak” Israelen aurkako borrokan jarraituko dutela baietsi dute; areago, gerra beste etapa batera iragan dela azpimarratu dute. Esaten da Sinwar gabe su-etena errazagoa izan daitekeela Gazan, eta AEBek adierazi dute Qatar eta Egiptoko negoziatzaileekin harremanetan direla dagoeneko, duela asteak geldi dauden negoziazioak berriz abiarazteko.
Edozein modutan, Gaza eta Libanon, gerrak aurrera darrai eta oraingoz ez da ikusten nola amai daitekeen. Gazan, Israelek iparraldea jendez hutsa nahi duela dirudi, behin eta berriro lurraldea husteko agindua ematen baitu. Milaka palestinarrek, ordea, han jarraitzen dute, bai ez dutelako nola mugitu hegoalderantz, bai barneratua dutelako Israelek berdin hil ditzakeela Gazako edozein lekutan.
Azken asteetan, Israelek kolpe ikusgarriak eman dizkie Hamasi eta Hezbollahri, eta oraindik geratzen da Iranen aurka iragarrita duen erasoa. Oso gogorra izango dela dio Israelek, eta aurrekarien arabera, arrazoi asko dago pentsatzeko horrela izango dela.
Gaurkoz, Libanoko Osasun Ministerioak iragarri du Israelgo armadak 45 pertsona hil dituela eta 179 zauritu ostegun honetan egindako erasoetan. Israelgo armadak dio ostegun honetan 150 eraso egin dituela Gazan eta Libanon.
Urriaren 15ean Palestinaren aldeko eguna da Hego Euskal Herrian, eta hainbat sindikatuk eta mugimendu herritarrek mobilizazioak, lanuzteak eta grebak deitu dituzte. ARGIAk bat egin du Palestinaren aldeko greba eta lanuzteekin. Hemen aurkituko dituzue egunaren jarraipena eta... [+]
.jpg)
Milaka eta milaka pertsonak parte hartu dute Palestinaren aldeko Gasteizko manifestazio nagusian. Sindikatu deitzaileak oso pozik agertu dira manifestazioak, lanuzteek eta grebak Araban izan duten jarraipenarekin. Nazioarteko zein Euskal Herriko patronalari eta instituzioei... [+]
Torturak eta gehiegikeriak 2023ko urriaren 7tik ugaldu egin direla frogatu dute askatu berri dituzten ehunka palestinarren testigantzek. Nahita eduki dituzte goseak jota, mota askotako torturak pairatu dituzte, eta osasun arta hutsaren hurrengoa izan dela salatu dute. Aske... [+]
Donald Trumpek Gazarako bere su-etena ospatzen jarraitzen duen bitartean, galdera ugari dago etorkizunaren gainean. Democracy Now! hedabideak Khaled Elgindy elkarrizketatu du asteartean [urriak 14], arabiar gaietan aditua eta irakasle bisitaria Georgetown Unibertsitatean, AEBek... [+]
Hezkuntzak egun osoko greba bizi du Hego Euskal Herrian eta jarraipen zabala izaten ari dela adierazi diote ARGIAri langileen eta ikasleen ordezkariek. Jarraipenaren datuak, elkarretaratzeak, zabaldu dituzten mezuak eta deialdi berezituaren arrazoiak jaso ditugu. “Beste... [+]
Igandean indarrean sartu zen su-etenaz geroztik, armada sionistak hiltzen jarraitu du. Gutxienez bederatzi palestinar hil eta beste hiru adin txikiko zauritu dituzte. Droneekin tirokatuta hil dituzte lehenak, eta besteak Al-Shifa ospitaletik gertu zeuden lehertu gabeko... [+]
Gazako zerrenda Egiptorekin lotzen duen Rafah pasabidea zabaltzea eta egunean laguntza humanitarioko 600 kamioiri Gazan sartzen uztea hitzemana zuen Israelek, baina asteartean mehatxu egin zuen 300 kamioi soilik utziko zuela sartzen eta Rafah pasabidea ez zuela zabalduko... [+]
Palestinaren aldeko lanuzteek enpresetan jarraipen zabala izatea aurreikusten zuten sindikatuek, eta hala izaten ari da. Gainera, mobilizazioak lantokietan bertan hasi dira, hiriburuetan egingo diren manifestazio handien atariko.
Urriaren 15ean palestinar herriaren aurkako genozidioa salatzeko geldialdia egingo dugu, indartsu. Itxiko ditugu enpresak, elkarteak, egoitza publiko zein pribatuak, industrialdeak. Zaharren egoitzak edo ospitaleak ez, zerbitzu minimoak %100ean jarri dituztelako, zerbitzu... [+]
Urriaren 15eko asteazkena Palestinaren aldeko eguna da Hego Euskal Herrian, eta hainbat sindikatuk eta mugimendu herritarrek mobilizazioak, lanuzteak eta grebak deitu dituzte. Albiste honetan jaso ditugu deialdiak. ARGIAk bat egiten du Palestinaren aldeko greba eta... [+]
Aurten bigarrenez, Iparraldea Palestinarekin sareak "palestinarrak haien erresistentzian sustengatzeko eta Israel zein bere konplizeen kontra borrokatzera deitzeko eguna" antolatu du azaroaren 15ean Makean (Lapurdi). Halaber, dei egin dute azaroaren 8an Israelekin... [+]
Ohar bateratua argitaratu dute Hamasek, Jihad Islamikoak eta Palestinaren Askapenerako Herri Fronteak. Ñabardurak egin dizkiote itxurazko bake-planari: ez daude ados "nazioarteko tutoretza" edo Gazarako aipatzen den "aldi baterako kanpo-administrazioa"... [+]
Hasi da bahituen trukea Palestinan eta Israelen. AEBetako presidentea heroi baten moduan hartuko dute astelehen eguerdian Tel Aviven, eta Egipton goi-bilera egingo da gero, "Gazaren etorkizunaz gogoetatzeko". Bien bitartean, laguntza humanitarioa indartu bada ere,... [+]
Israel eta Hamas negoziaketa betean dira, Trumpek proposatutako su-etenerako planaren harira. Ekialde Hurbileko zenbait hedabidek informatu dutenez, bahitu israeldarren trukean askatu behar dituen preso palestinarren izenen zerrendan jarri zuten Marwan Barghouti, baina... [+]