Save the children, saldu bonbak
Pilar Kaltzada Zedarriak taldeko kidea da. Urtarrilaren 15ean taldeak armagintza industria bultzatzeko hurrengo urteotan egongo den “aukera bikaina” aprobetxatzera deitu zuen, oihartzun handia izan zuen ekitaldi arranditsuan. Gasteizkoak talde antimilitaristaren ikerketaren arabera, Zedarriak-en hamasei kideetatik hamarrek izan dute edo dute lotura motaren bat armagintzarekin, tartean Kaltzadak berak. Kaltzada Save de Children (haurrak salbatu) GKEko Espainiako presidentea ere bada. Naiz-i eman zion elkarrizketan azaldu zuen zerk eraman zuen GKEn sartzera: “Txundigarria iruditu zitzaidan jakitea bazela antolakunde bat zioena gerra guztiak haurren aurkako gerrak direla”.
Jokin Aperribay SAPAko burua da, Euskal Herriko armagintza enpresa garrantzitsuenetakoa. Borroka ibilgailuetan eta artillerian aritu da nagusiki, eta berriki sektore aeronautikoan sartu da. Aperribay Realeko presidentea da. Bere webgunean irakurri daitekeenez, “Realaren misioa da zelai barruan eta kanpoan onenak izatea. Real Sociedad Fundazioaren betebeharra da zelaitik kanpo onenak izatea”. Horregatik, fundazioak hainbat balore sustatzen ditu: “Elkartasuna, inklusioa, genero-berdintasuna, euskara, ingurumenarekiko errespetua”.
Mikel Torresek, Jaurlaritzako bigarren lehendakariorde eta Ekonomia, Lan eta Enpleguko sailburuak, Zedarriak-en proposamenari erantzun zion iragan astean. Produktu eta merkatu berrien “aukera” baliatzera deitu eta Jaurlaritzaren "babesa" ziurtatu zion sektoreari, “herrialde osoaren onerako”.
Armagintza eta militarismoa despolitizatu eta desideologizatu nahi dituzte, haien proiektu politikoa eta ideologia erresistentziarik gabe inposatzeko
Save the Childreneko presidentea esku batekin gerretako haurrak salbatzen eta bestearekin armagintza bultzatzen; Realeko presidentea goizetan elkartasuna eta inklusioa bultzatzen, arratsaldetan heriotzarekin merkataritzan AEBetan, Turkian, Espainian edo Saudi Arabian –eta odol-negozioak harro azaltzen Moncloan, talde argazkia eginda Espainiako armagintzaren buru nagusiekin–; Jaurlaritzako lehendakariordea armagintza sustatzeko konpromiso publikoa hartzen, Gasteizko Legebiltzarrak hori debekatzen duen legea onartu bazuen ere, tartean bere alderdiaren aldeko bozekin; Jaurlaritzako lehendakariordea EAEko ekonomian armagintzak duen pisu “oso garrantzitsuaz” harro 2024an, 2017an Urkullu lehendakariak hori bera ezkutatu nahi izan zuenean produkzioa “ehizarako armetara” mugatuta.
Urte batzuk direla, horietako gauza asko ez lirateke gertatuko, eta gertatuko balira asaldura handia sortuko lukete, gaur ez bezala. Zergatik? Torresek eman du erantzuna, armagintzaren konplexurik gabeko apologia egin ostean gehitu baitzuen sozialistak: “Beste kontu bat da gutako bakoitzak izan ditzakeen posizio ideologikoak esparru honetan”.
Heriotzaren merkataritza sen on hutseko zerbait bailitzan irudikatu nahi dute. Armagintza eta militarismoa despolitizatu eta desideologizatu nahi dituzte, haien proiektu politikoa eta ideologia erresistentziarik gabe inposatzeko munduan zein etxean. Ez dezagun baimendu, hurrengo urteotan gure gizarteek hartuko duten norabidea erabakitzeko lubaki garrantzitsuenetakoa baita.
Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
Aurreko artikulua amaitzeko, Euskal Herriko xahuketa eta gerrarako ekoizpenaren inguruan (EHXGE, edo industria militarra) hitz egiten denean Zedarriak eta Eusko Jaurlaritzak jorratu nahi ez duten helburu bat jarri genuen mahai gainean: Euskal Herrian egindako... [+]
Badira aste batzuk Europar Batasuneko presidente den Ursula von der Leyenek zortziehun mila milioi euroko gastu militarraren beharraren berri eman zuela. Gastu hori Europak jasaten duen mehatxu militar bati aurre egiteko omen da, eta mehatxu horri batasunez erantzun beharra... [+]
Moldaketari buruzko gure liburuan azaldu genuenez, aurreko mendeko 80ko hamarkadaren amaieratik Europako gastu militarrak behera egin zuela ikusirik, XXI. mendearen hasieran Europako heriotzaren merkatariek antolatzea erabaki zuten, eta eredu estatubatuarra imitatuz lobby moduan... [+]
PSOEren hainbat egoitza eta armagintzarekin lotura duten hainbat enpresa seinalatu dituzte, hala nola, ITP Aero, Dassault eta Lauak.
Azken aste eta hilabeteetan, mota guztietako erakunde politiko eta ekonomiko eta enpresarialek etengabe altxatu dituzte gerra-hotsak. Baina zarata burrunbatsu horren asmoa argi pentsatzen ez uztea eta beldurrak gure analisia nahastea balitz? Saia gaitezen errealitate hori... [+]
Israelgo IMI Systems enpresarekin Espainiako Barne Ministerioak egindako bala erosketa bertan behera uztea agindu du Pedro Sanchez Espainiako Gobernuko lehendakariak. PSOEren eta Sumar-en arteko gobernu koalizioan zegoen apurketa arriskua baretu du erabakiak.
Espainiako Gobernuak urte amaierarako Defentsara bideratuko duen gastua Barne Produktu Gordinaren %2 izango da: 33.123 milioi euro. Sánchezek adierazi du erabaki horrek "Espainiaren segurtasuna bermatzea" eta armadaren baliabideak "modernizatzea" dutela xede.
Urtearen hasieran, Zedarriak taldeak "defentsaren" industriari buruzko "eztabaida irekitzearen" alde egin zuen publikoki (baita nuklearrari buruz ere), eta Eusko Jaurlaritzak berehala egin du bat horrekin. Lehenik, Mikel Torres lehendakariorde eta Ekonomia... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Joan den ekainaren amaieran bukatu genuen Conversión de la industria militar en Euskal Herria para no fabricar más guerras (Armagintza industriaren moldaketa Euskal Herrian, gerra gehiago ez sortzeko) liburuaren lehenengo zatiak Gerra badatorrela! du izenburu, bertan... [+]
.jpg)
Historia errepikatzen dela idatzi zuen Marxek, “lehenik tragedia gisa, gero fartsa moduan”. Armagintzaren eta militarismoaren inguruan errepikapen hutsa ez, espiralean goraka doan buklea ari gara bizitzen, fartsatik asko duena, eta tragedian amaitzeko gero eta aukera... [+]