Sant Esteve de les Roures (edo Doneztebe-Hariztieta), fikziozko herri independentista katalana

  • Guardia Zibilaren txosten batean agertu zen, martxoan, Sant Esteve de les Roures herri katalana. El Mundo egunkariak jaso zuen albistea, Guardia Zibilak 315 ekintza biolento ziurtatu zizkiola Auzitegi Gorenari, horietako batzuk, bereziki larriak, aipaturiko herrian. Baina Sant Esteve de les Roures ez da existitzen. Asmatutako herria da... edo izan da, orain Interneten bizi-bizi baitago, Twitterreko hainbat konturen bidez bizia hartu du herriak.

Sustatu @sustatu
2018ko apirilaren 24a

Zenbait txantxa eta memeren ondoren, herriaren izena Twitterreko fenomenoa bihurtu da. Lehenbizi, ustezko herriaren udalaren kontua sortu zuen baten batek, eta kontu hori Guardia Zibilarekin berarekin jarri zen txio-trukean, besteak konturatu gabe.

Udalaren ondoren, sekulako erakunde piloa sortu da Sant Esteve de les Rouresen: bi unibertsitate (@univ_st_esteve eta @unisedr), elkarte sardanista bat (@AgSard_StEsteve), partikula atomikoen azeleragailua (@CERNsedr, Suitzako CERN ospetsuari lotua), liburutegia (@bibliosedr), apezpikua (@SedeEpiscSSteph), Islamaren Etxea (@islamic_de), egunkari (@laveudesesteve) eta telebistak (@RouresTV eta @RTV_StStvRoures), jatetxe turkiarra (@KebabRoures), Starbucks (@StarbucksRoures), espazio agentzia (@aese_roures), aireportua (@aeroportroures), suhiltzaileak (@bmbrs_SntStvRrs) eta baita Guardia Zibilaren unitate propioa bera ere. Euskal Etxea ere badu (@RouresEuskal), orain eztabaidan ari dira ea Euskal Herriko enbaxada bihurtu ala ez.

Bilduma bat hemen ikusi daiteke. Fenomenoak hedabide eta iritzigileen arreta erakarri du. Quim Monzo idazlea zabalkunde handia egiten ari da Twitterren, eta beste batzuk "estructura de estat" iritzi diote herri imaginarioari.

Twitterreko kontuez aparte, beste era bateko memeak ere sortu dira. Sant Esteveko hondakin arkeologikoen artean aurkitutako kapitel erromaniko hauena oso ona da, adibidez.

Eta Euskal Herritik ikusita...

Disparate honek badu aurrekaria Euskal Herrian. 2009an webgune batek Arralden kokatutako presoen aldeko ekitaldi baten berri eman zuen, eta ekitaldia debekatzeko eskaera baten aurrean, Baltasar Garzonek espreski baimendu zuen Goenkaleren herrian gertatu beharreko hura. Hona albiste hura Sustatun.

Euskaraz ematekotan, Sant Esteve de les Roures, Doneztebe-Hariztieta edo antzeko zerbait litzateke (roure haritza da katalanez). Akaso ideia emango diogu baten bati izen horrekin Twitter kontua sortzeko... beste hizkuntza batzuetako "herri faltsu txiolariak" sortu dira, izatez. Hor dugu, adibidez, Santo Stefano delle Querce italierazkoa.

Artikulu hau Sustatuk argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Internet kanaletik interesatuko zaizu...
2018-11-14 | ARGIA
ARGIAk mendeurrena ospatuko du 2019an herritarren esku jarriz 100 urteko ondarea

Mendea beteko du ARGIAk datorren urtean eta data esanguratsu hori baliatuko du zenbaki guztiak eta argazki artxibo historikoa digitalizatzeko. Mendeurrenaren harira hurrengo urtean ekimen ugari egingo dituztela aurreratu dute Donostian emandako prentsaurrekoan.


2018-09-27 | ARGIA
EAEko adikzioen gaineko inkesta: alkoholaren eta tabakoaren kontsumoak behera egin du

Aldiz, azken bost urteetan gora egin du psikofarmakoen eta kalamuaren kontsumoak, Eusko Jaurlaritzaren "Adikzioen gaineko inkesta. Euskadi 2017" txostenak jasotako datuen arabera. Jokoa ere hazi da, kirol apustuak bereziki.


Amazonen infanteria iritsi da Frantziako literatur sistemaren azken gotorlekura

Irail honen hasierakoa da notizia: Amazonen autopublikatutako liburu bat Frantziako Renaudot sariko finalisten artean dago. Marco Koskas idazlearen Bande de Français da nobela eta lehenbiziko aldia da plataforma horren bidez publikatutako lan batek Frantziako Estatuko sari literario garrantzitsuenetako bat irabazteko aukera daukana.


Europako Parlamentuak egile-eskubideak zorrotzago babesteko urratsa eman du

Parlamentuak onartutako lege proposamena Batzordeak eta Kontseiluak onartu behar dute aurrera atera dadin.


2018-09-05 | ARGIA
Wikileaks-en sortzaileetako baten desagerpena salatu dute

Norvegiako poliziak ikerketa abiatu du Arjen Kamphuis-en desagerpenaren berri izan ostean. Azken urteetan mundu osoko botere ekonomiko eta politikoek ezkutuan zeuzkaten dokumentuak sareratzeagatik ezaguna egin den Wikileaks atariaren sortzaileetako bat da.


2018-07-18 | Nahia Ibarzabal
Googleri inoizko zigorrik handiena ezarri dio Bruselak

Europar Batzordeak 4.340 milioi euroko isunarekin zigortu du multinazional estatubatuarra, Android sistema eragilearekin oker jokatzeagatik.


2018-07-17 | ARGIA
Amazonen milaka langile greban daude salmentarik handieneko 'Prime Day' egunetan

Amazon banaketa konpainiaren Europako milaka langile greban daude gaur enpresak 'Prime Day' promozio bereziko egunak ospatzen dituela aprobetxatuz. Liburu eta diskoetatik hasita edonolako kontsumo gaien banaketa eta komertzializazioa kasik monopolizatu duen Amazoneko langileek soldaten igoera eta lan baldintzen hobetzea eskatzen dute.


2018-07-09 | ARGIA
Alemaniako poliziak hainbat aktibistaren datuak konfiskatu ditu

Anonimatu elektronikoaren aldeko aktibismoan giltzarri den Zwiebelfreunde elkarteari material informatikoa eta dokumentazio fiskala konfiskatu dizkio poliziak, hainbat ekintzaile eta proiektu sustatzaileren datuak eskuratuz.


2018-07-05 | ARGIA
Interneteko edukiei galbahea jartzeari buruzko erabakia irailera atzeratu du Europak

Sare sozialetan izandako kritiken ostean, Europar Parlamentuak atzera bota du egile eskubideen inguruko zuzentaraua erreformatzeko egindako proposamena eta irailera atzeratu ditu testuaren inguruko negoziazioak.


Azkenak
EGILEA
Eguneraketa berriak daude