Sakabanaketa politika "motxila" dela eta amaitzeko eskatu dute hainbat presoren alaba-semek

  • 18 urtetik beherako 113 haur eta nerabek kartzelan dute gurasoren bat ala biak. Sarek orain gutxi espetxean hildako Kepa del Hoyoren seme Peruri eta antzeko egoera politikoan dauden gazteei hitza eman nahi izan die agerraldi batean, eta adierazi, salbuespenezko espetxe politika "motxila" bat dela gazte hauentzat bizitza egiteko. Madril eta Parisen jarrera aldatzea lortu beharra azpimarratu dute.

Lander Arbelaitz Mitxelena @larbelaitz
2017ko abuztuaren 08a
Peru del Hoyori babesa adierazi eta sakabanaketa politika amaitzeko eskatu dute presoen seme-alaba ugarik. (Argazkia: Sare)

Kepa Del Hoyoren seme Peruri babesa adierazi eta gazte hauek pairatzen duten egoera azalerazi asmoz, idatzi hau adostu dute hainbat gaztek.

Olatz Iglesiasek irakurri du:

"Hemen bildu garenak aita, ama espetxean ditugu. Hasteko, gure babes, maitasun eta elkartasun guztia adierazi nahi diogu Peruri. Peru ez zaude bakarrik, gu eta euskal gizartearen gehiengoa zurekin gaude. Gutako edonor izan zitekeen Peru, edo izan daiteke hemendik gutxira ere, egungo egoera aldatzen ez bada.

Peruren aita ez baita besterik gabe hil, Peruren aita Espetxe sistema gizagabe honek hil du. Guri, hemen gauden gazteoi eta gure egoera berean dauden askori haurtzaroa lapurtu digute. Jolasten, korrika, parkea egon beharrean ordu luzez autobus, kotxe, furgonetetako aulkiari lotuta pasa ditugu asteburu asko. Ezin izan dugu lagunekin batera kirol partidetan parte hartu asteburutan; edo lagunen urtebetetze festak ospatu bisitak egiteko asteburu osoa etxetik kanpo pasa behar izan dugulako. Peruk aita espetxean egon den 20 urte hauetan 19 egunez bakarrik izan du orotara aitarekin egoteko aukera. Aita eta ama ondoan behar izan ditugu, eta eskubide hori ukatu zaigu.

Umezurtz utzi nahi gaituzte! Peruk guk bezala aita etxean izatearekin egiten zuen amets, espetxe sistema honek amets hori betirako ezabatu du. Gazteoi askotan esaten zaigu etorkizuna garela, baina etorkizuna ez ezik oraina ere bagara eta hau da gu orain bizitzen ari garena.

Noiz arte? Zergatik? Gaur egun motxiladun umeak diren 2, 3, 4… 16 urteko 113 haur eta nerabe daude Euskal Herrian eta ez dugu guk bizitutakoa eurek ere bizitzerik nahi. Ez dugu ume horiei haurtzaroa lapurtzerik nahi! Ez dugu ume horiek umezurtz geratzerik nahi! Gurasoak orain eta bizirik behar dituzte, ditugu etxean, ez hemendik 20-30-40 urtetara. Zergatik heriotz hau? Zertarako? Norbaiti egiten al dio mesede? Norbaiti egiten al dio mesede gure gurasoak egoera honetan izateak? Ez dugu ulertzen".

Ondorengoak presente izan dira prentsaurrekoan: Olatz Igerategi, Malen eta Enaitz Arronategi, Aide eta Nahia Ercilla, Adur eta Haize Goieaskoetxea, Eguzki Azkarate, Maddi Kintana Morcillo, Xochitl Karasatorre, Garazi Barandalla, Ibai Manterola, Beñat Larramendi, Amaiur Zugadi, Hodeiertz Urain eta Eztizen Artola.

Horrez gain, idatziarekin bat egin dute ondorengo hauek ere: Iker Lerin Bartoli, Arkaitz Lerin Bartoli, Ekhi Aranburu Redondo, Amaiur Iragi Viso, Iker Narvaez Alberdi, Anuk Narvaez Alberdi, Elaia San Pedro Gisasola, Garazi Alegria Goienetxea, Iraitz Apeztegia Arrondo, Garazi Otaño Sarasola, Hodei Otaño Sarasola, Haitz Gorostidi Otegi, Inhar Gorostidi Otegi, Aitzol Gil de San Vicente Pla, Txomin Arkauz Hiriart, Oihana Parot Arrazubi, Izar Parot Arrazubi, Araitz Igerategi Lizarralde eta Unai Arkauz Hiriart.

Peru del Hoyok ere hitza hartu du. Ondorengoa adierazi du:

Aste bat pasa bada ere, nire aitari buruz hitz egitean orainaldia irteten zait, baina, zorionez edo zoritxarrez, bizitza honetan sufritzea ohitura bilakatu da, eta lagun, familia eta ezagunen (baita ezegagunena ere) animo eta beroarekin, aurrera jarraitzeko indarra elkartzea lortu dut.

Harira bueltatuz, Olatzek aipatu duen bezala, infantzia lapurtu, eta aita kalera irtetearen ametsak hil dizkigute. Nahiz eta gu inozenteak garen, gurasoei aplikatutako kondena, guri ere, ezarri digute. Nola da posible, halako injustizia, herrialde "zibilizatu" batean, normaltasun osoz mantentzea? Nola da posible, 19 urtez injustizia hau sufritu ondoren, aitagaz egoteko aukera eta ilusioa golpe batez akabatzea?

Nondik dator justizia hitza, nire jaiotzatik, nire bizitza injustua izan bada? Bizitza tristea tokatu zaigu, baina gure irribarrea ez digute inoiz kenduko, aste honetan zehar, Arkaitz Bellonen gurasoek esandako esaldi polit bat izan dut buruan bueltaka, gure baldintza antzekotan daudenekin konpartitu nahi dudana:

"Triste zauden unean, gehiago ezin duzula pentsatzean, pentsatu berak zer egingo lukeen... Aurrera segi!"`.

Honekin utziko dut gaurkoz, idazteko indarrak ere bahitu baitizkidate-eta, gogoak ditudan arren. Eskermila aukera hau emateagatik.

Sarek aldarrikatu du "benetako bake eta konponbidea lortzeko salbuespenezko politika eta Giza Eskubideen urraketa horiekin guztiekin amaitu beharra dagoela". Horretarako herritarren aktibazioa gakoa dela azpimarratu du.

"Behin eta berriz erakutsi behar dugu, hemen errespetuan eta elkarbizitzan oinarritutako gizarte bat eraiki nahi dugula, gorrotoan heziko ez den jendarte bat eraiki nahi dugula eta horretarako presoei euren eskubideak errespetatu behar zaizkie eta konponbidearen norabidean pausuak eman behar dira", adierazi dute. "Prest gaude irtenbide baterako, prest jendarte berribat eraikitzeko eta prest presoak 0km-tara izateko".

Peru del Hoyok sakabanaketa politika amaitzeko eskatu du. (Argazkia: Sare)

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskal preso politikoak  |  Sakabanaketa

Euskal preso politikoak kanaletik interesatuko zaizu...
2019-02-21 | ARGIA
Majarenasen alabaren erasotzaileak libre jarraituko duela salatzeko elkarretaratzea deitu dute Donostian

Duela bi urte Sara Majarenasen alaba Izar hiltzen saiatu zen gizona libre da otsailaren 15etik. Asteazken honetako bistan, Majarenasen eta alabaren defentsak eskatu du epaiketara arte gizona kartzelan mantentzeko, jakinik gainera erasotzaileak aitortu egin duela erasoa eta zigortu egingo dutela. Epaileak ordea ebatzi du aske segi dezakeela eta protesta-elkarretaratzea deitu du Donostian Sara Izarrekin plataformak, ostegun arratsalderako.


Presoen graduen aldaketa eskaerak ez ditu kontuan hartu Espainiako Gobernuak

Sare Herritarrak adierazi duenez, orain arte presoek egindako gradu-aldaketa eskaeretatik soilik hiru onartu dituzte, eta atzera bota dituzte beste 69, gehienei, 43ri ez diete erantzuna eman oraindik.


2019-02-19 | ARGIA
Libre utzi dute Stytianos Messinezis, Sara Majarenasen alaba hiltzen saiatu zen gizona

Baldintzapean libre da otsailaren 15etik duela bi urte Sara Majarenasen alaba Izar hiltzen saiatu zen gizona: Stytianos Messinezis. Berriak eta Naizek jakinarazi dutenez, Picassent-eko (Herrialde Katalanak) instrukzio epaitegian asteazkenean berriz bista bat izango dute erabakitzeko akusatuak libre jarraituko duen ala bere aurkako prozesua amaitu arte espetxean izango den.


2019-02-11 | Aiaraldea.eus
Ongi etorri jendetsua egin diote Julen Ibarrola gazteari Amurrion

Igandean atera da espetxetik Julen Ibarrola gaztea, errotulkiarekin pintaketa egiteagatik urtebeteko zigorra bete ostean. Eguerdian egin diote ongi etorri ekitaldia Amurrion.


Oier

Latza da Oier, Euskal Preso Politikoa, joana izatea gure helburu nagusiak lortu gabe. Beste behin ere. Latza da berak emandakoa putre batzuek euren interesetara egin dutela ikusi ahal izatea. Beste behin ere. Latza da hainbeste gudari bidean eroriak Euskal Herriaren askatasun integrala oraindik ere eskuratu gabe.


2019-02-04 | ARGIA
Frantzian euskal preso baten azken epaiketa abiatuko da

David Pla eta Iratxe Sorzabal epaituko dituzte Parisen otsailaren 4an eta 5ean. 2015eko irailean atxilotu zituen Frantziako Poliziak Baigorrin.


2019-01-31 | Topatu.eus
Preso eta iheslariei elkartasuna adierazteko '40 Minutu Rock' jaialdia, aurten bi egunekoa

Otsailaren 22an hasiko da Durangon 40 Minutu Rock jaialdia eta 23an bukatuko da. Landako gunean "kontzertu maratoia" egingo dute eta berariaz prestaturiko ikuskizuna ere izango da.


2019-01-30 | I˝igo Igartua
Euskal presoek bigarren graduko espetxealdira pasatzeko egin dituzten 69 eskakizunetatik 66 baztertu dituzte

Salbuespen eta behin-behineko egoerarako zehazturik dagoen lehen graduko espetxealditik presoak ateratzeko prozesuak blokeaturik jarraitzen du. Azken hiru hilabeteetan eskakizun bakarra onartu da eta 23 baztertu.


2019-01-28 | Hala Bedi
Oier Gomez agurtzeko deialdiak egin dituzte

Larriki gaixorik zegoen Oier Gomez euskal preso politiko ohia larunbatean hil zen, 04:30ean. Orain dela bi astetik ospitalean zegoen, haren osasun egoerak okerrera egin ostean, eta ordurako medikuek ohartarazia zuten preso ohiaren egoerak ez zuela hobera egingo. 35 urte zituen, eta Gasteizkoa zen.


2019-01-23 | ARGIA
Mikel Antza euskal preso eta idazlea libre geratu da Madrilera iritsi ostean

Mikel Albisu euskal preso eta idazlea –Mikel Antza izenez sinatzen ditu literatur lanak– joan den larunbatean irten zen Frantziako Estatuko Reauko kartzelatik, baina atxikitze zentro batean eduki dute asteartera arte.


Azkenak
EGILEA
Eguneraketa berriak daude