Espainiako Auzitegi Gorenak kasuaren gaineko epai irmoa eman artean bost akusatuek baldintzapean aske jarraituko dute.
Nafarroako Auzitegi Nagusiak bost bortxatzaileak aske mantentzeko erabakia hartu du, hiru magistratutik bik ez espetxeratzearen aldeko botoa eman baitute. Magistratuetako batek bozkatu du akusatuak fidantzarik gabe espetxeratzearen alde.
Erabaki honekin baztertu egin dituzte Fiskaltzak, akusazio partikularrak eta herri akusazioak egindako eskaria. Hauek bortxatzaileak kartzelaratzea eskatzen zuten, bi arrazoirengatik: akusatuak ihesera eman eta delitua berriz egin dezaketela uste dutelako.
2016ko Sanferminetan emakume bat taldean bortxatu zuten bost akusatuek. 2017ko azaroan Nafarroako Lurralde Auzitegian epaituak izan ostean, bederatzina urteko kartzela zigorra ezarri zitzaien. Epaileek bortxaketarik ikusten ez zutenez sexu abusuengatik zigortu zituzten, ez sexu erasoagatik. 2018ko ekainean baldintzapean aske utzi zituzten bost bortxatzaileak, epaileek ez baitzuten ikusten auzipetuek ihesari emateko arriskurik, ezta delitua berriz egiteko aukerarik ere. Abenduan Nafarroako Auzitegi Gorenak sententzia berretsi ostean, fiskaltzak, akusazio partikularrak eta herri akusazioak helegiteak jarri zituzten, bost akusatuak berriz espetxeratzea eskatuz. Espainiako Auzitegi Gorenari dagokio orain kasuaren gaineko erabakia hartzea.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]