Emakumeak borrokan

Sexu-abusuengatik Gipuzkoako lau apaizen aurkako salaketak jaso ditu Elizbarrutiak azken bi urteetan

  • Sexu-abusuak eta Gipuzkoako eliza katolikoa berriz ere elkarren eskutik: Gipuzkoako Elizbarrutiak jakinarazi du, azken bi urteetan lau apaizek duela 38 eta 50 urte artean haurrei egindako lau sexu-abusu salaketak jaso dituztela.

ARGIA @argia
2019ko otsailaren 27a
Jose Ignacio Munilla, Donostiako gotzaina.

Duela bi urte Juan Kruz Mendizabal “Kakux” Gipuzkoako bikario ohiak egindako abusuen eskandaluarekin atera zen gaia lehen aldiz agenda publikora.

Geroztik, beste lau salaketa jaso dituztela adierazi du Donostiako Elizbarrutiak.

Salaketek, ordea, ez dute eragin praktikorik izango, delituak egin zirenetik hamarkadak pasa direnez, dagoeneko preskribatuta daudelako. Gainera, salatu dituzten lau elizgizonetatik bi hilda daude dagoeneko.

Gipuzkoako elizak dio, barne-legediaren araberako prozesua abiatu zuela salatuak izan diren eta oraindik bizirik dauden beste bi apaizen aurka. Vatikanoak gainbegiratuta egin da prozesu hori eta bi apaizei “zigor kanonikoa” ezarri zaiela jakinarazi du.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Eliza Katolikoa  |  Gipuzkoa  |  Pedofilia

Eliza Katolikoa kanaletik interesatuko zaizu...
Azkenak
EGILEA
Eguneraketa berriak daude