HIESaren kontrako plan estrategikoa jarriko dute abian Jaurlaritzak eta Osakidetzak
Eusko Jaurlaritzako Osasun Sailak eta Osakidetzak plan estrategiko bat jarriko dute abian, EAEn sexu bidezko gaixotasunen intzidentzia jaisten jarraitzeko helburua duena. Azken urteetan kutsatze kopuruak beherantz egin arren, oraindik beharrezkoak dira mota horretako gaitzen aurkako programa espezifikoak, Jon Darpon Osasun sailburuaren esanetan.
Abenduaren 1ean da HIESaren Munduko Eguna, eta aurtengo leloa gogorarazi dute prentsaurrekoan: “HIESa ez da iraganeko kontua, kontuan izan egun ere”. Mezu horrekin bat eginez, 2015-2018 epealdirako plana aurkeztu dute. Helburua da sexu bidezko gaitzak %10 murriztea.
Darponekin batera, Daniel Zulaika (Euskadiko HIESaren eta Sexu Transmisiozko Infekzioen Planeko koordinatzailea) eta Maria Jose Fuster (Espainiako SEISIDA elkarteko kudeatzailea) agertu dira hedabideen aurrean. Adierazi dutenez, gutxi gorabehera 7.500 lagunek daukate GIB birusa gaur egun Araban, Bizkaian eta Gipuzkoan, eta horien heren batek ez dakiela kalkulatzen da.
Zifrak hobeak dira duela urte batzuetakoak baino: 2009an 207 kasu berri diagnostikatu zituzten; 2013an, 143. Haatik, adituek uste dute plan espezifikoak mantendu beharra dagoela. Besteak beste, HIESa gaitz kroniko, eta ez hilgarri, bihurtu izanak nolabaiteko erlaxatzea eragin duelako herritarrengan, eta hori arriskutsua izan daitekeelako etorkizunean, beste herrialde batzuetan gertatu denez.
Bestalde, sexu bidez kutsatzen diren zenbait gaitzen intzidentzia handituz doa. Kopuru absolutuak ez dira ikaragarriak, baina hala ere, goranzko joerak arreta berezia eskatzen duela adierazi dute.
Osakidetzaren webgunean ikus daitekeenez, batez beste 72 sifili kasu atzeman ziren urtero 2008 eta 2012 bitartean. Orain dela hamarkada bat inguru, bizpahiru izaten ziren. Kontuan izan behar da era honetako gaitzen kasu guztiak ez direla atzematen, gaixoek ezkutuan mantentzen dituztelako.
GIBarekiko esposizio aurreko profilaxia da Prep botika. Alfonso Setiey Anitzak elkarteko lehendakariaren arabera, farmazietan eskuratzeak itxaron-zerrendak gutxitu ditzake. Alabaina, arriskuez ere ohartarazi du.
GIB / HIESA kasuak mantendu dira, baina klamidia, gonorrea eta sifilis kasuak bikoiztu dira. "Osasun publikoko arazo" direla ohartarazi du Jaurlaritzako Osasun sailburuak, "gorakada nabarmena" izan baitute.
Kutsatze gutxiago egon ez dadin diagnostiko horiek lehenago egitea zein garrantzitsua den azpimarratu du Nafarroako Osasun zuzendari nagusiak. “Osasun-sistemara heltzeko zailtasun handiagoak dituztenengan” jarri du fokua aurtengo hiesaren Eguneko kanpainak.Nafarroak... [+]
Botswanak GIB/HIESaren gaineko Nazio Batuen Programa Bateratuaren helburua gainditu duela jakinarazi dute, Hiesaren XXIV. Nazioarteko Biltzarrean (Montreal). Aurrez, beste bi herrialdek baino ez dute lortu helburu hori: Suitzak eta Eswatinik, biak ere 2020ko abenduan.
David Wojnarowicz (New Jersey, 1954 - New York, 1992) artista estatubatuarrak hizkuntza, baliabide eta egiteko moduen arteko mugak hautsi zituen bere obran, zeina 1980ko hamarkadan garatu zen. Diziplina anitzeko sortzaile, artista bisual, poeta, idazle, musikari,... [+]
Hego Euskal Herrian 2020an 134 kasu positibo atzeman dituzte. Abenduaren lehena da Hiesaren Aurkako Nazioarteko Eguna, eta NBEk ohartarazi du oraindik pandemia hori ez dela amaitu; iaz munduan 680.000 pertsona hil ziren hiesarekin lotutako gaixotasunen ondorioz.
Katalunian garatutako HTI txerto terapeutikoak %40ko arrakasta lortu du I. eta II. faseetako saiakuntzetan; Mosaico prebentziozko txertoa, berriz, Espainiako Estatuko 250 pertsonari txertatu zaio bere hirugarren eta azken fasean.
HIESaren aurkako borrokaren nazioarteko egunean, gogoratu dute estigma handia duen birusa dela oraindik, osasun krisiaren erdian HIESa dutenen zaurgarritasuna areagotu egin dela, eta aurreiritzirik gabeko sexu heziketa ezinbestekoa dela txikitatik.
Pandemiak eragin duen txerto eta oinarrizko medikamentuen eskasiagatik, Osasunaren Mundu Erakundeak esan du Afrikan milioi erdi bat pertsona hil daitezkela HIESarekin zerikusia duten gaitzekin, Democracy Now hedabideak jaso duenez.
GIB birusaren estigmatizazioaren aurka egiteko, sormen artistikoaren balioa aldarrikatuko du Zinegoak Elkarteak abenduaren 4an eta 5ean egingo den VIHsible Zinema Zikloan.
GIBdunei laguntza ematen dien Harri Beltza elkarteak 25 urte bete ditu. Garaiak aldatu dira, infekzioa tratatzeko moduak ere, baina ez da aldatu asistentzia beharra.
GIBaren eta hiesaren inguruan estigmak irauten du. Bizkaisidak, Eusko Jaurlaritzak eta Euskaltzaindiak bat egin dute aurreiritziak saihesteko kanpainan.
GIBari heltzeko garaian, guk uste dugu arlo biomedikoan soilik oinarritzen den estrategia ez dela nahikoa LGTB+ komunitateak sexu-osasunean dituen premiei erantzuteko. Lesbiana, Gay, Transexual eta Bisexualen Estatu Federazioak diskurtso inklusibo bat jarri nahi du agerian... [+]
Isilpean atxikiriko historia argira ekartzeko balio ukan du 120 battements par minutes (120 taupada minutuko) filmak Cannesko Urrezko Palmorria irabazi izanak. 80ko hamarkada bukaeratik aitzina hiesaren aurka eramandako borroka du hari nagusi. Jendartearen eta agintarien... [+]