Sanferminetako talde bortxatzaileei ezarritako zigorra berretsi du Nafarroako Auzitegi Nagusiak

  • Sexu abusu delitu jarraituagatik zigortu dituzte bost bortxatzaileak. Bost epaileetatik bik abusua ez baina erasoa izan zela uste dute.

ARGIA @argia
2018ko abenduaren 05a
\'La Manada\' auziko bortxatzaileak baldintzapean aske utzi ostean Iru˝ean egindako mobilizazioa (Argazkia: Pablo Lasaosa)

Nafarroako Lurralde Auzitegiak bederatzi urteko kartzela zigorra ezarri zion bortxatzaileetako bakoitzari, “sexu abusu” delitua leporatuta. Asteazkenean publiko egindako epaiarekin, Nafarroako Auzitegi Nagusiak berretsi egin du zigorra, eta atzera bota defentsak eta akusazioak jarritako helegiteak. Batak absoluzioa eskatzen zuen, besteak aldiz zigor gogorragoak.

2016ko Sanferminetako talde bortxaketan sexu erasorik eman ez zela defendatu dute Nafarroako Auzitegi Nagusiak zein Lurralde Auzitegiak, eta “abantailazko sexu abusua” izan zela ebatzi. Sexu abusu delituagatik, bederatzi urteko kartzelaratzearekin batera, bost urteko zaintzapeko askatasuna eta hamabost urtetarako biktimarekiko urruntze agindua ezarri zitzaion erasotzaileetako bakoitzari, epaiak berretsi berri duen zigorra. Oraindik orain, epaiaren aurkako helegitea aurkeztu daiteke Espainiako Gorenean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Indarkeria matxista  |  Nafarroa  |  Sanferminak

Indarkeria matxista kanaletik interesatuko zaizu...
2019-02-21 | ARGIA
Majarenasen alabaren erasotzaileak libre jarraituko duela salatzeko elkarretaratzea deitu dute Donostian

Duela bi urte Sara Majarenasen alaba Izar hiltzen saiatu zen gizona libre da otsailaren 15etik. Asteazken honetako bistan, Majarenasen eta alabaren defentsak eskatu du epaiketara arte gizona kartzelan mantentzeko, jakinik gainera erasotzaileak aitortu egin duela erasoa eta zigortu egingo dutela. Epaileak ordea ebatzi du aske segi dezakeela eta protesta-elkarretaratzea deitu du Donostian Sara Izarrekin plataformak, ostegun arratsalderako.


2019-02-19 | ARGIA
Libre utzi dute Stytianos Messinezis, Sara Majarenasen alaba hiltzen saiatu zen gizona

Baldintzapean libre da otsailaren 15etik duela bi urte Sara Majarenasen alaba Izar hiltzen saiatu zen gizona: Stytianos Messinezis. Berriak eta Naizek jakinarazi dutenez, Picassent-eko (Herrialde Katalanak) instrukzio epaitegian asteazkenean berriz bista bat izango dute erabakitzeko akusatuak libre jarraituko duen ala bere aurkako prozesua amaitu arte espetxean izango den.


2019-02-15 | Arabako Alea
Hilero 91 emakume artatu ditu Gasteizko Udalak indarkeria matxistagatik

Gasteizko Udalak aurrenekoz bildu ditu indarkeria matxistaren arretaren inguruko datuak. Genero indarkeriaren errealitatea bere gordintasunean erakusten dute zifrek: 2018ko urtarriletik urrira arte, guztira, 916 emakume artatu dituzte Gasteizko Udaleko zerbitzuek indarkeria matxistagatik, hain zuzen 91,6 emakume hilabetero.


2019-02-12 | ARGIA
Ertzain bat atxilotu dute, sexu erasoa leporatuta

Erasotzaileak Bilbon eraso egin ziola salatu du emakume batek. Ertzaintzak espedientea zabaldu dio 49 urteko poliziari, eta epaiketara arte kargutik kendu.


Espainiar Inkisizioa keak belztuta

Languedoc (Okzitania), 1184. Inkisizioa sortu zen, kataroen heresiaren aurka egiteko. Handik Europako beste herrialde batzuetara zabaldu zen, bestelako “heretikoen” aurka ere egiteko.


Indarkeria matxista kasuetan zaintza partekatua ukatzeko lehen urratsa

Indarkeria matxista ematen den kasuetan, erasotzaileari seme-alabaren zaintza partekaturako eskubidea ukatzeko lege proposamena ostegun honetan iritsiko da Eusko Legebiltzarrera. Ondo bidean, tramiterako onartuko da proposamena. Espainiako Estatuan neurri hau ezartzen duen lehenengo erkidegoa litzateke EAE.


2019-01-30 | Amaia Lekunberri
Emakumeei eragiten dieten arazo sozialak ikusezinak dira erakundeentzat, Argitan-en balantzearen arabera

Iazko urtean 360 emakume artatu zituzten Argitan Emakumeentzako Aholku Etxean. Orain 23 urte proiektua martxan jarri zutenetik, 7.439 izan dira aholkularitza eske gerturatutako emakumeak.


2019-01-29 | ARGIA
Indarkeria matxistagatik hiru gizon atxilotu dituzte azken hiru egunetan

Donostia, Bilbo eta Gasteizen gertatu dira erasoak. Atxilotuek 27, 24 eta 35 urte dituzte, hurrenez hurren.


2019-01-29 | Arrosa Sarea
LAB sindikatuak lan munduko indarkeria matxista salatu du

LAB sindikatuak lan munduko hiru indarkeria matxista kasu salatu ditu gaur eskainitako prentsaurrekoan. Hiru adibide zehatz, emakumeek lan munduan bizi duten jazarpenaren adierazle.


2019-01-25 | ARGIA
Indarkeria matxistaren biktimen mapa - Internet saria
"Hedabideok birpentsatu beharko dugu indarkeria matxistaren berri nola eman"

2018ko azaroan abian jarri zuen Berria egunkariak indarkeria matxistaren biktimen mapa.  Maite Asensio eta Pello Urzelai etorri dira saria jasotzera. Asensiok adierazi du orain dela hamabost urtez geroztik ditugula indarkeria matxistari buruzko datu zehatzagoak, eta orduan hasi zirela hedabideak “bortizkeria horren berri serioago ematen” eta “erantzukizun politikoa” bere gain hartzen.


Azkenak
EGILEA
Eguneraketa berriak daude